Filemon 1:9 - Godigo dwagi yai po buku

⁹ Tiali goli eno homugo nago te kolesaga emainogo te eno nagebolo te bomo elalubo po wagobeo. Menio. Dago dena hasi wiegi yai homu eyu godolo ebo homu eyu, tama da deliba wadolama bidibao. Tama tiyu, eno nage dali po bomo elama wabo homu eno egobeo, te eno duadigi nage dali hanaluyu te po obao. Ena Pol, ena da Godigo po sela pabo bidi dao, tama Krais Jisas tobade augwaligo ena kalabus beba munama, megi tede bidibao. Tama ena te Pol, tiali digi, eno nagebolo te po bomo elama wagobeo.

Filemon 1:9 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 71:18

Megi da, ena monu dabe elama, te ena tobolu nisi ayadeba yalio, tiali digi God, nago ena me tagagio. Nage ena dali bidiyu, tama eno nago genuai bomode po te nosali pedalubo we bidi dabe pusaibao.

Godigo Nogi Ugwaba Sabo Tęąbi Po Wabo Buku Dabe 71:9

Megi da, ena monu dabe ebaso, te eno bomo me menio, tialima tiyu, nago ena tagalama tudiba muidalio.

Bugagia Bidibo Kolesagade Po Asęai Buku 16:31

Te bidi dabego te monu dabego ayadeba tobolu nisi sulama, tama augwa koneaibao, te monu dabe augwa te doloba pai kolesaga wali paligo tama augwa te tǫde sesabi elama bidibao. Tama tiyu, te augwaligo te genuai nogi augwaliba mabo dao.

Aisaia 46:4

Ena duga God dao, te eno dage tonalua pidubadi, te dage monu dabe eboba usu nama, te ayadeba nisi elaluaibao. Ena digi eno dage deli hani we bidi pedalumainu ilali, te sesemane sogo eno dage auąlu, te tonalu, te dage ma dobola saibao.”

Polgo Po Pas Rom Dabeba Asęani 12:1

Eno ama dede, eno homugo te Godigo da dali homu dene eyu tama haniani olo tau mani wiegi yai kolesaga genuai mu yali, eno te homu ebaso, eno e po megi dagebolo hanilibao. Bidigo hasa ela munama tama Godibolo olo mabo sę, te ebo sę nogi poai te ofa dao. Tama te tiwai gilama dagego duga tigi te Godibolo olo mabo ofa tiwai yao. Te tigi bidibo ula elalubadi tama dagego Godibolo menama, tama te God aga deliba naga mao, te dwai sę me isąwai nai ofa dao, tama dagego te Godigo godolo ebo kolesaga yaibao. Dagego tama tiyu, tama dage te tiwai God dologode bidiyu, tama duga lotu po mu te Godibolo waiyąo.

2 Korin 5:20

Tama tibaso, dago te Kraisgo pedauwalide po selama tama agai po pusubao. Te tiwai God aga digi te tigidali bidi dago pedauwaligo i obao. Dago Kraisde digi te po tigidali we bidibolo pusubao, tama dago te tiwai po augwalibolo obao, “Te dagego boi bidi homu ebo kolesaga tagalama, God dali abagi homu ebo kolesaga mu yao,” dago te po pusubo dao.

2 Korin 6:1

Dago sę God dali eyu tama dago te tiwai po bomo elama dagebolo obao: dagego te Godigo olo mani wiegi yai tau sabo kolesaga salio, tiyu dagego agai te olo mu mani wiegi yai tau sabo kolesaga tagalabuo, te kolesagago agai sę dage tomode bugagia emainao.

Galesia 3:26

Te dage tigidali bidigo Jisas Kraisde konealubo po dąų weyu, tama dagego te konealubo po dąų wabode te dage da Godigo wai puluba dao.

Efesus 3:1

Te Godigo te da bidi hani si deliba wadolobaso, te ena Pol ena digi eno Godibolo hanalubo po wabo dao. Tama eno te dage Juda bidi hani isiąwai we bidi tau sainogo eno Krais Jisasgo po ola bilaluali. Tama eno te sę ebaso, te Juda dabe augwaligo tede dwai homu eyu tama te Rom gavman bidi dabe augwaligo ena nogo si dunama, kalabus beba muani. Tama megi ena tede bidiyu, te eno Godibolo hanalubo po wabo dao, te dage tau somainogo ebo dao.

Efesus 4:1

Te God agai dage Kraisde wadolomainogo agai dage Juda hani isąwai we bidi i obaso, te eno dagebolo homu hodolobo po megi obao. Tama ena Genuai Bidi Krais agai sęba munama, tama eno te sę eyu, tama augwaligo ena kalabus beba muai goli, eno bomo eyu dagebolo e homu hodolobo mobo mabo po obao. Te dage agai we bidi hani tomoba asomainogo Godigo dage i wali. Tama te sogo agai dage aga usu ni ola mani. Tama dagego agai wali po bugagia wali peyu, te usu niba dolo mu kadu wao. Dagego aga tama wali peyu da, te usu mu dao.

Efesus 6:20

Ena da te Godigo dwagi yai po pusubo bidi. Tama te tebo pode te ena kalabuside bidibao. Tama tibaso, ena te wi ebo homu aiyaba kęna sigulumainu tama ena te bomo elama te Godigo wiegi yai po pusumainu dagego God hanalu wabo po wao.

2 Timoti 1:12

Dago Genuai Bidi Krais Jisas agai eno sę yabo bomo mobaso, tama eno agabolo buba hwi wabo dao. Agai homu ena agaba homu kęą pai bidi bidiyu, tama agai sę yabo ena usu yaibao. Agai te homu elama, tama aga sęba ena mubaso, eno agabolo nage usu da po wabo dao.

Taitus 2:2

Tama tiyu, nago augwalibolo e tobo wao: monu dabe yai bidi augwaligo te bomai ąį hauwa tulamuo, augwaligo augwa tigigo ebo kolesaga bugagia tonaluao. Augwaligo doloba pai homu kolesaga naga koneyu, tama augwa homu kolesaga bugagia tonaluao, te po wao. Tama te God dali konealubo pode augwaligo te po page kuna koneyu bidao. Tama tiyu, augwaligo God dali, gasa we bidi dali dwagi yai homu ebo kolesaga eyu, tama tigidali sęgę yai sę asobadi bomo elama dolalubo kolesaga selama bidao, te po te monu dabebolo ola mao.

Hibru 13:19

Tama eno homugo godolo mu ebao, te dagego gedu haluasa po Godibolo olama ena tau somainogo yao, tama ena dage bidibo madi polo tamadi asomainogo yao.

1 Pita 2:11

Eno abagi dede mu, eno dage tau somainogo bomo eyu e po dagebolo obao. Dage da e tǫba tamadi tama asai osogo bidibo we bidi dao. Tama tibaso, dago tigigo e tǫde ebo dwai dwai sę egimio. Te tobage dwai sę dabe augwaligo da aiyaba elaluai hagede da dali hwįbo dao.

Te Israel Tobolu Bidi Dabe 21:22

Nosali augwa aya dabe me, ma te augwa abe dabe asu, tama dageba wado po wagasobaso da, teda dagego augwaliba te po waiąo, ‘Te augwali da dali bidimainu yao, magi baso meni, te da deli deligo te hwįani sogo te we me sisąwai. Tama duga digi dabolo me mabe, tama tibaso te duga dąų wali po te me dagego togobeo,’ te tiwai po augwalibolo waiąo.” Te polalubo bidi dabego te po wai.