Tigidali Nai Gagalama Nigali Side 12:1 - Godigo dwagi yai po buku1 Te Yawego Abrambolo te tiwai po wai, “Nago te nago tǫ badi, te naga ayago hani me, te naga ayago bulu me, taga pao. Tama nage eno ola mabo digi gasa pedai badu me bidigi pagameo. Faic an caibideil |
Polobadu te ena ayago bede bidibadi, tama Godigo ena tagala palobaso, te ena gasa buluba pali. Tama eno Sarabolo te tiwai po wai, ‘Nago te tiwai wiegi yai kolesaga naga enade yao,’ wai, ‘Te da si pabo madi tigidali pedaide nago te tama weyu, “Abraham te ena abe da,” po wao,’ te po wai dao,” Abrahamgo te po wali.
Yawe, te dagalude bidibo Godigo ena te eno ayago bede, me te ena hani dabego tǫde selama, asali. Tama agai bomai dąų wabo po wali, te agai e elalubo tǫ te eno hani wąį dabebolo mawaibao wai. Yawego digi te aga mobo bidi ensel te nage pabodu polasa tagala palaibao. Tama tibaso, nago tede te eno ogwago we gegela sueibao.
“Tǫde bidio, Israel dabego taun polo dolalio. Tiali goli, te we bidi te taunde me bidibao. Augwaligo e tama po wabo dao, ‘Abraham aga te bidi deli goli dao, tama Godigo te tǫ tigidali tama agabolo mawai dao. Tiali goli, megi da, dago we bidi hauwa te elalubao. Tama tilama, Godigo te tǫ mu tama dabolo mawai yali bogo.’ Augwaligo te po wabo dao.
Te bidi Abrahamgo konealubo po Godide dąų olama tama agade tiąluyu bidali. Tama tibaso, Godigo aga i obaso, tama Abrahamgo Godigo po wali pai. Tama tiyu, aga bidali bulu tagalama, tama Godigo aga tǫ mu dolo te agabolo mawaibao wali tǫ teba pabo gagalali. Abraham aga menaba pogowe te agai me konebeo. Tiali goli aga Godigo agabolo wali pode aga homugo tiąluama, tama aga page bulu taga pai dao.