Tigidali Nai Gagalama Nigali Side 1:12 - Godigo dwagi yai po buku

¹² Tama tiliama, te haniani keba dabe me, te dwanai sibi me, tama te ni dabe me, te tǫde pedelai. Te meba gasagi yai dabego te nai du waliyu, te mebago te du wai walali. Te God aga digi te nigali nai tigidali sulama, te aga wiegi yai homu pemene yai.

Tigidali Nai Gagalama Nigali Side 1:12 Iomraidhean Croise

Tigidali Nai Gagalama Nigali Side 1:11

Te tudibadu Godigo te po wali, “Te haniani te tǫde holabo nai pedalumainao, te tubo ge walobo keba dabe me, te haniani du walobo nedu du wai pedelao,” po wai. Tama te nai dabe pedelalio.

Tigidali Nai Gagalama Nigali Side 1:13

Tama be huliali silama, tama kigamu be posobo pedelai. Te be posobo sela wabo silali dao.

Godigo Nogi Ugwaba Sabo Tęąbi Po Wabo Buku Dabe 104:14

Nago te kibu bulmakaugo tuabo nosa dabe pedalao wai, tama nai dabe meba da we bidigo bulama, sela tuabo nai me pedelai.

Aisaia 61:11

Magi baso meni. God, Genuai Bidigo doloba pai kolesaga dali, te aga nogi ugwaba sabo kolesaga dali, te we bidi dabe tomode pedelaibao, te gide bulali nai wai kulubi pedelama, te genuai ebo tiwai yaibao. Tama te gasa Israel hani isąwai we bidi dabe tigidaligo sumainogo yaibao.

Dwagi Yai Gesi Po Makgo Asęani 4:28

Te tǫ aga digi sę ebaso tama te nai wai holama, tama nosali te nai wai du walaibao. Hasia bolo te nai honu pedalama, tama nosali te nai tobolu tomode te nai genuai pedalaibao.

Dwagi Yai Gesi Po Lukgo Asęani 6:44

Ni aga du dagego subaso da, te ni dagego konebo dao. Magi baso menio. Bidigo te sesani yai bono dilibide siga du togobo meni.

2 Korin 9:10

Godigo nai wai te bidibolo bulumainogo menama, tama tigidali bidibolo tubo nai menama tama augwaligo tubo dao. Teda Godigo dage usu nama te nai dabe mayu, tama dagego te gasa Godigo po odobo we bidibolo tau sabo kolesaga genuai mu ilaibao. Tama dagego doloba pai kolesaga umabo mu pedaludaibao, te bidigo nai wai bulai digi tama nosali te nai umabo mu walobo tiwai iduaibao.

Galesia 6:7

Te e pode dagego geda munamuo: bidi mego te Godigo po olo oda tagalama, tama nosali Godigo te bidibolo sęgę magobeo, te homu mu egimio. Tama bidi mego te tubo nai ge me tǫde buluyu da, teda te bulali naigo du te naga nosali saibao, te gasagi yai naigo du sogobeo.

Hibru 6:7

Eno te Godigo ula sela tagalali bidi tede po digi po begelama tama aga e tiwai dao. Te tǫ elalubao. Te tǫde te hauwa sogo tulubage teba bugagia tuluyu, tama tǫgo te tulubage sabo dao. Tama te tǫde gi bulali we bidi augwali tau somainogo eyu, tama te tǫgo wiegi yai nai walobaso da, teda te kolesagade Godigo wiegi yai sę te tǫba ilibo dao.