Filipai 1:10 - Godigo dwagi yai po buku

¹⁰ Magi baso meni, dagego te kolesaga dagalabo homu kolesaga elalubaso da, teda dagego te tigidali kolesaga osola sulama, tama te wiegi yai mu kolesaga sabo usu yaibao. Tama tiyu da, teda te Krais aga tǫba ma asobo sogo tonalubadi dage meda meni yai me, sęgę sisąwai we bidi bidaibao.

Filipai 1:10 Iomraidhean Croise

Tigidali Nai Gagalama Nigali Side 20:5

Abraham aga digi te tiwai po enabolo wai, ‘Te aga eno abe dao,’ wali. Tama we aga digi me te po wai, ‘Aga eno abe dao,’ wali. Te eno homude dolo da homu ebaso, tama tialio. Eno dwai sę ebeo,” wali.

Jopgo Po Asęani Elalubo Buku 12:11

Dago pedauwaligo nai dabe dwagi yai yaliwe, ma dwai yaliwe olama, hanana subo dao. Te tama tiali goli, dago olo da te po dabe odama, tama dago te po bugagia dagala subo dao.

Jopgo Po Asęani Elalubo Buku 34:3

Dago pedauwaligo nai dabe dwagi yai yaliwe, ma dwai yaliwe olama, hanala subo dao. Te tiwai dago ologo da, bidigo po odama, tama dagala subo dao.

Maika 3:2

tiali goli dagego te dwai kolesaga godolo mu elama, te doloba pai kolesaga godolo homu me ebeo. Dagego te kolesaga dabego te dagego eno we bidi dabe bidibadi digi, te tigi wali dagala sabo tiwai ebao. Te dagego augwaligo tigi mi togobo tiwai elama,

Matyu 16:23

Tama Jisas begelama, Pitabolo te po wai, “Satan, nage ena tudi badu soao. Nago eno pabo tųde tųą palobo nai tiwai dao. Nago Godigo homu kolesaga wali pabeo. Menio. Nago e tǫde bidigo homu kolesaga naga wali peyu, enabolo te po wai,” Jisasgo Pita dali te po wai.

Matyu 26:33

Pitago po wei ponoyu, bomonama agabolo te po wai, “E bage augwali tigidaligo te nageba augwa homu mubo kolesaga tagalama tolalueibao nago te tama po wabo digi, te ena da, ena tama me tegobeo,” Pitago te po wai dao.

Dwagi Yai Gesi Po Jongo Asęani 1:47

Jisasgo Nataniel aga pageba asobo suali. Tama Jisasgo te bidi dabebolo tama wali, “Suiąo. Te asobo bidi aga Israel bidi mu dao. Tibo po aga homude me elalubo meni.”

Dwagi Yai Gesi Po Jongo Asęani 3:20

Dwai kolesaga ebo bidi agai te ulade boi bidi ebo dao. Agai dwai kolesaga yali hania ugwaba sela muidali weyu, aga te ulaba asobo menio.

Godigo Sęba Tagala Palai Bidigo Po 24:16

Tama tigidali sogo eno tigidali we bidibolo dwai kolesaga ebo ena mu hagelabo. Eno Godigo gedude me, we bidi tigidaligo gedude me dwagi yai kolesaga naga yai hagede, eno te sę bomo ebo da,” Pol agai te po wai.

Polgo Po Pas Rom Dabeba Asęani 12:2

Tama te kolesaga edubadi, dage te tǫde bidi dabe biladubo tiwai elama me bilalugio. Menio. Dagego homu kolesaga Godigo gesi noma pedalomainogo ilama, tama dagego kolesaga me gesi noma pedalomainogo emainao. Tama tiyu da, teda dagego te Godigo homu kolesaga koneaibao. Tama agai homu kolesaga koneama tama te bidigo yabo wiegi yai sę me, te Godigo gedude te usu niba kadu wabo kolesaga dali, te doloba pai kolesaga dali, te tobage dwagi yai kolesaga page tigidali dagego hania koneaibao.

Polgo Po Pas Rom Dabeba Asęani 12:9

Duga hasi dagego duga ama dabebolo dwagi yai homu eyu godolo eba wida, teda dagego homu mu naga eyu augwali godolo mu ela pao. Tama tiyu, dagego te dwai kolesagaba tudi mu ola menama, tama dagego te wiegi yai kolesagaba homu mu kęą sao.

Polgo Po Pas Rom Dabeba Asęani 16:17

Ama dedeo, te we bidi hani pedebo kolesaga ebo bidi dabe, te bagede dagego bugagia suao, dua dao. Te dagego Kraisde polobadu odali ola mabo po, te po augwaligo sela sąwainogo eyu, tama augwaligo we bidi dwai sę ebo kolesaga tomoba kegebo dao. Te tobage we bidi dagego tagalao, augwali tudiba mu muao.

Polgo Po Pas Rom Dabeba Asęani 2:18

“Te Godigo homu kolesaga eno koneai, agai enabolo ‘Te kolesaga yao’ po eno odali,” nago te po weyu tama naga digi naga nogi ugwaba sabo dao. Augwaligo nage te bomai pode usu da olama, tama nago te doloba pai kolesaga koneyu godolo ebo dao.

