Tigidali Nai Gagalama Nigali Side 1:21 - Godigo dwagi yai po buku

²¹ Tama tiyu, Godigo te tamu ąįde bidabo moni dobo dwai sųgų dabe nigilali, tama te węde bidabo haniani ąį hasa me, te haniani ba dabe me nigilai. Godigo aga digi nigali nai dabe tigidali suali wiegi yai yai baso, tama aga dwagi yai homu pemene yai.

Tigidali Nai Gagalama Nigali Side 1:21 Iomraidhean Croise

Tigidali Nai Gagalama Nigali Side 1:18

tama te be posobo me, te be hulibo me, te si tonalumainu yali, tama te be hulibo me te be posobo te si pedai. Tama God aga digi te nigali nai tigidali sulama, te aga dwagi yai homu pemene yali.

Tigidali Nai Gagalama Nigali Side 1:20

Te tudibadu Godigo te po wai, “Węde te haniani bidibo ula elalubo nai dabe geninama pedelao,” po wai. “Tama te ba hani dabe pedelama, te dagalu tomode bola bilaluao,” wali.

Tigidali Nai Gagalama Nigali Side 1:22

Tama augwali bugagia bidimainogo eyu, Godigo augwalibolo dwagi yai po mobo mayu, te po wai, “Te tamu ąįde haniani nai dabe geninama mu pedelama, tama te tamu ąį pągąna sao,” po wali. “Tama te ba dabe me tǫde umabo pedelao,” wai.

Tigidali Nai Gagalama Nigali Side 1:25

Godigo te be pąde bidabo haniani kibu dabe me, te bulude bidabo genuai hasa me, dwasianu hasa dabe te pedalumainogo nigilama, pedelai. God aga digi te nigila silali nai tigidali sulama, tama aga wiegi yai homu pemene yai.

Tigidali Nai Gagalama Nigali Side 1:31

God aga digi nigali nai tigidali sulama, dwagi yai yai baso, tama aga dwagi yai homu pemene mu yai. Te be huliama, kigamu be posai. Te be posobo te nogo a naga me badu kibisa deli wali silali.

Tigidali Nai Gagalama Nigali Side 2:19

Tama tibaso, Godigo tǫ selama, tama te tǫgo agai te tigidali kibu sibi, me hasa sibi, me te ba sibi nigali. Tama Godigo te hasa me ba sibi dabe te bidi bidibo madigi selasa pelama, te agai augwali mena nogi poaibao, te konemainogo tama yai. Tialima, bidigo te hasa sibi tigidali deli delibolo nogi mena mena pali, tama augwaligo te nogi tama elaluali.

Tigidali Nai Gagalama Nigali Side 6:20

Te tigidali haniani ba me, te genuai me, te dwasianu dabe me, te omai de so si si augwali te sip tomoba pelama, te augwali me isigobeo.

Tigidali Nai Gagalama Nigali Side 7:14

Tama tigidali haniani bulu hasa dabe me, te bede bidibo hasa dabe me, te dwasianu hasa me, te tigidali haniani ba sibi me, augwali te sip tomoba Noago hani dali pali.

Tigidali Nai Gagalama Nigali Side 8:17

“Tama tigidali hasa sibi dage dali aiyaba sela dulao, te ba dabe me, te be pąde bidalubo hasa dabe me, te genuai bulu hasa dabe me, dwasianu hasa dabe me, te tigidali te tǫba dulao. Te augwali bilaluyu, tama wai dabe ame nenama, umabo pedaliyu, tama tigidali tǫ pedai usu ilimainao,” Godigo te po wai.

Tigidali Nai Gagalama Nigali Side 8:19

Tama te tigidali uni hasa sibi me, te be pąde bidibo hasa sibi me, te ba dabe me, te dwasianu hasa sibi dabe, augwali te deli deliba naga hodobo sisina silama, tama te sip tagalama, tama tǫba dula silali.

