Tigidali Nai Gagalama Nigali Side 15:1 - Godigo dwagi yai po buku

¹ Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Tigidali Nai Gagalama Nigali Side 15:1 Iomraidhean Croise

Tigidali Nai Gagalama Nigali Side 15:2

Tiali goli, Abramgo te po wai, “Yawe, ena hobede ya, eno Genuai Bidi, ena wai meni yai bidiyu, tama nosali isaibao. Te nago magi ilama, te ena genuai nogi elalubo bidi pedelaibawe? Te ena isibosi, te bidi me deligo te eno doado bage saibao, te Damaskus bulu bidi Elieser dao.

Tigidali Nai Gagalama Nigali Side 15:4

Tiali goli, Yawego Abrambolo te po wai, “Te nage isibosi, te sę ebo bidigo nage hasegelama, te nago doado bage tigidali me sogobeo. Te nago ogwa wai mu te nago doado bage tigidali te nosali sabo bidi pedelaibao,” te po wai.

Tigidali Nai Gagalama Nigali Side 21:17

Godigo te ogwa gela wabo odali. Tama Godigo mobo bidi ensel te dagalude bidiyu, tama i olama, Hagarbolo te po wai, “Magi yaliwe, Hagar? Nage wi me elamuo. Godigo te ogwa aga bidibo madide gela wabo odalio.

Tigidali Nai Gagalama Nigali Side 22:1

Nosali Godigo Abraham usu sali. Agai Abraham agabolo i olama, te tiwai po wai, “Abraham o!” Tama Abrahamgo te po wai, “Ena e bidibao.”

Tigidali Nai Gagalama Nigali Side 22:20

Nosali Abrahamgo te tiwai po odali, “Milkago te wai meba ame nani po wai.” Milka te Nahorgo we, tama Nahor te Abrahamgo ama dao.

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Tigidali Nai Gagalama Nigali Side 31:7

tiali goli agai ena tibo po ola menama, tama eno sęde sabo nai te nogo si sogo hasegelali. Tiali goli, Godigo agai ena dolomainu me gogolobeo.

2 Samuel 22:3

God te genuai masigi tiwai, te ena agaba pelama, te boi bidi dabede geme duala sigi pabo masigi tiwai elalubao. Genuai Bidi te eno sabele tiwai elalu, tama ena te boi bidi dabede geme dualalubo tiwai ebao. Agai te ena ma dobola selama, tama ena tonalubo bomo elalubao. Aga te bomai obo, tama ena dualalubo pesage da. Genuai Bidi, nago ena tau mabo bidi, tama ena dolainu ebo sogo tama nago ena ma dobola sabo dao.

Te Israel me Juda Hani Sigo Tuni Bidigo Po Elalubo Buku Si 1:15

Keptengo po ola silali, tialima te Genuai Bidigo ensel bidigo te Elaijabolo e tiwai po tama ola mawai, “Nage dulama, te kepten bidi dali pao,” wali. “Nage aga sulama, wi egio.” Awe, Elaija hodaluama, tama aga kepten bidi dali te king pageba pai.

Tuni Bidi Dabego Po Elalubo Buku Deli 28:20

Megi da, king Devitgo Solomomba te tiwai po wali, “Nage bomo elama mu dolalu, te sę yao, te haniani sęgęgo nage aiyaba elalumainu ebaso te tagalao, magi baso meni, God, eno Genuai Bidi, te nage dali bidiyu, te nage tau saibao. Agai nage me tagalogobeo. Menio. Te aga nage dali bididubadi nago te be sę tigidali silibo siba usu naibao.

Godigo Nogi Ugwaba Sabo Tęąbi Po Wabo Buku Dabe 115:10

Dage te Godigo pris te Arongo hani, dagego homu te Genuai Bidiba kęą pao. Agai dage tau siyu, tama dage tonalubo dao.

Godigo Nogi Ugwaba Sabo Tęąbi Po Wabo Buku Dabe 119:114

Nage naga tama ena seselalubo bidi elalubao, te eno bomai obo elalubo tiwai dao. Eno nago dąų wali pode konealubo homu dąų wai elalubao.

Godigo Nogi Ugwaba Sabo Tęąbi Po Wabo Buku Dabe 142:5

Tama tialima, Genuai Bidi, eno i nageba weyu, te nago ena tau somainu ebao. Nage naga te ena tonalubo bidi dao. Te ena bidibo ula elalubo sogo digi eno homugo te nagaduba deli naga te ena dali bidimainu homu ebo dao.