Polgo Po Pas Rom Dabeba Asęani 7:16

Tama eno homugo hagela mu yali kolesaga te eno yali goli, eno koneani, te dwai sę dao, tama te kolesaga ebo eno hagela yalio. Tama tialigo da, eno homu me te bomai po me te deli dao, te eno te po obao, “Awe, te Godigo bomai po te wiegi yai naga dao.”

Polgo Po Pas Rom Dabeba Asęani 7:22

Mu tama, eno homude eno Godigo bomai po mu godolo ebo dao.

Polgo Po Pas Rom Dabeba Asęani 8:7

Te bidigo homugo te dwai sę ilibo kolesaga wali pobaso da, te tebo bidigo God dali boi bidi ebo bidigo tibo dao. Magi baso meni, aga te Godigo bomai po dologode me bidibo menio. Mu tama, agai te bomai po wali pabo usu egobeo.

1 Korin 1:8

Tama agai te dagego agade konealubo po dąų weyu agaba homugo tialubo kolesaga, te agai bomo ilama, tama te tigidali nai silabo sogo usu nigi paibao. Agai tama tiyu, tama dago Genuai Bidi Jisas Krais aga ma asobo sogo te sogo dage sęgę meni yai we bidi pedalaibao.

1 Korin 10:32

Tama tiyu, dagego te Juda dabe me, te Grik dabe me homugo koneao, tama Godigo po odobo we bidi hani dabe me, tama dagego ebo sęde augwaligo God dali agai po dali si dali dwai homu idali weyu, dagego duga ebo kolesaga bugagia tonaluao.

1 Korin 8:13

Tama tibaso, te nai tubogo eno ama te dwai sęba tulalumainogo ilibaso da, teda eno te mi munu ma tugobeo. Tiyu eno te eno ama te dwai sęba tulalubo sę ilidalio.

2 Korin 1:12

Dago wiegi yai homu pemene ebo sę e kolesaga delide ebo dao: dago homugo hanilama po pusuyu da, te magi dwai sę isąbo te wiegi yai kolesaga me tama te Godigo da mabo te meda isąwai homu kolesagade bilibo po pusubao. Te e tǫde bidigo koneani kolesaga te dago wali pabeo. Menio. Te Godigo olo mayu tau sabo wiegi yai kolesagago naga da tau selama, tama da te tiwai kolesagade bilibao. Tama da te kolesagade te tigidali bidi tomode bilibo dao. Tama dageba dago te kolesaga me mu ela pidu geai dao.

2 Korin 2:17

Tiali goli, da te bidi hauwa augwali tiwai me ebeo, augwali tedali tedela pelama, te Godigo pode masigi sabo bisnis sę tiwai me ebo, te tiwai dago egobeo. Menio. Dago te sę Godide sali, tama dago te Godigo sęde tibo po subigila me wagobeo. Menio. Dago sę dolasa mu tigidali ela pobao. Da te Krais dali wadolama, tama homu mu naga eyu, tama God gedude dago agai po te we bidi dabebolo pusubo dao.

2 Korin 6:3

Dago homugo te bidi dabe augwaligo dwai po te dago ebo sęba me badi te tama po waidali homu elama, tama augwaligo Godigo po tudiba muidali weyu, dago te bidi dabe augwali sągąde magi nai me deligo enama tulaluabo sę me egobeo.

2 Korin 8:8

E tau sabo sęde eno bomai po dagebolo me mabo meni. Te menio. Eno dagebolo te meba bidi dabe augwaligo te wiegi yai sę yabo homu hodaluali po obao, tama te kolesagade eno dagego ama dabe dali dwagi yai homu eyu godolo ebo kolesaga usu sobao. Te dago koneainogo, te dagego te we bidi godolo ebo kolesaga te nai mu dao.

Galesia 5:11

Te tigiwali togwabo po wabo bidi augwaligo dagebolo te po wali, “Te bidi Pol me, agai te po wabo dao, ‘Bidi me Godigo agabolo te doloba pai bidi da omainogo, tama aga tigiwali togwao, aga te Godigo bomo yai po tigidali me wali asao,’ Polgo te po wabo dao,” augwaligo enade te po wali. Tiali goli te mu meni, eno te po wabo menio. Eno ama dedeo, eno te tobage po odubadi tigi sogo da, teda te Juda dabe augwaligo ena dali boi bidi eyu, ena elainogo homu me egi menio. Woo, eno te we bidibolo te Krais aga te ni pedaide isiyu dago sęgę sela sąyani po naga ola mabo dao. Tama eno te po naga ola mobaso, tama augwaligo hagela eyu, tama augwaligo ena dene mabo dao. Tialima, te eno te tigiwali togwao po me, te duga homu tigidali Kraisde muao po me, te po si taluama, tama te po si wagi sogo da, teda augwaligo ena dene dali sęgę dali magi menio.