Tigidali Nai Gagalama Nigali Side 9:2

Te tigidali tǫde hasa sibi me, te ba dabe me, te dwasianu hasa sibi dabe me, te sųgų dabe, te augwali dagede wi mu yaibao. Eno te augwali dagego nogoba muyu, tama dagego te augwali tonaluaibao.

Tigidali Nai Gagalama Nigali Side 9:7

Megi da, dagego wai dabe hauwa ame nomainao, tama dagego wai dabe hani te hauwa mu pedelama, tama tigidali tǫ pedai badu pągąna sao,” Godigo te po wai.

Jopgo Po Asęani Elalubo Buku 12:7

“Dage pelama, te bulu hasa dabe, ba dabe, sųgų dabebolo hanalugi pao. Tama augwaligo dage ola mawaibao. Ma, dagego wei ebaso da, teda dagego tǫbolo me hanalu wao, tama agai God kolesaga dagebolo ola mawaibao.

Jopgo Po Asęani Elalubo Buku 26:5

“Tagala te isai bidi dabe tamu wę dologode bidibo me, augwali Godide duagobeo. Augwali Godigo gedude hania mu bidibo dao. Tama agai augwali tonobo sogo da, augwali wi elama, noma genuai mu sabo dao.

Jopgo Po Asęani Elalubo Buku 7:12

Magi baso nago ena tigidali sogo ena bomonama tonalubo dawe? Nago homugo ena te tamu ąįde bidibo masalai gula tiwai da weyu, eno te nai dabe dolomai homu ebowe?

Godigo Nogi Ugwaba Sabo Tęąbi Po Wabo Buku Dabe 148:7

Dage tǫde bidibo bage tigidali, dagego Genuai Bidigo nogi ugwaba siąo. Te moni dobo dwai sųgų dabe, me te tamu ąį aiya badu mu pagede bidibo nai dabe,

Ma Dobola Sali 1:7

Tiali goli, augwaligo ame nani wai te Israel hani augwaligo wai hauwa ame nai, tama augwali hani hauwa mu te bomai bidi hani pedelai, tama augwaligo te Isip tǫ pedai badu Gosen te pągąna sai.

Ma Dobola Sali 8:3

Tama te wę Nail te gedeligo mu pągąna selama, tama augwali te wę tagalama, tama tuni bidi nago genuai be tomoba aselama, tama nago pibo be tų bet saiba asaibao. Tama te gedeli dabe te nago sę ebo bidi dabego be tomoba, me te nago we bidigo beba asaibao. Tama te nai ulubo nai stov tomoba, me te bret nigibo pou tomoba bidagasaibao.

Esekiel 32:2

“Tǫde bidi, nago Isip king bidide hobedai gela weyu, e tama balia po wao, ‘King, nago homugo nage te meba kantri tomode te boma pai laion yowi da homu ebo dao. Tiali goli, menio. Nage te moni pukpuk me deli te węde bidiyu, sągą subigila sąyu ebode wę dunugu ilibo pukpuk tiwai dao.

Jona 1:17

Augwaligo Jona te ąįba sąnama, tama tiali goli, Genuai Bidigo te sųgų moni genuai me sa muyu, tagala palama, tama te sųgų agai Jona dalalio. Tama Jona te sųgų haligade sela sogo bidai, te ulade sela sogo, me te hulide sela sogo bidibadi yai dao.

Jona 2:10

Tama Genuai Bidigo po te genuai sųgųbolo olama, tama sųgųgo Jona te tamu ąį saniba buguligi pai dao.

Matyu 12:40

Tama polobadu te tiwai yai te bidi Jona sela sogo giligade me sela sogo hulide te genuai sųgų haliga tomode bidai, tama te tiwai yali gilama naga te Godigo Bidi Mu aga me te sela sogo giligade me sela sogo hulide e tǫ tomode bidaibao, te isai we bidi bidibo madide.