Tigidali Nai Gagalama Nigali Side 16:8 - Godigo dwagi yai po buku

⁸ Tama Mobo Bidi Enselgo agabolo tama tiwai po wali, “Hagar, te Saraigo sę ebo we, nage menadu aselama, tama nage menaba painogo ebawe?” Tama Hagargo po wei ponoyu, te po wali, “Sarai aga da, te ena tonalubo we dao, tama eno te Sarai taga soyu, ena wi sobao,” wali.

Tigidali Nai Gagalama Nigali Side 16:8 Iomraidhean Croise

Tigidali Nai Gagalama Nigali Side 3:9

Tiali goli, Yawe Godigo bomonama bidi i wai, “Nage mena bidibawe?”

Tigidali Nai Gagalama Nigali Side 4:10

Tialima, Yawego Keinbolo te po wai, “Nago magi baso te dwai dwai sę yaliwe? Te naga amago kaneme te tǫba gelali, tama te kaneme te bidi me deli dogoni tiwai elama, tama i wabo eno odali, ‘Boi eyu, Kein ela muao,’ te tiwai po obao.

Kolesaga Koneai Bidigo Pusali Po Elalubo Buku 10:4

Te naga tobolu bidigo nageba wado po obaso da, teda nago naga sę me tagalamuo. Te nago sali sęgę genuai elalubadi digi, tagalao, te nage bugagia dua digi bidibaso da, teda agai nago sali sęgę te tagalaibao.

1 Samuel 26:19

Tialima, king, eno po te nago odomainu homu ebao. Te Genuai Bidigo digi te nage aselama, ena dolomainu yai baso da, teda eno agaba te ofa me deli eyu, tama agai te olo tau sabo wiegi yai kolesagago ena tau somainu yaibao. Tiali goli, te bidi dabego te nago ena elimainu ebo si da, teda eno homugo te Genuai Bidigo augwali dolomainu yaibao. Magi baso meni, augwaligo ena te Genuai Bidigo tǫ pedaide ela gudulama, tama ena te tibo godiba lotu wagi pomainu ilibao. Tama eno te Genuai Bidigo aga hani bageba mabo wiegi yai doado bage te eno me sogobeo.

Tigidali Nai Gagalama Nigali Side 16:4

Tialima, Abram te Hagar dali pilama, tama Hagar haliga yali. Te Hagar aga haliga elalubo konebo sogo, agai te Sarai dali hagoma yali.

Tigidali Nai Gagalama Nigali Side 16:1

Te Sarai, Abramgo we, agai wai meni yai. Tiali goli, agai sę ebo Isip we me deli bidali, aga nogi Hagar.

Tigidali Nai Gagalama Nigali Side 16:9

Tama Mobo Bidi Enselgo te po wai, “Nage Sarai pageba ma geasa pelama, tama agai po tigidali wali pao.”

Te Israel me Juda Hani Sigo Tuni Bidigo Po Elalubo Buku Deli 19:9

Te hulide Elaija te masigi ola be me deli tomoba pelama, piai. Elaija te masigi ola be tomode bidibadi, te Genuai Bidigo agabolo te tiwai po hanalu wai, “Elaija, nage magi baso ede bidibawe?” te po wai.

Te Israel me Juda Hani Sigo Tuni Bidigo Po Elalubo Buku Deli 19:13

Elaijago te tebo odolama da, tialima aga bobobage gudali ugwago aga gesabi dali halua selama, te aga masigi ola bede bidali tagalama, te masigi dedage pąba dolagasali. Tama agai po me deli te tiwai odali, “Elaija, magi baso nage ede bidibawe?” te po wali.

Tigidali Nai Gagalama Nigali Side 21:17

Godigo te ogwa gela wabo odali. Tama Godigo mobo bidi ensel te dagalude bidiyu, tama i olama, Hagarbolo te po wai, “Magi yaliwe, Hagar? Nage wi me elamuo. Godigo te ogwa aga bidibo madide gela wabo odalio.

Te Israel Tobolu Bidi Dabe 19:17

Te monu dabe bidigo te Livai bidi dali, te aga sę ebo bidi me, aga we dali, te bidi dabe po mibo pesagede dudulalubo suali. Tama agai augwaliba hanalu wali, “Dage menadu asaliwe? Tama dage menaba sobawe?”

Te Israel me Juda Hani Sigo Tuni Bidigo Po Elalubo Buku Si 5:25

Te bidi si paide, tama aga te beba ma pai. Tama Elisago agabolo hanalu wali, “Gehasi, nage mena pai, tama nage asobawe?” Tama Gehasigo te po wali, “Genuai bidi, ena gasaba me pabeo.”