Godigo Nogi Ugwaba Sabo Tęąbi Po Wabo Buku Dabe 18:2

Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.

Godigo Nogi Ugwaba Sabo Tęąbi Po Wabo Buku Dabe 27:1

Genuai Bidi God aga te eno ula page da, tama agai ena tau sabo da. Tama tiyu, te bidi me delide ena midigi me egobeo. Genuai Bidigo naga ena seselalubao, te moni bomai obo tiwai te palialubao. Tama tiyu, te magi nai me delide ena wi me egobeo.

Godigo Nogi Ugwaba Sabo Tęąbi Po Wabo Buku Dabe 3:3

Tiali goli, menio. Genuai Bidi naga digi te nago ena geme dualubo awa tiwai ebo dao. Nago naga ena te augwali aiyaba elalumainu ebo dao. Awe, nago naga te eno homu sęgę sela sąyu, tama eno tobolu ugwaba sabo dao.

Godigo Nogi Ugwaba Sabo Tęąbi Po Wabo Buku Dabe 3:4

Eno te Genuai Bidiba i weyu, te ena tau somainu ebao. Aga te aga wiegi yai tedali gasagi yai bulu dude digi bidiyu, tama eno i wabo odoyu, tau sali.

Godigo Nogi Ugwaba Sabo Tęąbi Po Wabo Buku Dabe 5:12

Genuai Bidi, nago po wali pabo bidi dabeba te nago wiegi yai nai mayu ebo da. Awe, nago augwali geme dualiyu, tama augwali bugagia mu tonalu ebo da, te bidi te awago te seselaluyu, te bugagia bidibo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 58:11

Tama gasa bidi dabego te tama po waibao, “Mu dao, Godigo te doloba pai bidi dabeba wiegi yai sę wei pona mawai. Mu tama, God bidibao, tama agai te tigidali bage te doloba pai po tųgo dagalaibao,” waibao

Godigo Nogi Ugwaba Sabo Tęąbi Po Wabo Buku Dabe 84:11

Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.

Godigo Nogi Ugwaba Sabo Tęąbi Po Wabo Buku Dabe 84:9

God, nago dago kingba wiegi yai sę yao. Naga digi aga sa mubaso, tama aga te king bidibao.

Godigo Nogi Ugwaba Sabo Tęąbi Po Wabo Buku Dabe 91:4

Te agai nage bugagia mesegalu, te kakarukgo aga wai dabe te bogogo mesega sabo tiwai yaibao. Nage te bugagia Genuai Bidigo bogo dologode dualaluaibao, tama agai nage tonalubao. Agai nage tonaluabo po te tibo po me wagobeo. Tama tiyu, nage Genuai Bidi dali bidiyu, te bidi aga te hwįbo sabelede duala sabo tiwai ebo dao.

Ma Dobola Sali 14:13

Tama Mosesgo augwalibolo te po wei ponoyu, te po wai, “Wibo tagalao. Bomonama dolaluyu, tama megi Genuai Bidigo dage tau selama, tigidali sę ebo suaibao. Tama megi dagego te Isip dabe subo, tiali goli nosali dagego augwali munu ma sugobeo.

Bugagia Bidibo Kolesagade Po Asęai Buku 11:18

Te doado bage te dwai bidi dabego sali, te augwali tau sabo mu usu me egobeo. Te olo bage nai naga tiwai yaibao. Tiali goli, te doloba pai kolesaga ebo bidi dabego te wiegi yai nai mu saibao.

Bugagia Bidibo Kolesagade Po Asęai Buku 30:5

“Godigo po te mu po naga dao. Te agai yaibao po wali sę tigidali, te mu pedelai. Tama agaba pabo bidi tigidali te agai bugagia obo elaluyu, te hwįbo sogo te ami bidi te sabelego bugagia tigi bea sabo tiwai ebo dao.

Aisaia 35:4

Te tabi haliga homu kolesaga te bomo isąwai bidi dabebolo te tiwai po wao, “Dage te bomonama dolalu, te wi me elamuo,” wao. “Te dagego God ma asiyu, dage dobola ma selama, te boi bidi dabe dwai dene mu mawaibao,” wali.

Aisaia 40:10

Suao. Tigidali nai tonalubo Genuai Bidi aga bomo dali asobao. Agai te boi bidi dabe aiyaba elaluama, te aga we bidi dabe ma dobola sali, te aga boi hwįnama, te wiegi yai nai sabo tiwai yalio.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Aisaia 43:5

Ena dage dali bidibao, dage wi me igio. Dage hani dabe te giliga pedalubo badu, me giliga dega sabo badu bidibo, te augwali eno ma odasa asaibao.

