Tigidali Nai Gagalama Nigali Side 19:1 - Godigo dwagi yai po buku

¹ Te bidi Lot te we bidi sisinibo pesagede te Sodom hanu genuai sunumi elalubo madigi bididuai, tama piode te mobo bidi ensel si teba pedelai. Lotgo te bidi si asobo sulama, tama aga hogodama, augwali si pąba pai. Aga te bogoli sugunu pogiluama, tama aga gesabidi te tǫba mu pogulama,

Tigidali Nai Gagalama Nigali Side 19:1 Iomraidhean Croise

Tigidali Nai Gagalama Nigali Side 11:27

Te e da te Terago hani wai dabe dao. Tera te Abram, me Nahor, me Haran, te augwaligo aya da. Tama Haran te bidi Lotgo aya da,

Tigidali Nai Gagalama Nigali Side 13:12

Abram te Kenan tǫde bididuali. Tama Lot te Jordan malu elalubo hanu dabe tomoba bidigi pelama, tama aga bidabo ugwa be dabe te Sodom moni hanu pąba pidubadi geanima, tama munama, bidai.

Tigidali Nai Gagalama Nigali Side 18:16

Tama te bidi sela hogodama, palio. Tama Abrahamgo te augwali pabo sunumidu dwasianu tama aga augwali dali pai. Tama augwali pelama, meba me sabaligi pelama, tama augwali doligi pelama, tama Sodom hanuba aba tonononaluali.

Tigidali Nai Gagalama Nigali Side 18:22

Nosali te bidi si hogodama, tama Sodom hanu pali. Tiali goli, Yawe te Abraham dali bidai.

Tigidali Nai Gagalama Nigali Side 19:10

Tiali goli, te be tomode bidali bidi sigo te be tų dalama, tama nogo buluba dįnama, tama Lot be tomoba kegali, tama augwali sigo te be sunumi paliali.

Tigidali Nai Gagalama Nigali Side 19:2

tama agai te po wai, “Abagi, dage si aselama, duayagasu bolo yao,” te po wali. “Dage si eno beba asiąo. Dage si sągą bolo wę tedelama, tama dage si megi hulide ede piagameo. Tama kigamu duga si hogodama, pagameo.” Tiali goli, augwali sigo po wei ponoyu, te tiwai po wali, “Menio. Da si te bede me pigobeo. Te da si e bidi sisinibo pesagede piaibao,” wali.

Tigidali Nai Gagalama Nigali Side 23:12

Tama Abrahamgo aga tobolu te bulu page we bidi augwaliba basi gulai.

Tigidali Nai Gagalama Nigali Side 48:12

Tama Josepgo te aga ogwa si te Jekopgo sągą pagede bidali te ma dobola siyu, tama agai Jekop gedude te agai gesabidi te tǫba basi gulali.

Jopgo Po Asęani Elalubo Buku 29:7

“Awe, te sogo polobadu ena te genuai hanude genuai bidi bidiyu, tama ena te hanu tomoba tola pabo sunumide genuai tobolu bidi dabe dali genuai pesageba sisinigi pelama, po tų odai dao.

Jopgo Po Asęani Elalubo Buku 31:32

Mu tama. Te gasa bulu bidi dabe augwali piabo be meni ebo eno sulama, augwali te hanu sunumide olo bidimainu sula tagalobeo. Mu meni. Eno augwali ena beba oda sai dao.

Godigo Nogi Ugwaba Sabo Tęąbi Po Wabo Buku Dabe 69:12

Te bidi dabe sunumiba sisinama, tama enade po miani. Tama te wain wę tulama, te gęǫ ebo bidi dabego te balia mebade te dwai po enaba weyu yali.

Dwagi Yai Gesi Po Lukgo Asęani 17:28

Ena e tǫba ma asobo si, te polobadu bidali bidi me aga nogi Lot, aga tǫde bidali sogo me tiwai yaibao. We bidi augwaligo God homu isayu, nai tuyu, wę dabe tuyu, bidali. Augwaligo haniani nai dobuyu, gide haniani nai buluyu, be dabe sę eyu, bidali. Augwaligo God tama homu isayu, bidali.

Hibru 13:2

Dagego te duga beba digibulu asobo bidi dabe augwali tau sabo homu ebo te dagego me gegeda pigio. Duga koneani, polobadu bidi mebago te tiwai elama, tama augwaligo te ensel mobo bidi meba te augwa beba odasa pelama, augwali gesali. Augwaligo te ensel bidi asobo me konebeo. Augwaligo te bidi naga da te homu yai dao.

Rutgo Po Elalubo Buku 4:1

Tialima, Boas te hanuba pelama, te po mibo madi pali, tama aga tede dulaluali. Tama gesege gana isiąbadi, te sogo agai suali, te gasa bidi me te Elimelek aga deli hani asobo sualio. Tama Boasgo aga i olama, “Ae, ama, nage aselama, eba duayagasao. Eno dwasianu po elalubao.”