Tigidali Nai Gagalama Nigali Side 10:5 - Godigo dwagi yai po buku

⁵ Te e hani wąį dabe da, augwali te ąį sanede ma te ąįgo bobegelali tomode bidaluali hani dao. Augwali te hani bidi te Jafet tede pedelama, tama deli deli hani te augwa bidibo pedai badu nosali bidalua pali. Tama deli deli hani augwa po tedali tedali weyu bidai.

Tigidali Nai Gagalama Nigali Side 10:5 Iomraidhean Croise

Tigidali Nai Gagalama Nigali Side 10:20

Te bidi Hamde pedelali hani dabe te e tama. Te deli deli hani dabe te augwa bulude digi bidada pali. Tama nosali deli deli hani te augwa po tedali deli deli ola pelawai.

Tigidali Nai Gagalama Nigali Side 10:25

Tama Ebergo ogwa si ame nani. Te mego nogi Pelek. Magi baso meni, aga te tǫde bididubadi, tama te bidi hani dabe augwaligo augwa tedali tedali po wabo gagalali, tama tebogo te augwali tomode pedai dao. Tama Pelekgo ama nogi te Joktan da.

Tigidali Nai Gagalama Nigali Side 10:32

Te e nogi dabe nogi yali da, te Noago ame nani ogwade pedelali hani dabe nogi dao, tama te augwa bidali tǫ pedai dabe me da. Te węgo bidi ela silai madi, tama te nosali te tigidali tǫ pedaide te pedelali bidi sibi dabe, te augwali Noago wai dabego hanide naga pedela silali hani te megi me bidalubo.

Tigidali Nai Gagalama Nigali Side 10:4

Te Javango ogwa dabe da, e dao, Elisa, Tarsis, te Saiprus bidi hani me Rodan hani bidi dabe dao.

Tigidali Nai Gagalama Nigali Side 10:6

Te e da te Hamgo ogwa dabe dao, Kus, Isip, Put, me Kenan, te tama.

Tigidali Nai Gagalama Nigali Side 9:19

Te bidi Noago te ogwa dabe da, augwali te tǫde bidalubo tigidali bidi sibigo wąį monu dabe te augwali dao.

Esta 10:1

Tuni bidi Serksisgo te aga tonalubo tǫ pedai tigidalide bidali we bidibolo te takis mone mao po weyu, te po mu dąų walali. Te nambis provins dabe dali, te agai tonalubo tǫ tomode mu elaluali provins dabe dali, te tigidali tǫ pedai badu tede te takis mone sabo sę yai dao.

Godigo Nogi Ugwaba Sabo Tęąbi Po Wabo Buku Dabe 72:10

Te Spen king, me te tamu ąį tomo bulu ailan king dabego, teda augwaligo agaba te wiegi yai nai presen dabe mawaibao. Tama te Arebia king me, Itiopia kingo me, teda augwaligo agaba takis mawaibao.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Aisaia 24:15

Tama tialima, dage tigidali tǫ habu badu bidalubo we bidi dabe, te giliga asobo badu, me te tamu ąį sesegede elalua pabo bulude bidalubo bage, dage tigidaligo te Genuai Bidigo nogi ugwanu sao, te Israel dabego Godiba genuai nogi maiąo.

Aisaia 40:15

Genuai Bidigo te haniani kantri tǫde we bidi suali, te olo nai gagawai tiwai ebao. Augwali te tǫ hogomu tiwai elama, te dwasianu ąį tedebo tudulalubo tiwai ąǫ ebao. Tama agai te tigidali bulu tǫ ailango sęgę usu selama, te tǫ hogomugo sęgę tiwai elalubo dao.

Aisaia 41:5

“Te tigidali tǫ kantri we bidi dabego te eno yali sę dabe sulama, te augwali wi elama, noma sali. Te augwali deliba sisinagaselama,

Aisaia 42:10

Dage tǫde we bidi tigidali, dagego gesi balia po weyu, te Genuai Bidi nogi ugwaba sinao. Dage te sipidu bilibo bidi dabe, me te tamu ąįde bidibo hasa dabe, dagego agai nogi ugwaba siyąo. Dage te digibulu tǫ kantride bidibo we bidi dabe, dagego te gesi balia po waiyąo.

Aisaia 42:4

Te aga haliga sęgę me isiąyu, te sęgęgo aga aiyaba elalumainu me iligobeo. Agai sę bomo elama eyu, agai doloba pai kolesaga ebogo te dwai kolesaga ebo kolesaga aiyaba elaluaibao, te tigidali tǫ habu usu nama bomo elalumainu ilaibao. Te digibulu bulu we bidi dabe te aga tonaluaibao, te agai augwali bugagia dugulalu bidabo kolesaga ola momainu yaibao.”