Aisaia 44:2

Eno dage te deli hani we bidi pedalumainu ilali. Eno dage sisi ilama, dage dąį iliyu, te dage tǫde pedalisiąbadi, te sogo te dage ena hani da olama, dąį ilibo tiwai yali. Te eno dage negeyu, tonalua asali, te megi e sogoba usu nagasobao. Ena digi eno dage dąį ilama, tama dage eno doloba pai sę bidi bidibao. Tama tialima, ena Genuai Bidi, eno te po obao, dage wi me elamu dao.

Aisaia 44:8

Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Aisaia 51:12

Genuai Bidigo aga we bidiba te tiwai po wali, “Ena digi eno dagego haliga dąų walama, te dagego tigidali sęgę sia somainu ilibo dao. Tama magi baso dage te gasa bidi dabede wi ebo dawe? Augwa bomo me elalubeo. Tigidali bidi isama, te nosai polo sia sabo tiwai gilama ebo dao.

Jeremaia 39:17

Tialima, ena Genuai Bidi, eno te po obao, eno te sę dabe ebo sogo da, teda eno nage tau saibao, te augwaligo nage te nago wi ebo bidi dabe nogoba me mugobeo.

Te We Bidi Dabego Jerusalem Hagede Gela Wali 3:24

Eno homugo eno meba nai dabede moni homu igi homu ebao. Genuai Bidi deli tama ena usu dao. Tama tibaso, eno agai ena tau somainu bomo elama, tonalubao.

Esekiel 1:1

Ena Esekiel, ena te Juda dabe dali te wę Kebar pąde bidai, te Babilon tǫ kantri pedaide. Te Babilon dabe augwaligo da kalabus elama, tama da te augwa page bulu tǫba sela pai dao, polobadu. Tama te nanobo me si me si wabo polua, dei a naga wabo side, te kibu be bidi sese deli olama, nogo si wabo 30 yiade, te dagalu buga pabo side eno te nade ebo tiwai te God sualio.

Esekiel 11:24

Tialima, te nade ebo sę tiwai nai te Godigo Mobo Noma Bidigo ena ugaba sagoa selama, tama ena odasa, te Israel dabe kalabus bidibo pesage te bulu Babilonba ma sela asali. Tama te na silalio.

Esekiel 3:4

Nosali Godigo enabolo te tiwai po wali, “Tǫde bidio, nage te Israel we bidi augwaliba pelama, te eno nagebolo pusali po tigidali pusao.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

Israel Hanigo Namba 18:20

Tama Genuai Bidigo Aronbolo e tama po wali, “Dagego te Israel bulu tomode tǫ me selamu dao, te dage isibaso, dagego wai dabe nosali bidabo. Me dagego te Israel tǫde te gasa mone sabo sę me egobeo. Magi baso meni, te dagego habuge yali nai dabe dagego enade siagameo. Ena Genuai Bidide,” tama po wali.

Israel Hanigo Namba 24:4

Tama eno Godigo pusubo po odobo dao. God Tigidali Bomo Elalubo Bidigo te nade ebo sę tiwai enade pedalobo dao. Tama eno bomonama mu tonama, te nai dabe eno hania mu subo dao.

Matyu 28:5

Tiali goli te mobo bidi enselgo te we sibolo te po wai, “Dage si wi tagalao. Eno koneani, dage sigo Jisas gegagasu asali, te bidi augwaligo te ni pedaide walali bidi dao.

Matyu 8:26

Tama agai augwalibolo te po wali, “Magi baso dage wi ebawe? Dagego homugo enade konealu po dąų wabo te dwasianu naga dao.” Tama aga hodaluama, te wali dali te moni wę dini te sia sao po wai. Tama te wali yali sia siyu, tama te wę memenege dwasianu me ebeo.

Dwagi Yai Gesi Po Lukgo Asęani 1:13

Tiali goli, te enselgo agabolo te po wali, “Sekaraia, nage wi tagalao. Te Godigo nago agabolo hanalu wali po odalio. Naga we Elisabetgo nago ogwa me deli ame naibao.

Dwagi Yai Gesi Po Lukgo Asęani 1:30

Tama te ensel bidigo Mariabolo “Nage wi egio,” te po wali. “Godigo nage dali dwagi yai homu ebao.

