Filipai 1:8 - Godigo dwagi yai po buku

⁸ Awe, eno dage dali dwagi yai homu moni pemene eyu, bomo elama godolo mu ebo dao, te Krais Jisas agai aga digi tiwai gilama ebo dao. Godigo koneai, eno tede mu po naga obao.

Filipai 1:8 Iomraidhean Croise

Jopgo Po Asęani Elalubo Buku 16:19

Tiali goli, eno koneani, bidi me bidibo, ena pagede bidabo bidi dagalude bidibo. Agai koneani, eno magi dwai sę me ebe. Tama agai eno po tau selama, bomo ilaibao. Tama tiyu, eno po tų ebode ugwaba ela holaibao.

Aisaia 16:11

Tama tibaso, ena te Moap dabe me hanu Kirheres we bidide haliga dene genuai mu ebao. Ena hobede e tama tibo, te bidigo hobede ebaso, gita eliyu, te hobedai balia wabo tiwai ebao.

Aisaia 63:15

Genuai Bidi, nage te naga bulu pesage dagalude bidibao, te tedali gasagi yai mu dao, te bulu pesagede te nago genuai ula me bomo pągąnalubao. Tiali goli, te nago aiyaba tonoyu, te da suao. Magi baso nage hogodama, te nago genuai bomo daba waselisąma ebawe? Nago homu dene eyu, olo tau sabo wiegi yai kolesaga te dabolo me ola mabeo. Te nago da godolo homu me isiąyu ebo da, agawe?

Jeremaia 31:20

Ena Genuai Bidi, eno te po obao, eno Efraim te godolo mu yali, aga eno ogwa dao. Tigidali sogo eno aga nogi wedu, eno agade homu kone yai. Eno haliga agaba mu mudubadi ebao. Tialima, eno olo tau sabo wiegi yai kolesaga agaba yai dao.”

Dwagi Yai Gesi Po Lukgo Asęani 1:78

Dago God da dali hobede mu elama, agai e tama tiwaibao. Te dagalu be posobo ula elalubo e tǫba dabolo tagala palaibao.

Polgo Po Pas Rom Dabeba Asęani 1:9

Eno Godigo sę eno bomo tigidaligo eyu, tama eno te aga Ogwade te wiegi yai gesi po te we bidibolo pusubo sę ebo dao. Tama te God aga digi koneani, eno mu po obao, sesemane sogo eno gedu haluasa po wabo si te eno dagego nogi nogi ebo dao.

Polgo Po Pas Rom Dabeba Asęani 9:1

Ena Kraisde wadolai bidi bidibaso, tama eno megi wabo po te mu po naga waibao, tibo po wagobeo. Tama Godigo Tedali Mobo Bidigo te eno yabo kolesaga dagalobo homu tonaluyu, tama agai eno po me tau selama tama eno mu po naga obao.

2 Korin 13:9

Tama dago dage dali po tų isąyu tama tede Godigo da mani bomo waselabo tų meni baso, bidi mebago da bomo meni yai bage da te homu yaibao. Te usu da, po meni. Dagego dwai sę me isąyu tama Godigo po bugagia wali peyu tama tede bomo elalubaso, da wiegi yai homu pemene yaibao. Tama dago Godibolo sesemane sogo hanalu wabo po weyu, dago homugo agai dage tigidali dodolama tama dage agai po odobo bomai we bidi mu pedaloyu, agai we bidi mu naga bidaibao.

2 Korin 6:12

Dago dena homu dagede me palia sabeo. Menio. Dago dage godolo mu ebao. Tiali goli duga digi duga homu da dali palia selama, tama da deli homude me bidibeo.

2 Korin 7:15

Taitus aga dage bidibo madi pedalobaso, tama dage wi elama didibili eyu, tama dagego aga siyu geseali, tama dage tigidaligo agai po wali pai. Agai megi te homu me konedu tama agai dage dali dwagi yai homu eyu godolo mu ebo homu genuai pedalobo dao.

Galesia 1:20

Tama eno megi dage dali asęna tolobo po, te eno te yali sęde tibo po dage dali wagobeo. God agai koneani, e po mu po naga dao.

Galesia 3:26

Te dage tigidali bidigo Jisas Kraisde konealubo po dąų weyu, tama dagego te konealubo po dąų wabode te dage da Godigo wai puluba dao.