Efesus 4:15

Te menio. Da Godigo we bidi hani tomode dena abagi dabe augwali dali wiegi yai kolesaga eyu godolo mu elama, tama Godide mu po naga wao. Tama tiyu, tama da te tobage wiegi yai sę idubadi, tama da Kraisde mu dąų waibao. Aga te dago tigigo tobolu bidi aga deli dao.

Efesus 5:10

Tama te ula yai we bidi bidiyu, dagego mena tiwai kolesaga ebaso te Genuai Bidi God aga dwagi yai homu ilabo kolesaga dagego usu sela suao.

Efesus 5:27

Tama Krais agai homugo aga po wali pabo we bidi agai gedude augwali te wiegi yai mu pedalomainu yali. Tama augwali te husugwa sai me, bedogola sai me, te tiwai elaluidali weyu, tama augwaligo te magi dwai sę me esiąyu wiegi yai kolesaga naga eyu bugagia mu bidimainao. Te homu Kraisgo aga po wali pabo we bidi dali yai.

Efesus 6:24

Te eno homugo me, Godigo agai olo tau mabo kolesaga te dago Genuai Bidi Jisas Krais godolo mu eyu aga me tagalisąbo we bidi dabe tebolo te olo tau mabo kolesaga mao. Tama dao. Ena da, Pol da.

Filipai 1:16

Augwaligo ena dali dwagi yai homu eyu godolo mu ebo kolesaga ebaso, augwaligo Kraisde po pusubo dao. Magi baso meni, augwaligo koneai, te Godigo pode boi bidi homu ebo bagego po aiyaba elaluabo po wabo sę, te sę Godigo enabolo mani.

Filipai 1:6

Tama tiyu, eno homu si menio, eno mu koneai, te God agai dage deli deligo homu tomode te dwagi yai sę gagalama, tama te sę ela peyu, mu ela pelama, tama Krais Jisas tǫba ma asobo side naga agai te dagede ebo dwagi yai sę silaibao. Te eno mu koneanio.

1 Tesalonaika 3:13

Tama te Genuai Bidi agai dage te we bidi dali godolo mu ebo sęde dąų omainogo, dago aga dali te hanalobo po wabo dao. Tama agai tama tilama, tama nosali dago Genuai Bidi Jisas aga doloba mu pai we bidi tigidali aga dali e tǫba ma asobo sogo, te dage me te sogo Godigo doloba mu pai we bidi dago Aya God agai gesabidide bidimainogo, tama dago te Genuai Bidi dali te po hanalobo dao.

1 Tesalonaika 5:21

Tialima dagego te tobage po wabo tigidali bugagia osola suao. Tama dwagi yai po naga dagego dąų ola siyu,

1 Tesalonaika 5:23

Te God aga te dwagi yai homu nagame ebo kolesaga page bidi mu dao. Tama eno homugo te God aga digi dage doloba pai mu ilaibao, aga tiwai bidimainogo yaibao. Tama eno homugo agai dagego homu kolesaga tomode sę ebo mobo bidi me, te dagego noma bidi me, te dagego tigi me God agai bugagia tonaluaibao, tama dage dwagi yai mu bidimainogo. Tama dago Genuai Bidi Jisas Krais ma asobo sogo te dage magi dwai sę isiąwai we bidi tiwai bidaibao.

Josua 24:14

Tama Josuago po ma weyu, te po wai, “Tialima, megi da, dagego te Genuai Bidi dologode bidiyu, agaba lotu po weyu, tama sesemane sogo dagego agade sę te dagego bomo tigidali teba munama, sę yao. Dagego te tibo godiba homu kone ebo tagalama, te duga wąį dabego te Mesopotemiade me te Isip pedai badu side bidali sogo augwalibolo te lotu po wali. Dagego te Genuai Bidiba naga lotu po wao.

1 Jon 4:1

Abagi dedeo, tibo po ola mabo bidi dabe hauwa augwali tigidali tǫde bilalubao. Tama bidi hauwago te po obao, “Godigo Mobo Bidi agai enabolo mu po olama, tama eno te mu po pusubo dao.” Te po obaso, dagego homu te augwaligo ola mabo poba olo subigila dąų wagio. Dagego koneainogo, tigidali te po ola mabo bidi osola suao, te Godigo tagala palali Mobo Bidi augwali dali bidibawe, ma meniwe, te suainogo tama tiao.

Kraisgo Geme Dualali Sę Pedelabo Po Jonbolo Ola Mani 2:2

Te nago ebo kolesaga tigidali eno koneani, te nage sę dene ebo dao. Te me eno koneai, nage bomo elama sęgę bugagia tolama dolaluyu, tama nago te dwai sę ebo bidi dabe augwali hagela mu yai. Te bidi dabe augwaligo nagebolo te po wai, ‘Da me te Jisasgo sę ebo bidi dabe dao’ wai. Tiali goli te menio, augwali te Jisasgo sę ebo bidi dabe menio. Tama nago augwaligo wabo po osola suai dao, tama nago augwaligo ebo kolesaga page gegelama koneai, tama augwali te ili po naga wabo bidi dabe dao. Nago tama yali augwali osola suali sę eno koneai.