Dwagi Yai Gesi Po Lukgo Asęani 12:32

Jisasgo po ma wadolama, “Te dage ena dali bilibo bidi dabe, dage te dwasianu hani sipsip tiwai dao. Te dage wi egimio. Magi baso meni. Duga Ayago dagebolo po weyu, te aga dagego king bidibao po olama, Godigo dagebolo te we bidi tonalubo sę mawainu, dwagi yai homu elalubao.

Godigo Sęba Tagala Palai Bidigo Po 10:22

“Dage magi pogo asaliwe?” wali. Augwaligo te po wei ponoyu, te po wali, “Te Rom ami genuai bidi nogi Kornilius, agai da nage pageba tagala palali. Te bidi da, aga dwagi yai bidi mu. Agai tigidali sogo Godibolo lotu po wabo bidi dao. Te Juda we bidi tigidali augwaligo agai nogi ugwaba sabo dao. Godigo dagalude sę ebo ensel bidi me deligo agabolo te po wai, ‘Nago Pita i olama, tama aga nago beba asomainao, Pitago wabo po nago odomainu tama yao,’ te ensel bidigo te po wali,” augwaligo te po wai.

1 Korin 3:22

Ena Pol, me Apolos, me Pita, da te dage tau sabo sę ebo bidi dabe da. E tǫde elalubo nai tigidali me, tego dage aiyaba elaluama tonaluabo nai meni, dagego te nai tigidali aiyaba elaluama tonaluabo bage dao. Te tǫde bidibo sogo me, te isibo kolesaga me, te megi elalubo sogo me, te nosali pedalabo sogo me, te tigidali te dagego nai dao.

Bomai Po 18:2

Augwaligo te meba hanigo yali gilama, tama tǫ augwaligo me sogobeo. Te wiegi yai nai augwaligo sali da, te e dao, augwali te Genuai Bidigo pris bidi te nigali dao, te Genuai Bidigo po dąų wali gilama yali,” wali.

Bomai Po 31:6

Dage dili elama dolalua, dage noma selama, augwalide wi elamo dao. Magi baso meni, Genuai Bidi dago God dage dali bidaibao. Tama agai dage me gegeda pelama, o dage olo bidimainogo me sula tagalogobeo,” Mosesgo te po wali.

Hibru 1:1

Te polobadu mu hauwa sogo me, te haniani kolesaga hauwago me, te Godigo agai po pusali bidi profet dabego pedauwalidu agai po meba te dago wąį dabebolo mena mena pai dao.

Kraisgo Geme Dualali Sę Pedelabo Po Jonbolo Ola Mani 1:17

Tama eno te bidi sulama, tama ena aga sągą pageba kidu pǫgulai, tama ena te isai bidi pigulali tiwai yai. Tiali goli agai dolo nogo ena tigiba munama, tama agai te po wai, “Nage wi tagalao. Ena da, ena digi te hasia bidaluali bidi dao, ena te nosali sogo mu bidaluaibao wabo bidi mu dao.

Rutgo Po Elalubo Buku 2:12

Nage te God, te da Israel hanigo Genuai Bidiba asalio, te agai nage bugagia tonalumainu yaibao. Agai te nago wiegi yai kolesaga tigidali ebo suali, tama eno homugo agai te wiegi yai kolesaga nagebolo wei ponemainu ebao, tama agai te kolesaga me mu nagebolo wei ponono pidubadi gemainu yaibao,” agai te po wai.

1 Samuel 15:10

Tama Genuai Bidigo Samuelbolo te tiwai po wali,

1 Samuel 9:9

Tama Solgo agabolo te po wali, “Te nago po wiegi yai mu wabo. Awe, da pinao.” Tialima, augwali si te Godigo po pusubo te bidi bidibo hanuba pali. Te augwali si te hanu elalubo madi te dwasianu bulu duba ugaba holobadi, augwali sigo te gesi ogwa we wegi mani meba te asobo augwali si gesabidiba yaga sali. Te we dabe te hanu buluba dia soali, te wę tuainu yali. Tama te bidi sigo augwaliba hanalu wali, “Te geme dulai po haninibo bidi te taun hanude bidibowe, ma meniwe?” Polobadu te Israel dabego te profet bidi nogi poali, te geme dulai po haninibo bidi wai. Tama te bidi mebago te Godiba magi nai po me deli hanalugi painu da, augwaligo te tiwai po wai, “Dago te geme dulai po haninibo bidi sugi pinao,” wali. Tama tibaso, Solgo te tiwai po weyu, te wegi dabe hanalu walio.