Galesia 4:19

Eno wai puluba, polobadu dagego homu kolesaga Kraisde dąų wasiąbadi, te sogo dagede ena moni homu eyu dene sai dao. Tama te tiwai megi me ena te dene ma sabo dao. Te wego wai ame nainogo dene ebo tiwai, dene megi eno ebo dao. Tama ena te dene sesa pidubadi tama dagego homu kolesaga te Kraisgo homu kolesaga tiwai ebo side te eno homu wiegi yai eyu usu yaibao.

Filipai 2:1

Te dage Krais dali wadolama tama bidu, tama dagego bomo tama elalubo dao. Tama agai dage dali dwagi yai homu eyu godolo ebaso, tama dagego homu nagame elama bugagia bidibo dao. Dage agai Tedali Mobo Bidi dali deli homu eyu kisasa biliyu bidibo dao. Tama dagego duga hasi tomode te abagi homu eyu, homu dene eyu duga hasi tau sabo dao.

Filipai 2:26

Agai dwai homu mu eyu, tama agai homugo aga dageba polo paio wabo. Magi baso meni, dagego aga gasi yali po odali, te po agai odali. Tama agai te po odama, tama dagego agade moni homu idali weyu aga dagede homu dene eyu dage sugi pabo homu eyu bidibao.

Filipai 4:1

Eno ama dedeo, te Krais e tǫba ma asama, tama da dali wiegi yai sę yaibao. Tama tibaso, dage aga dali polobadu wadolama tama megi bomo elama dolaluiąo. Eno dage dali wiegi yai homu mu pemene ebo dao, tama eno dagede homugo ma kone palobo si eno homu dene ebo dao. Dagego ena homu dwagi yai ilibo dao. Dage da, te eno bulali nai du walali tiwai dao.

Kolosi 2:1

Eno homugo dagego tama koneao: eno sę dene eyu, eno dage Kolosi bage dali, te Laodisia hanude bidibo Godigo po odobo we bidi hani dali, te gasa ena gesabidi susiąwai bidi dabe tigidali dali, eno dage dali augwali dali tau sabo sę yai dao.

Kolosi 3:12

Dage da, te Godigo we bidi hani dao. Agai dage dali dwagi yai homu eyu, tama dage godolo ebaso tama dage aga we bidi hani pedalomainogo, agai dage te tigidali we bidi tomodu dią sali. Tama dią sobaso, bidigo aga gesi ugwa dabe gudubo tiwai gilama dagego e dwagi yai kolesaga selama tama yao: dagego we bidi hobede yao, augwalibolo dwagi yai sę naga yao, hagoma homu eyu duga nogi ugwaba sigio. Sesena pai homu egimio, we bidi dali dua dao. Bidigo dage dali dwai sę ebaso da, te dagego sula tagalama sębę polo egimio.

1 Tesalonaika 2:5

Dagego koneai, dago te wabo pode dage homu bega somainogo dago te po wabeo. Dago te Godigo po dage dali obadi, dagego nai sainogo dago tibo po dage dali weyu menio. Tama God agai me te sę ebo gedugo suai dao, te po mu po dao waibao.

1 Tesalonaika 2:8

Tama dago dage godolo mu yai, tama dago Godigo dwagi yai po dagebolo te pusa mawainogo yai. Tama te sę naga menio. Dago dage tau siyu isabo te sisi eyu, te homu me dago yai dao. Magi basowe? Dago dage godolo mu eyu, te homu yai dao.

Polgo Si Wali Pas Timotiba Asęani - 2TI 1:4

Te eno nage Efesus bulude tagalali sogo te nago homu dene ebaso nago gedude ąį gelali. Tama tede eno homu ebaso, tama eno homugo eno dwagi yai homu pemene yainogo eyu, eno nage suabo homu godolo mu ebao.

Filemon 1:12

Te eno te bidi Onesimus dali dwagi yai homu eyu godolo mu ebo digi, megi eno aga nage pageba ma tagala palobao.

Filemon 1:20

Eno ama, te Genuai Bidi Jisasgo nogi tobade nago enabolo te wiegi yai homu nagame ilao. Tama da si te Krais agai sę ebo bidi bidai, tama tiyu nago te ebo dwagi yai kolesaga te Onesimusde eyu, te nago eno homu wiegi yai pua pomainogo tama tiao.

1 Jon 3:17

Tialima te doado bage hauwa elalubo bidi agai aga ama te nai meni yai bidi bidibo sula tagalama, tama aga tau masiąyu da, teda magi baso te bidigo te po wali, “Eno Godibolo dwagi yai homu eyu godolo ebo bidi dao.”