Tigidali Nai Gagalama Nigali Side 2:7 - Godigo dwagi yai po buku

⁷ Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Tigidali Nai Gagalama Nigali Side 2:7 Iomraidhean Croise

Tigidali Nai Gagalama Nigali Side 1:27

Tama tialima, Godigo te we bidi nigilama, tama God aga tiwai pedelai. Godigo te augwali meba bidi nigibadi, te meba we nigibadi yali.

Tigidali Nai Gagalama Nigali Side 2:6

Mu tama te kulubage menibadi, tiali goli te wę tǫdu pedelama, tama te wę pali, te tigidali bulu habu usu nai.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Tigidali Nai Gagalama Nigali Side 3:23

Tama tibaso, Yawe Godigo te bidi te Iden gide sela sąnama, tama aga tagala palama, te Godigo aga nigali tǫde sę emainogo yai dao.

Tigidali Nai Gagalama Nigali Side 7:22

Te tǫde bidibo ula elaluali nai dabe tigidali isalio.

Jopgo Po Asęani Elalubo Buku 27:3

Tiali goli, eno te sesemane sogo bidibo Godigo nogi weyu, nogo guni sisu, eno mu po naga obao. Te Godigo ena me bidimainu eyu da,

Jopgo Po Asęani Elalubo Buku 33:4

“God Tigidali Bomo Elalubo Bidigo Mobo Bidigo ena nigai dao. Tama agai mobo ena menama yaligo ena bidibao.

Jopgo Po Asęani Elalubo Buku 33:6

Te Godigo gedude da, dadi si te tiwai si naga dao. Agai tǫ selama, ena nigai dao. Deli tamago nage me nigai dao.

Jopgo Po Asęani Elalubo Buku 4:19

Tiali goli, bidi dabe da, e tǫde olo nai dao. Nago homu bidigo ensel bidi edelama, Godigo gedude doloba pai bidi bidaibawe? Godigo e tǫde bidigo tigi nigai dao. Tama augwali polo isibo da, te ba bogǫų bidigo sągą agala sabo tiwai dao.

Godigo Nogi Ugwaba Sabo Tęąbi Po Wabo Buku Dabe 100:3

Dagego Genuai Bidi homugo konebo tagaligio, aga deli te God mu dao. Aga deligo da nigai, tama da aga we bidi dao. Da agai we bidi, da agai te kibu sipsip tiwai dao.

Godigo Nogi Ugwaba Sabo Tęąbi Po Wabo Buku Dabe 103:14

Agai koneai, agai da tǫ selama nigai, tama agai homugo da te tǫ hogomu ebo tiwai dao homu ebao.

Bugagia Bidibo Kolesagade Po Asęai Buku 20:27

Te da deli delide elalubo mobo bidi te lam sole tiwai te Genuai Bidigo dabolo menama, te dago homude ebo kolesaga tigidali te sumainu elama, tama dena te bugagia dagala sumainu tebo dao.

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Kolesaga Koneai Bidigo Pusali Po Elalubo Buku 3:7

Agai te ugwa pisą yabo sogo bodolu muyu, te hobolabo sogo muyu yali. Agai te bidi dago pedauwali panibo sogo muyu, te po wabo sogo mubadi yai dao.

Aisaia 2:22

Dagego homugo bidi mego da tau saiba homu elamuo. Mu menio. Da bidi da olo nai mu dao. Magi baso meni. Da pęwądage sogo bididama, tama da isaibao.

Aisaia 64:8

Tialima, Genuai Bidi, nage dago aya dao. Nage te sospen sene tǫgo nigibo bidi tiwai, tama da nago te sene nigainu sabo tǫ tiwai elalubao. Te nago nogogo digi da tigidali nigibo dao.

Te We Bidi Dabego Jerusalem Hagede Gela Wali 4:20

Tama augwaligo da bugagia bidimainu tonaluyu, da tau sali bidi me augwaligo tola salio. Te da te Genuai Bidigo sa muani te king dao. Dago homugo da te king dologode bidiyu, tama da bugagia bidiyu yaiba homu yali, te meba gasa kantri dabe ebo gilama bidigowe homu yalio.

Esekiel 37:5

Ena God Genuai Bidi, eno te po e obao, eno dagebolo bidibo mobo menama, tama dage we bidi ma pedelaibao.

