Tigidali Nai Gagalama Nigali Side 10:11 - Godigo dwagi yai po buku

¹¹ Nimrotgo te Babilonia taga soyu, te genuai hanu te Asiria tǫba nigigi pali, te hanu me Ninive, me Rehobotir, me Kala,

Tigidali Nai Gagalama Nigali Side 10:11 Iomraidhean Croise

Tigidali Nai Gagalama Nigali Side 10:12

me Resen. Resen hanu te Ninive de te genuai hanu Kala si tomode elaluali. Te hanu dabe te Asiria dabego tǫ pedai badu elaluai.

Te Israel me Juda Hani Sigo Tuni Bidigo Po Elalubo Buku Si 19:36

Tama tialima, te aga dali, te me badu ami soldia bidi dabe dali, augwali me bidaluali, tama augwali hodaluama, tama augwali te Asiria pabo bulu tųdu ma geasa pali, tama te king Senakerip aga te Nineve taunba bidigi pali.

Esra 4:2

Tama tialima, augwali pelama, te Serubabel me tobolu bidi dabe te Israel deli deli hani bage sugi pelama, tama augwaligo te po wai, “Da te dage dali te Godigo be sę yagasomainu ilao,” po wali. “Dago me te dagego Godiba lotu wabo dao,” po wali. “Tama te Asiria tǫ king bidi Esarhadongo da te e bulu tǫ pedaiba tagala palama bidagasali, te megi e sogoba usu nagasobao, dago te Godiba ofa ebo dao,” po wali.

Godigo Nogi Ugwaba Sabo Tęąbi Po Wabo Buku Dabe 83:8

Siria me te augwali dali sisinani. Te bomai hani augwali te Lotgo hani tau salio.

Aisaia 37:37

Tialima, aga dali te meba bidibo ami bidi dali, augwali hogodama, te Asiria pabo sunumidu begasa wali palio. Tama Senakerip te moni hanu Niniveba pelama, bidigi pai dao.

Esekiel 27:23

Te taun Haran, me Kane, me Iden, te tama bulu bidi dabego me, te kantri Seba me, Asur me, Kilmat me, te tama bulude te mone sabo bisnis sę ebo bidi dabego nage dali te mone sabo bisnis sę yai dao.

Esekiel 32:22

“Kantri Asiria aga ami bidi dabego gų page dali te bulude te elalubao. Te boi bidi dabego augwali boide ela silai dao.

Hosea 14:3

Te Asiria dabego da ma dobola sogobeo, usu egobeo, tama te hwįbo hos dabego me da tau me sogobeo. Te usu egobeo. Dago te tibo god nigali, te dago te tiwai po augwaliba ma weyu, ‘Dage te dago god da,’ me wagobeo. Genuai Bidi, nago dabolo te homu dene eyu, tau sabo wiegi yai kolesaga ebo dao, magi baso meni, da te aya meni yai wai puluba bidibao, te tau sabo usu meni yai bidibo dao.” Dagego tama gedu haluasa po agabolo wao.

Jona 1:2

Agai te po wai, “Nage hogodama, digibulu pelama, tama nage te moni hanu Niniveba pelama, tama nago te augwaligo sęgę mu sali bomai po te we bidi augwalibolo magi pao. Eno te augwaligo ebo dwai sę hauwa sualio,” wali.

Maika 5:6

Te augwaligo Asiria dabe dali hwįbo bomo mu elama, te moni bobobage bainat hwągo te augwali aiyaba elaluama, te augwa bulu tǫ kantri nogi Nimrot te saibao. Tama tebogo te Betlehemde pedelali genuai tuni bidigo da te Asiria bagego nogode ma dobola saibao. Te Asiria bage dago tǫ dąį bolama, hwįagasobo sogo, agai tama tiaibao.

Nahum 1:1

Godigo te genuai taun Ninivede po te profet Nahumbolo te nai nade subo tiwai ebo sogo te sęgę yai po mawai. Profet Nahum aga te Elkos bulu bidi dao.

Nahum 2:8

Te we bidi dabe te Ninive taun buluba wi tedela sąwani, te wę palialuali dalubaso te wę pabo tiwai ebao. Te ofisa dabe augwaligo i bomonama weyu, te tiwai obao, “Dolaluiąo! Dolaluiąo! Wi pigimio!” wabo. Tiali goli te me deli doligi pelama, te ma geasa me pabeo. Menio. Tigidali wi naga pela silibao.

Nahum 3:7

Tigidaligo nage subaso, te habu bulu kilasa paibao. Augwa te po waibao, ‘Suao! Ninive dolalio. Te bidi me deligo agade homu dene mu egobeo. Te bidi me deligo aga tau sabo wiegi yai po wabo homu me egobeo,’ augwaligo te po waibao,” Genuai Bidigo te po wai dao.

Sefanaia 2:13

Tama aga bomogo naga Genuai Bidigo te kantri Asiria we bidi dola silaibao. Te kantri te not badu te elalubao. Tama agai augwaligo genuai taun Ninive dolaibao. Tama te taun te olo nai meni yai olo tǫ wa pai bulu elaluaibao, tama bidi te bulude me bidigobeo.

Israel Hanigo Namba 24:22

Tiali goli, nosali te Asiria dabego dage dali hwįagaselama, dage dolama, tama dage Kin hani dabe kalabus elama, odasa paibao.”

Israel Hanigo Namba 24:24

Te Saiprus dabego te sip geba sela aselama, tama te Asiria de Eber dali hwįnama, augwali aiyaba elaluaibao. Tiali goli, Saiprus dabe me mu tama hagawaibao.”