Tigidali Nai Gagalama Nigali Side 2:4 - Godigo dwagi yai po buku

⁴ Tama tialima, Godigo te dagalu me tǫ me tigidali nai dali nigai. Te Yawe Godigo te dagalu dali tǫ dali nigali sogo,

Tigidali Nai Gagalama Nigali Side 2:4 Iomraidhean Croise

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.

Tigidali Nai Gagalama Nigali Side 1:28

Tama Godigo dwagi yai po mobo augwalibolo mayu, bomonama te po wai, “Dagego wai dabe hauwa ame nenama, tama augwali pelama, te tigidali bulu tǫ usu nama bidada pelama, tama te tǫde tigidali elalubo nai dabe tonaluaibao. Tama eno dagebolo te sųgų dabe me, te ba dabe me, te bulude genuai hasa, me dwasianu hasa dabe, te tonaluabo bomo mobao,” wali.

Tigidali Nai Gagalama Nigali Side 1:3

Tama Godigo te po wai, “Ula pedelao!” wai. Tialima, ula pedelai.

Tigidali Nai Gagalama Nigali Side 1:31

God aga digi nigali nai tigidali sulama, dwagi yai yai baso, tama aga dwagi yai homu pemene mu yai. Te be huliama, kigamu be posai. Te be posobo te nogo a naga me badu kibisa deli wali silali.

Tigidali Nai Gagalama Nigali Side 1:4

Godigo suali, te ula wiegi yai baso, te aga dwagi yai homu pemene yai. Tama agai te be hulibo de ula yabo te si pedai.

Tigidali Nai Gagalama Nigali Side 10:1

Te e dao te węgo ela silai madi te nosali Noago ogwa sela Siem, me Ham, me Jafet, te augwali selade pedelali bidi hani dabe te nogi e dao.

Tigidali Nai Gagalama Nigali Side 11:10

Te e dao te Siemgo wai hani dabe dao. Te genuai wę asali bidama, tama nosali te kibu be si bidai madi, te sogo Siem aga kibu be bidi sese a naga 100 yia elalubadi, tama aga te ogwa me deligo aya pedelali, te Arpaksat ame nani.

Tigidali Nai Gagalama Nigali Side 2:3

Godigo te a naga olama, nogo me badu si wali side te dwagi yai po weyu, tama te side te gasagi yai tedali side da wai. Magi baso meni, aga tigidali nai nigibo sę ebo silibaso, te sogo God agai sę me ebeo, aga olo bidai.

Tigidali Nai Gagalama Nigali Side 25:12

Te e da, te Ismaelgo wąį hani dabe e dao. Ismael te Abrahamgo ogwa te Hagargo ame nani. Hagar te Isip we me deli, te aga Sarago olo sę iduai we me deli bidai dao.

Tigidali Nai Gagalama Nigali Side 25:19

Te e po da te Abrahamgo ogwa Aisak aga te tama bidali wabo po dao.

Tigidali Nai Gagalama Nigali Side 36:1

Te e da, te Isogo hani wai dabe, te augwaligo Idom nogi me poali.

Tigidali Nai Gagalama Nigali Side 36:9

Te Isogo nosali pedelali hani bage augwaligo aga gasa nogi Idom sali, tama augwali te Seir bulu du dabe elalubo bulude bidaluai. Augwali e tama pedelali po megi obao.

Tigidali Nai Gagalama Nigali Side 5:1

Te Adamgo wąį hani dabe pedelali nogi e tama dao, Godigo bidi dali, we dali, te aga digi tiwai nigai.

Te Israel me Juda Hani Sigo Tuni Bidigo Po Elalubo Buku Deli 18:39

Te we bidi augwaligo te sulama da, teda augwa digi te tǫba pinilaluama, tama augwaligo te tiwai i hai wali, “Genuai Bidi naga aga God mu dao. Genuai Bidi naga aga God mu dao,” te po wai dao.

