Tigidali Nai Gagalama Nigali Side 26:12 - Godigo dwagi yai po buku

¹² Aisakgo te tǫde nai wai dabe bulama, tama te kibu bede nai umabo mu pedelama, tama agai nai te hauwa sogo mu bulu dali tiwai gilama yali. Yawego aga tau siyu, tama dwagi yai sę aga dali yai,

Tigidali Nai Gagalama Nigali Side 26:12 Iomraidhean Croise

Tigidali Nai Gagalama Nigali Side 24:1

Te Abraham te monu dabe mu yalio. Tama Yawego agai tigidali yali sęde te wiegi yai tau sabo sę eyu, tama Abraham bugagia mu bidali.

Tigidali Nai Gagalama Nigali Side 24:35

Yawego eno genuai bidibolo wiegi yai mobo menama, tama aga genuai bidi nigilali. Yawego agabolo nai hauwa mani, te e nai dabe dao, sipsip, meme, bulmakau, silva me gol, sę bidi me, sę ebo we me, kamel me donki, te tama doado bage hauwa mawai dao.

Tigidali Nai Gagalama Nigali Side 25:11

Abraham isai digi, tama Godigo aga ogwa Aisak dali dwagi yai tau sabo sę yai. Aisak te wę ulu me deli pedalubo madi pąde bidali, te augwaligo nogi yali ‘Ena subo Bidibo Ula Elalubo Bidigo wę ulu.’

Tigidali Nai Gagalama Nigali Side 26:29

te nago da me dolamu dao. Dago wiegi yai kolesaga nagebolo yali, te nago dago bulu taga soali sogo te dago nage dali me hwįbeo, te nage homu nagame dali dua digi soai dao. Magi baso meni, te hania pedelalio, te Yawego te dwagi yai sę te megi nage dali ebo dao.” Augwaligo te po wali.

Tigidali Nai Gagalama Nigali Side 26:3

“Nage te bulude bolo bidao, tama ena nage dali bidiyu, tama dwagi yai tau sabo sę nage dali yaibao. Te e elalubo tǫ pedai tigidali te eno nagebolo mayu, te nago hani wąį dabe augwalibolo me mawaibao wai. Tama eno te nago aya Abraham dali dąų wali po te eno homude me gegeda palogobeo.

Tigidali Nai Gagalama Nigali Side 30:30

Polobadu te nago sipsip hauwa meni yai, te dwasianu hani elaluali. Tama megi te ena nage dali bidiyu, tama nago sipsip kibu dabe geninama, hauwa pedelali, magi baso meni, te nago ena haniani sęba muani goli, te Yawego wiegi yai sę nagebolo yali. Tiali goli, te eno ena hani bage tau sabo sę nisu egowe?”

Jopgo Po Asęani Elalubo Buku 42:12

Tede gagalasa, Genuai Bidigo te bidi Jop dali dwagi yai sę hauwa mu yalio. Tama aga sabi simanobo sogo bidali da, aga hasia bidali kibu be edelama, mu bidalio. Tama te bidi Jopgo 14,000 sipsip kibu, me 6,000 kibu kamel, me 2,000 bulmakau kibu, tama 1,000 donki kibu so pedelama, elaluali.

Godigo Nogi Ugwaba Sabo Tęąbi Po Wabo Buku Dabe 67:6

Te wiegi yai nai hauwa dago tǫde pedelalio. God, aga te dago God, agai te dabolo wiegi yai sę bugagia mu yai.

Godigo Nogi Ugwaba Sabo Tęąbi Po Wabo Buku Dabe 72:16

Te yuyu me wit hauwa te we bidi dabego gide pedalumainu yao, te Lebanonde pedalubo usu tiwai. Tama te we bidi dabe te taunde hauwa pedalumainu yao, te nosa hauwa te tigidali pedaide pedalubo tiwai emainao.

Bugagia Bidibo Kolesagade Po Asęai Buku 10:22

Te Genuai Bidigo digi dabolo te wiegi yai doado bage hauwa mayu, agai te doado bagego dabolo te sęgę momainu me ebo menio.

Kolesaga Koneai Bidigo Pusali Po Elalubo Buku 11:6

Nago te nai wai hani te kigamu meba wasilama buliyu, te pio meba wasilama buliyu yao. Nago konesiąwaibao, te nago kigamu wasilama bulali nai wai, ma te pio naga bulali nai wai bugagia holobowe, ma te nani si dali bugagia holobo, te konegobeo.

Sekaraia 8:12

Te eno augwali haliga dua tegaluama bidibo sę ilama, te augwa wai gi dabe bulumainu yaibao. Te tulubage hauwa tulama, te augwaligo wain ni du dabe walama, te nai dabe me wiegi yai holaibao. Eno te tigidali wiegi yai sę te dwasianu bidibo hani pedali dali yaibao.

Matyu 13:23

Tiali goli te tedela palali nai wai ge te wiegi yai ili yai elalubo tǫba tudulaluali po wali da, te bidigo po odama tama te po page bugagia koneani dao. Te tobage we bidi augwaligo nai ge walaibao, te 100, ma 60, ma 30 tama walobo dao,” Jisasgo te po wai.

Matyu 13:8

Tiali goli te telala pali nai wai ge me badu te wiegi yai tǫba tudulaluali, tama te nai du walali. Meba te 100, tama me badugo te 60 walali, tama me badugo 30 tama waliyu yai,” wali.

Dwagi Yai Gesi Po Makgo Asęani 4:8

Tiali goli te nai wai meba te wiegi yai tǫ ili yai madiba tudulaluama, tama genuai holama, tama nai du walai. Mebago ge dwasianu te 30 walali, mebago te 60 walali, tama mebago geninama mu tama te 100 walalio.”

1 Korin 3:6

Eno da te nai wai bulali. Te Apolosgo te nai wai bulali madi pageba wę gegeli pali. Tiali goli God agai te nai pua pai holomainu iliduali.