Aisaia 49:1

Dage te bulu tǫ kantri pąde, me digibulu bidalubo we bidi dabe, dagego eno po odiąo. Te idago ena ame nisąbadi, te Genuai Bidigo ena sa muyu, dąį ilama, enaba te nogi mawai dao.

Aisaia 51:5

Te eno augwali tau siyu, ma sabo sogo, te pąba pedelalio. Te ena bomogo digi eno te tigidali tǫ kantri tonalueibao. Te digibulu bulu pesage we bidigo te eno bomoba homu dąų weyu, te eno augwali tau sabo tonalueibao.

Aisaia 59:18

Te agai haliga sębęde, te aga boi bidi dabeba dwai dene mayu, te augwa yali dwai sę dolo usu wei ponaibao. Te agai te pąde elalubo bulu tǫ kantri we bidi dabeba, me te digibulu tǫ kantri dabe, te dwai dene mabo sę mu yaibao wai dao.

Aisaia 60:9

Te digibulu buludu asobo sip dabe dao. Mu tama, te digibulu bulu we bidi dabego te eno augwali tau sabo tonaluai. Augwaligo te genuai sip dabe tagala palali, te nago ogwa dabe nageba ma sesalio. Te we bidi dabego te hauwa silva me gol te sip dabego sela somainu tolali. Augwa tama tiali, magi baso meni, augwaligo te eno nageba wiegi yai sę bugagia eyu, genuai nogi elalubo sulama yali, te augwaligo Israelgo Genuai Bidi, te ena Godiba genuai nogi mayu yali, ena te Wiegi Yai Doloba Pai Kolesaga Mu Ebo God dao,” te po wai.

Jeremaia 2:10

Edao. Dage sip sela pelama, te ailan Saiprus te giliga dega sabo badu pelama, te Saiprus dabego kolesaga suao. Tama te bidi dabe dagego te bulu Arebia dabego tǫba te giliga pedalubo badu tagala palama, te augwaligo kolesaga bugagia osola suao. Te dagego subadi, te hani me deligo te duga ebo tobage dwai kolesaga tiwai ebo suaibawe? Mu menio.

Jeremaia 25:22

tamame te tigidali Tair kingba, te Saidon king, me te tamuąį u badu pedai badu bidibo hani dabebolo mawaibao, wali.

Esekiel 26:15

“Ena God Genuai Bidi, eno te Tair dabeba te tama po obao. Te boi bidi dabego dagego taun dabe dolobo sogo, te gasa taun te tamu ąį pąde bidalubo we bidi dabego te ami bidi dabego te tama kulukulu wabo odaibao. Tama te ami bidi dabe augwaligo dage te taunde elama, tama te tigi selai bagego hwąwa wabo genuai mu pedelama, tama te gela u wabo te gasa taunde bidibo bage augwaligo odaibao. Tama te we bidi dabe augwali wi eyu, dwai noma mu saibao.

Esekiel 26:18

Magi baso meni, te side naga nage dolalio, tama te tamu ąį tomo bulude bidalubo we bidi dabego sulama, tama augwali wi dwai umagi mu eyu, tama didibili ebao,’ augwaligo te balia po waibao,” wali.

Daniel 11:18

Tama nosali agai te tamu ąį sesegede elalubo bulu tǫ kantri dabeba hwįgi pelama, te agai hauwa bulu tǫ kantri aiyaba elalueibao,” wali. “Tiali goli, te gasa bulu tǫ kantri ofisa me deligo te aga hagoma kolesaga silimainu yaibao, tama te hagoma kolesagago aga digi aga mu dolaibao.

Sefanaia 2:11

Genuai Bidigo augwali wi dwai mu emainu ilaibao. Te agai te tigidali kantri dabego tibo god dabe olo nai pedelemainu ilaibao. Tama tigidali tǫ we bidi augwali augwa kantride bidiyu, Genuai Bidiba naga lotu po weyu yaibao.

Bomai Po 32:8

God ogwa dagalu bidi, aga digi te tigidali we bidi hani bidabo pesage dobola menama, tama augwali bidabo digi dąį elama, mawai dao. Tama hasia bolo agai te Israel dabe nedama, augwaligo namba wali pelama, tama augwaligo tǫ dąį elama, tama tebogo gasa hani we bidi bidabo digi nosali dąį ilai dao.