Tuni Bidi Dabego Po Elalubo Buku Si 20:6

tama agai gedu haluasa po weyu e tama po wali, “O Genuai Bidi, dago wąįgo God, nage dagalude bidiyu nago tǫde we bidi tigidali tonalubo dao. Nago genuai bomo mu elalubao, tama bidi mego nage dali hwįnama, nage aiyaba elaluabo usu me egobeo.

Jopgo Po Asęani Elalubo Buku 38:28

“Mena tama tialiwe? Te tulubo tulubage te aya me deli elalubawe? Te hulide ąį segeni ebo tulubagego aya bidibawe?

Jopgo Po Asęani Elalubo Buku 38:4

Eno e tǫ nigilama, aga page dąų walobode, nage menade bididuai dawe? Ma, nago te sę dabe mu koneani wida, nago enabolo pusao.

Godigo Nogi Ugwaba Sabo Tęąbi Po Wabo Buku Dabe 18:31

Genuai Bidi naga te God mu da. Agaduba deli naga te dago boma pai obo dao.

Godigo Nogi Ugwaba Sabo Tęąbi Po Wabo Buku Dabe 86:10

Magi baso meni, nago naga te genuai bomo elaluyu, tama nago te we bidigo isiąbo genuai sę dabe ebo dao. Tama nago naga te haniani wiegi wiegi yai sę ebo dao. Nagaduba deli naga, nage God mu dao.

Ma Dobola Sali 15:3

Tama Genuai Bidi aga te boma pai ami bidi mu dao. Genuai Bidi Yawe naga te aga nogi dao.

Ma Dobola Sali 6:16

Livai, te Jekopgo ogwa me, agai wai ogwa sela, gomunai ogwa Gerson, me tomo ogwa Kohat, sabi ogwa Merari. Tama Livai agai kibu be 137 bidilama, isai.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Kraisgo Geme Dualali Sę Pedelabo Po Jonbolo Ola Mani 1:4

Ena Jon, eno e po dage a naga olama me badu nogo si te Godigo po wali pabo we bidi hani, dagebolo e po asęna tolobao, te dage te genuai tǫ Esia te genuai hanu dabede bidibo we bidi. God aga te megi bidibo, tama polobadu mu aga bidaluai, tama nosali aga ma asiyu, tama eno homugo te God agai da olo mu tau sabo te kolesaga dali, tama te dwagi yai homu nagame ilibo kolesaga dali te si dageba mao. Tama eno homugo te a naga olama me badu nogo si mobo bidi augwali me, te tuni bidi God aga au yali duabo sia sai pąde bidibo bage, augwaligo me te dwagi yai homu eyu olo tau sabo kolesaga dali, te dwagi yai homu nagame ilibo kolesaga me dagebolo mawaibao.

Kraisgo Geme Dualali Sę Pedelabo Po Jonbolo Ola Mani 1:8

Te Tigidali Bomo Elalubo Genuai Bidi God agai aga bidibo pagede te po wai, “Ena da, ena digi te hasia bididuali bidi dao, ena te nosali sogo mu bididueibao wabo bidi mu dao,” agai te po wai. Te God aga te megi bididubao, tama polobadu mu aga bididuai, tama nosali aga ma asaibao.

Kraisgo Geme Dualali Sę Pedelabo Po Jonbolo Ola Mani 11:17

Tama aga nogi ugwaba siyu tama augwaligo te po wali, “Genuai Bidi, nage God te Tigidali Bomo Elalubo bidi dao. Nage megi bidibo, tama polobadu mu nage bidai. Nago genuai bomo naga selama, tama nage te we bidi tonalubo sę ebo gagalai dao. Tama tibaso, dago homu nagebolo munama, usu da po obao.

Kraisgo Geme Dualali Sę Pedelabo Po Jonbolo Ola Mani 16:5

Tama eno odali, te ąį tonalubo ensel mobo bidigo te agai te po wali, “Genuai Bidi, Tigidali Bomo Elalubo God, nage megi bidibo, tama polobadu mu nage bidai bidi, nage te magi dwai sę me esiąyu wiegi yai doloba pai mu bidibo dao. Te nago te bidi dali po tų ebode, te nago te dwai sę ebo bidi dabe augwali dolo mu dagalobo dao.