Tigidali Nai Gagalama Nigali Side 1:3 - Godigo dwagi yai po buku

³ Tama Godigo te po wai, “Ula pedelao!” wai. Tialima, ula pedelai.

Tigidali Nai Gagalama Nigali Side 1:3 Iomraidhean Croise

Tigidali Nai Gagalama Nigali Side 2:4

Tama tialima, Godigo te dagalu me tǫ me tigidali nai dali nigai. Te Yawe Godigo te dagalu dali tǫ dali nigali sogo,

Jopgo Po Asęani Elalubo Buku 36:30

Godigo te be sele ula tigidali te bulu dabeba dobola palobo dao. Tama ula tamu ąį dologoba mu pelama, te tigidali nai pepeli diliba mu ilibo dao.

Jopgo Po Asęani Elalubo Buku 38:19

“Te ula page buluba pabo sunumi nago koneai dawe? Tama te huli sesabigo bulu menade mu elalubowe?

Godigo Nogi Ugwaba Sabo Tęąbi Po Wabo Buku Dabe 104:2

Nage naga ulago digi ma mesegelebo dao, te bidigo aga tigi ugwago mesegelebo tiwai ebo dao. Tama nago dagalu dali, tigidali hǫ munama elalubao, te bidigo ugwa be sęnama, tama baklain bonogo kekelama dąų elalubo tiwai yai.

Godigo Nogi Ugwaba Sabo Tęąbi Po Wabo Buku Dabe 118:27

Genuai Bidi naga aga te God mu dao. Agai da bugagia tonalubao. Te ni nologo dabe tulama, tama peyu, te alta sai bagua sigi pao.

Godigo Nogi Ugwaba Sabo Tęąbi Po Wabo Buku Dabe 148:5

Te nai dabego te Genuai Bidigo nogi ugwaba sao, magi baso meni, agai digi po obaso, tama augwali pedelama bidibao.

Godigo Nogi Ugwaba Sabo Tęąbi Po Wabo Buku Dabe 33:6

Genuai Bidi Godigo te po naga obadi, tama te giliga, me polua, me hǫ dabe te dagalude pedelai. Awe, agai po naga obaso, tama tigidali nai te ogwade pedelai dao.

Godigo Nogi Ugwaba Sabo Tęąbi Po Wabo Buku Dabe 33:9

Magi baso meni, agai po naga obaso, tama te tǫ pedelali. Agai bomai po waligo, tama tigidali nai elalubao.

Godigo Nogi Ugwaba Sabo Tęąbi Po Wabo Buku Dabe 97:11

Godigo te doloba pai we bidi dabeba ula mayu, tama augwali homu pemene ilibo dao.

Aisaia 45:7

Eno naga eno te po obaso, te be posoyu, be huliyu ebao. Te eno naga te we bidi bugagia bidimainu ebao, te eno augwali te genuai sęgę somainu yaibao. Genuai Bidi eno naga, eno te sę tigidali pedalumainu ebo dao.’”

Aisaia 60:19

“Te giligago nageba te bubugade ula mayu, elalubo tiwai munu me elalusiąyu, te poluago me nageba ula mayu, me egobeo. Menio. Genuai Bidi ena digi ena te giliga tiwai, me polua tiwai ula elalu, te eno sesemane nageba ula maduaibao. Te ena, nago God, ena te genuai ula elalu, te nago au ilibo nai elalubo dao.

Matyu 8:3

Te Jisasgo nogo te bidi tigiba munama, tama aga nogogo tigiba diąyu te po wali, “Ao, eno homugo nage gasi usu ilaibao. Tama nage wiegi yai pedalao, te meda meni yai bidi bidao.” Tialima, megi naga tama agai tigiwali dolali gasi silama, tama te bidi aga tigi wiegi yai yai.

Dwagi Yai Gesi Po Jongo Asęani 1:5

Te ulago hulia sabobolo te ula mabo dao. Tama hulia sabogo te ula me sogo halubeo.

Dwagi Yai Gesi Po Jongo Asęani 1:9

Te ula da te ula mu dao. Tama aga te sogo tǫba dulai, tigidali we bidi ula mawainogo yali.

Dwagi Yai Gesi Po Jongo Asęani 11:43

Jisasgo te po olama, tama agai i bomo elama wai, “Lasarus, nage buluba asao,” Jisasgo te po wai.

Dwagi Yai Gesi Po Jongo Asęani 3:19

Tama te po tų yabo page tama telalubo. Ula yali e tǫde polo pedalai dao. Tialima, bidi dabe augwaligo homugo hulia sabo augwaligo godola pai. Augwaligo ula te godolo ebeo. Magi basowe? Augwaligo kolesaga te dwalio.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

Efesus 5:14

Tama tialigo da, te po me elalubao: “Nage pila mubo bidi, hodaloao, tama nage te gų pagede ma hodaloama, tama Krais agai wiegi yai ula nage mawaibao.”

Efesus 5:8

Te polobadu dage dwai kolesaga ebode biliyu tama dage be hulia side bidibo tiwai yai dao. Tiali goli megi dage te Genuai Bidide wadolama, tama agai dage wiegi yai ulaba munama bidibao. Tama tibaso, dagego wiegi yai kolesaga naga eyu dage te ula yai we bidi tiwai bidiąo.

2 Timoti 6:16

Agaduba deli naga te munu me isisąbo ula page elalubo bidi dao. Aga te genuai nanobo ula tomode mu bidibo, tama da aga pąba pabo te usu me egobeo. Te bidi me deligo aga munu me sube, tama aga me subo usu egobeo. Genuai nogi mu me, bomo me te agade sesemane sogo bidada peyu, bidada paibao. Mu dao.

1 Jon 1:5

Te Kraisgo dabolo ola mani po dago megi dagebolo hania ola mobao. Te po e dao: God aga te ula dao, tama dwasianu hulia sali agade me elalubo menio.

1 Jon 2:8

Me ma, megi eno dagebolo te asębo bomo yai po page meba te gesi po dao. Tama te eno asębo bomo yai po te mu po dao, te dago konebao, te Kraisde me, te dagede me, tede dago te bomo yai po te mu po dao dago subo dao. Magi baso meni, te ula mu te pedalama bidiyu, tama te ulago te be hulia si elaluali silibao.