Esekiel 37:6

Awe, eno dage kigibili ma mayu, me tigi mi dabe ma mayu elama, tama dage tigi waligo ma halua saibao. Tama eno dagebolo bidibo mobo menama, tama dage bidibo ula selama, tama dage ma bidaibao. Tama tiyu, dagego bugagia mu koneaibao, ena deli naga ena Genuai Bidi dao homu yaibao.’ Te po te dili dabeba pusao,” agai enabolo wali.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Israel Hanigo Namba 16:22

Tiali goli, Moses de Aron si gesabidi tǫba elama, degasa duliyu, augwali sigo Genuai Bidibolo e tama po wali, “God, nago deli naga te tigidali tǫde bidibo we bidi nigilama, augwali te bidibao. Te bidi deligo dwai sęgę sai madi, tama nago tigidali Israel we bidi ela silaibawe?”

Israel Hanigo Namba 27:16

“God, Genuai Bidi, nage deli naga nage te tigidali we bidigo bidibo ula page bidi dao. Tama tialima, eno nagebolo e we bidi tonaluabo bidi me deli sa muao po nagebolo hanalu obao.

Dwagi Yai Gesi Po Jongo Asęani 20:22

Jisas agai te po olama, tama aga mobo augwalibolo ponai, tama augwalibolo te po wai, “Dagego Godigo Dwagi Yai Mobo Bidi te sao,” Jisasgo te po wai.

Godigo Sęba Tagala Palai Bidigo Po 17:25

Me ma, agai dago nogode agai nai tubo mu menio. God aga digi tigidali tǫde bidibo we bidibolo noma mabo dao. Tigidali nai dabe dago gegelama sabo, te Godigo naga mabo dao.

Polgo Po Pas Rom Dabeba Asęani 9:20

Bidi me deligo te tiwai po hanalu weyu da, teda eno te po wei ponoyu te po waibao, “Abagi, nage de da weyu, tama nago te po Godibolo ela palamuo. Ma te mama tǫgo nigali senego te aga nigali bidigo geda muani homu eyu, tama te bidibolo te po wai, ‘Magi baso nago ena te tiwai nigali’ po waibawe? Menio.

1 Korin 15:45

Te Godigo po bukude asęani pode me te tiwai po wai, “Te polasa hasia bidi, Adam, te bidibo ula elalubo bidi pedalai,” te po asęani. Tama nosali mu pedalali Adam aga te bidibo ula mabo mobo bidi pedalali.

1 Korin 15:47

Te hasia polali bidi Adam te e tǫde bidibolo polali. Godigo tǫgo naga aga nigali. Nosali pedalali bidi te agade Adam si wabo bidi, te aga dagalude bidai bidi dao, tedu asai dao.

2 Korin 4:7

Tiali goli ena dali, te ena dali deli sę ebo bidi dabe dali, dena te bomo yai ulade po pusubo wiegi yai sę elalubo, te tǫgo nigai olo sene tomode elalubo tiwai ebao, te dena isibo tigide naga elalubo dao. Te tigidali bidigo konemainogo ebao, te Kraisde wiegi yai gesi po pusubo sę ebo wiegi yai genuai bomo mu, te Godigo bomo naga dao. Te dago menio.

2 Korin 5:1

Dago te daba pedalobo haniani sęgę tede moni homu me ebo menio. Magi baso meni. Dago te tiwai koneanio: te da e tǫde megi elalubo tigi da, te dena osogo bidabo be tiwai dao, te nami ugwa be tiwai dao. Tama te osogo bidabo be hųgibaso da, teda Godigo da maiabo be me deli elalubao. Te be bidigo nogogo me sę ebeo. Te dagalude elalubo, tama te be sesemane sogo elalua peyu, elalua paibao, te be gamonaibao.

2 Timoti 2:13

Magi baso meni. Te tiwai yai: Godigo Adam bolo hasia nigali, tama nosali agai te we Iv nigai dao.

Hibru 12:9

Dagego te me koneao. Te dena e tǫde aya augwaligo da dodoloyu yai, tama dago augwali nogi ugwaba sai. Teda dago dagalude bidibo Aya dologoba mu pelama, tama dago te bidibo ula mu sao.