Tigidali Nai Gagalama Nigali Side 1:16 - Godigo dwagi yai po buku

¹⁶ Godigo te genuai ula si pedalumainogo ilali. Genuai da, te giliga te be posobo tonaluyu, ula mabo da, tama dwasianu da, te polua tego da, te hulide tonaluyu, ula mabo da. Tama Godigo te hǫ dabe me pedalumainu yai.

Tigidali Nai Gagalama Nigali Side 1:16 Iomraidhean Croise

Tigidali Nai Gagalama Nigali Side 1:15

Te ula ebo nai dabe te dagalude pedelama, te tǫba ula mawaibao,” te po wai. Tama te dabe pedela silai.

Jopgo Po Asęani Elalubo Buku 31:26

Giliga ula genuai mu elama, tama te polua me ula dwagi yai ebo dao. Tiali goli, eno homugo te nai siba lotu po wabo homu yai menio. Tama eno nogode nono nenama, te nai si genuai nogi mawainu yai menio.

Jopgo Po Asęani Elalubo Buku 38:7

Tama te sę ebo si da, te dagalu hǫ dabe dwagi yai homu pemene elama, balia po wai dao. Tama te ensel dabego me dwagi yai homu pemene elama, hae wali.”

Godigo Nogi Ugwaba Sabo Tęąbi Po Wabo Buku Dabe 148:3

Giliga me polua, dage sigo me te aga nogi ugwaba sao. Tama te ula mu ebo hǫ tigidaligo te agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 148:5

Te nai dabego te Genuai Bidigo nogi ugwaba sao, magi baso meni, agai digi po obaso, tama augwali pedelama bidibao.

Godigo Nogi Ugwaba Sabo Tęąbi Po Wabo Buku Dabe 19:6

Sia ge pedalobo te dagalu sesege badu pedalobo dao, tama gasa badu pabo dao, tama magi nai me agai posolo ebo digi me duala sogobeo.

Godigo Nogi Ugwaba Sabo Tęąbi Po Wabo Buku Dabe 74:16

Nago te be posobo me be hulibo nigali, tama nago te giliga me polua te ugwadu muai elalubao.

Godigo Nogi Ugwaba Sabo Tęąbi Po Wabo Buku Dabe 8:3

Te eno nago nogogo nigali dagalu subo sogo, tama eno te poluaba me, te tigidali hǫ te nago ugwade muani tonono ebo sogo,

Aisaia 13:10

Te sogo te tigidali hǫ dabego ula sula saibao. Tama giliga pedalaibao, tiali goli agai ula hulia sigi paibao. Tama polua munu me nanogobeo.

Aisaia 24:23

Tama te giliga ula de polua ula si, te olo nai tiwai yaibao. Magi baso meni. Tigidali Bomo Elalubo Genuai Bidi aga bomo dali, me aga bomai ula dali, asaibao. Tama aga te bulu du Saionde we bidi tonaluaibao. Tama te we bidi dabe augwa genuai bidi dabego aga suaibao.

Aisaia 40:26

Dagego te dagaluba ugwa tonama, te ugwade elalubo hǫ dabe suiąo. Dego augwali nigai dawe? Te Genuai Bidigo naga nigali. Te nai dabe te Genuai Bidigo ami hani tiwai elalubao. Agai augwaligo namba koneani, te agai augwali deli deli nogi koneama, tama agai augwali nogi nogi yaibao. Agai tigidali bomo mu elalubo, tama tibaso, te nai dabe te augwalide me deli me hagagobeo.

Aisaia 45:7

Eno naga eno te po obaso, te be posoyu, be huliyu ebao. Te eno naga te we bidi bugagia bidimainu ebao, te eno augwali te genuai sęgę somainu yaibao. Genuai Bidi eno naga, eno te sę tigidali pedalumainu ebo dao.’”

Jeremaia 31:35

Genuai Bidigo giliga muani te ula momainogo yali, tama agai polua me hǫ dabe dąį ilali, te hulide ula momainogo muani. Agai te tamu ąį hodolobaso, te genuai ąį dini pedalu, te genuai u wabo. Aga nogi e tiwai, Tigidali Bomo Elalubo Genuai Bidi dao. Agai te tama po wai,

Habakuk 3:11

Te nago ene dabe enama, augwali polo pabo side te gegemani eyu, ula mu ebo dao, tama giliga de polua si te dagalude bilisiąbadi, osogo olo dolaluali.

Matyu 24:29

“Te sogo te genuai sęgę yali te silai madi, tama polo te sia ge hulia selama, tama te polua ula me egobeo, tama te hǫ dabe dagalude tulaluaibao. Tama te dagalude bomai nai te tǫ mali tiwai elama, gęǫ page yaibao.

Matyu 27:45

Tama te sia ge tomode mu, te tigidali tǫ badu te be hulia sabo tiwai elama, te be hulia si mu elama, tama telalubadi te be pio yabo magaba usu nanio.

1 Korin 15:41

Te giligago au yali te deli tigi poai elalubo, tama poluago au yali te gasagi yai me, tama te hǫ dabego au te gasagi yai me elalubo. Tama hǫ dabego au me te gasagi gasagi yai elalubao.

Bomai Po 4:19

Tiyu dagego dagalude elalubo subo nai dabeba lotu po waidalio, te giliga, me polua, me hǫ dabeba lotu olamuo. Menio. God dago Genuai Bidigo te gasa we bidi dabego te nai dabeba lotu omainu sula tagalai dao.

Kraisgo Geme Dualali Sę Pedelabo Po Jonbolo Ola Mani 21:23

Tama te hanude te giliga dali polua si te sę esiąyu te ula ilibeo. Menio. Te God aga digi te genuai ulago te ula mabo dao. Tama te Kibu Sipsip Wai te aga te hanugo ula mabo lam sole dao.