Tigidali Nai Gagalama Nigali Side 1:6 - Godigo dwagi yai po buku

⁶ Nosali Godigo te po wai, “Te wę ugwaba sagolabo dąį me deli pedelama, te wę si badu elalumainao,” wali. Tama te nai pedelali.

Tigidali Nai Gagalama Nigali Side 1:6 Iomraidhean Croise

Tigidali Nai Gagalama Nigali Side 1:14

Te tudibadu Godigo te po wai, “Te be huliyu, posoyu yabo te bodolu mumainogo, te ula ebo nai dabe te dagalude pedalumainao. Tama elaluyu, augwaligo te polua dabe me, te kibu be dabe me, te kibu be yabo sogo te haniani bodolu muna muna paibao.

Tigidali Nai Gagalama Nigali Side 1:20

Te tudibadu Godigo te po wai, “Węde te haniani bidibo ula elalubo nai dabe geninama pedelao,” po wai. “Tama te ba hani dabe pedelama, te dagalu tomode bola bilaluao,” wali.

Jopgo Po Asęani Elalubo Buku 26:13

God aga digi bomai wali tagala palama, te pǫ dabe sela sąwai dao, tama dagalu sisi ma yai dao. Tama aga nogogo digi naga te bulu hwa gula mani ma isilai dao.

Jopgo Po Asęani Elalubo Buku 37:11

Agai wę hauwa te moni dagalu pǫba sabobo dao, tama be kulu omainu elama, be sele tigidali buluba pela silibo dao.

Jopgo Po Asęani Elalubo Buku 37:18

God agai dagalu nigilama, tama diniginai. Tama te dagalu te gesabidi subo nai dula te brasgo nigai tiwai dao. Mena tama tiali, nago agai te sę dabe ebo tau saibawe?

Godigo Nogi Ugwaba Sabo Tęąbi Po Wabo Buku Dabe 104:2

Nage naga ulago digi ma mesegelebo dao, te bidigo aga tigi ugwago mesegelebo tiwai ebo dao. Tama nago dagalu dali, tigidali hǫ munama elalubao, te bidigo ugwa be sęnama, tama baklain bonogo kekelama dąų elalubo tiwai yai.

Godigo Nogi Ugwaba Sabo Tęąbi Po Wabo Buku Dabe 148:4

Te ugwanu mu elalubo dagalu, te agai nogi ugwanu sao. Te dagalude ugwadu elalubo węgo, te agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 150:1

Te Genuai Bidigo nogi ugwaba sinao. Te Godigo nogi te aga tempel bede ugwaba sao. Dago te aga genuai bomo te dagalude elalubaso, te aga nogi ugwaba mu sao.

Godigo Nogi Ugwaba Sabo Tęąbi Po Wabo Buku Dabe 19:1

Dagalugo dabolo ola mabo dao, God agai bomo dali, genuai nogi dali si mu elalubao. Awe, tigidali nai dagalu ugwadu elalubo naigo dabolo te Godigo digi augwali nigai, te hania ola mabo dao.

Godigo Nogi Ugwaba Sabo Tęąbi Po Wabo Buku Dabe 19:2

Tigidali bidibo sogo te nai dabego po naga hanilama, po wabo dao. Tama tigidali be hulibo sogo, augwaligo dabolo te po ma wabo dao.

Godigo Nogi Ugwaba Sabo Tęąbi Po Wabo Buku Dabe 33:6

Genuai Bidi Godigo te po naga obadi, tama te giliga, me polua, me hǫ dabe te dagalude pedelai. Awe, agai po naga obaso, tama tigidali nai te ogwade pedelai dao.

Godigo Nogi Ugwaba Sabo Tęąbi Po Wabo Buku Dabe 33:9

Magi baso meni, agai po naga obaso, tama te tǫ pedelali. Agai bomai po waligo, tama tigidali nai elalubao.

Kolesaga Koneai Bidigo Pusali Po Elalubo Buku 11:3

Te haowade ąį pągąna pobaso da, teda tulubage te tǫba tulaibao. Te ni degali saut badu elalubaso, me not badu elalubaso, te tagalao, teda aga te ni degali pesagede munalubo dao.

Aisaia 40:22

Te Genuai Bidi aga naga te dagalu daide te sia kingde dugulaluali, agai te tigidali nai nigai dao. Agai te dagalu te name ugwa tiwai dinigina palama, te aga sel ugwa be sęalubo tiwai elaluai. Te agai gedude, te tǫde we bidi te olo nai kuli mano tiwai dao.

Jeremaia 10:10

Tialima, Genuai Bidi, nage God mu dao. Nage sesemane bidibo God, te nage sesemane sogo king bidaibao. Te nago haliga sębę ebo sogo da, te tǫ mali eyu, te we bidi hani bugagia me bidigobeo.

Jeremaia 51:15

Te aga bomogo digi Genuai Bidigo te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

2 Pita 3:5

Tama tiyu, augwaligo homugo te Godigo polobadu yali sę konebo hagela homu yai dao. Te polobadu mu Godigo po obaso te dagalu pedalama elaluai, tama tǫ te wę tomodu pedalama, tama te wę tomode te tǫ elaluai dao.