Tigidali Nai Gagalama Nigali Side 20:3 - Godigo dwagi yai po buku

³ Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.

Tigidali Nai Gagalama Nigali Side 20:3 Iomraidhean Croise

Tigidali Nai Gagalama Nigali Side 12:17

Tiali goli, Yawego te haniani dwai gasi dabe te genuai tuni bidibolo me, te aga bede bidali we bidibolo dali tagala palama, te tuni bidigo te Sarai dali emai hagede dwai sę te wei ponoyu, tama tiai dao.

Tigidali Nai Gagalama Nigali Side 12:18

Tialima, te tuni bidigo Abram i olama, agaba asobosi, te agabolo te tiwai po hanalu wai, “Magi baso nago te tiwai kolesaga enabolo yaliwe?” te po wai. “Nago enabolo Sarai te nago we da po wabeo.

Tigidali Nai Gagalama Nigali Side 20:7

Tiali goli, megi nago te we aga bidiba ma tagala palao. Te bidi aga te eno po pusubo bidi profet dao, te agai gedu haluasa po weyu da, te nage me isigobeo. Te nago te we ma tagala palisiąwani da, teda nage me, te naga bidalubo tigidali we bidi dali, mu isila paibao,” Godigo te po wai.

Tigidali Nai Gagalama Nigali Side 28:12

Te aga piali sogo te aga na ebadi suali, te togobili me deli page te tǫde elalu, te aga tobolu te dagalude ugwaba ilama elaluai. Tama te Godigo mobo bidi ensel dabe te togobilidu ugwaba holoyu, aiyaba duluyu ebo, te agai suali.

Tigidali Nai Gagalama Nigali Side 31:24

Tama hulide, Aram bidi Labango na yali, tama God agaba pedelama, te po wali, “Nago te Jekop dali magi po me deli, ma aga wi ilibo sę me elamu dao,” te po wai.

Tigidali Nai Gagalama Nigali Side 37:5

Tama me sogo deli te Josepgo na elama, tama agai te na yali te aga ama dede dali pusali. Tama augwaligo odama, tama augwaligo homu dwai mu elaluali. Magi baso meni,

Tigidali Nai Gagalama Nigali Side 37:9

Tama nosali Josepgo na ma elama, tama agai te po aga ama dabe dali pusali. Agai te po wali, “Odiąo, eno gasa na ma ebo suali, tama eno te giliga de polua si, me te nogo si olama, sągągo deli te hǫ dabe, augwali te enaba basi gulama, kidu sugunidu geai,” wali.

Tigidali Nai Gagalama Nigali Side 40:5

tama me sogo hulide, te wain sę tonaluali tobolu bidigo, me te bret nigibo sę tonaluali tobolu bidi, te Isip tuni bidigo sę yali bidi sigo na yai. Te deli deligo na yali te na page me elaluali.

Tigidali Nai Gagalama Nigali Side 40:8

Augwali sigo te po wai, “Da sigo te na yai. Tama ede te bidibo bidi mego te na yali po page da sibolo pusabo te meni yani,” wali. Tama Josepgo augwalibolo te po wai, “Godigo naga te na yali page dabolo ola mabo usu dao. Tialima, dage sigo te na yali po enabolo waiąo,” wali.

Tigidali Nai Gagalama Nigali Side 46:2

Te hulide nade God te Jekopba pedelama, tama i wali, “Jekop, Jekop.” Tama Jekopgo te po wali, “Ae, ena e bidibao.”

Tuni Bidi Dabego Po Elalubo Buku Deli 16:21

Tialima te Genuai Bidigo gasa hani bidi dabe mebago dage aiyaba elalumainu me ilibeo. Agai augwali tau siyu te augwaliba dwai sę yainu ebo king dabe agai wado po wali.

Jopgo Po Asęani Elalubo Buku 33:15

“Da hulide pibo sogo da, Godigo haniani na dabe dabolo mabo dao,

Jopgo Po Asęani Elalubo Buku 33:17

Tama te kolesagago dago dwai kolesaga yabo wi ilibo dao. Tama agai dago tobolu gagea pabo aiyaba tamunubo dao.

Godigo Nogi Ugwaba Sabo Tęąbi Po Wabo Buku Dabe 105:14

Tialima, Genuai Bidigo augwali gasa bidi dabego augwali me dolomainogo ebeo. Tama agai tuni bidi meba dali wado po weyu, augwali dali dwai sę me igio wai.

Jona 3:4

Megi da, Jona pabo gagalama, te hanu tomoba pai. Te aga pali deli sogo sabolama, tama i bomo elama, te bidi dabe augwalibolo weyu te po wai, “Nosali te bidi sese si wabo bodolu sogo silibo si, tama te Ninive moni hanu e tigidali mu dolaibao!” Te po wai.

Israel Hanigo Namba 22:9

Tama hulide God aselama, Balambolo te po hanalu wagasali, “Te mena bidi dabe nage dali bidibowe? Augwali magi sę yainogo asaliwe?” wali.

Matyu 1:20

Tama Josepgo te homu idubadi, tama nade Genuai Bidigo ensel mobo bidi me deli agaba pedelai. Ensel bidigo te po wali, “Josep, Devitgo ogwa, nago naga we Maria sabo wi egio. Odao. Te wai aga haligade sali, te Godigo Tedali Mobo Bidigo aga mawai dao.

Matyu 27:19

Tama me, te bidi Pailat aga te po tų odobo bidi jas dugabo siade aga dualalubadi, tama aga wego po agabolo toliyu te po wai, “Nago magi sę me deli te doloba pai bidi dali me elamuo. Te eno hulide nade aga sulama, tama eno genuai homu elalubao.” Te po wai.