Filemon 1:21 - Godigo dwagi yai po buku

²¹ Eno te homu bomo ebogo da, te nago eno te po wali pabo homu ebao. Tama tiyu eno nago Onesimus tau sao po nagebolo asęna tolobao. Eno koneani, nago yabo te kolesagago megi eno nagebolo te yao wabo kolesaga te aiyaba elaluama, tama nago te Onesimus dali nosali ebo kolesaga te wiegi yai mu yaibao.

Filemon 1:21 Iomraidhean Croise

Polgo Po Pas Rom Dabeba Asęani 2:19

Nago e tiwai homu ebo dao: “Te bomai pode eno te kolesaga page badi te mu po me sali da,” te homu eyu, tama “Eno te gedu widai bidi dabe augwali te eno tų me ola mabo usu dao. Ena te hulide bidibo bidi dabe augwaligo ula tiwai bidibao. Ena te kolesaga meni yai bidi dabe augwali po ola mabo bidi. Ena te bugagia konesiąwai dwasianu wai puluba tiwai bidibo bage po ola mabo tisa bidi da” wai.

2 Korin 2:3

Dage we bidigo te wiegi yai homu pemene enabolo mabo bage dao. Tama ena dage pageba pelama, te eno homu sęgę sidali weyu, te delide naga polobadu eno te pas asęna tolama tama dagego sali. Eno dage tigidalide te tiwai homugo koneai: te eno nai me delide te wiegi yai homu pemene ebaso da, teda dage tigidaligo me wiegi yai homu pemene teba ebo dao.

2 Korin 7:16

Megi eno homugo mu konebo, eno dage dali homu si ebo meni, te dagego tigidali kolesaga dolo mu ebaso, eno homu dageba tia pabo te usu dao.

2 Korin 8:22

Tama tibaso, dago dena ama me deli augwali si dali hodobo tagala palobao. Hauwa sogo dago aga haniani sęde usu sali, tama agai sę bomo elama ebo dago suali. Megi agai homugo te dagego wiegi yai kolesaga naga ebo homu bomo ebaso, tama agai te sę yabo homu bomo ebao.

Galesia 5:10

Tiali goli, ena dage dali da tigidali te Genuai Bidi Kraisde wadolobaso, tama dagede eno e homu ebao, dagego eno homu wali pabo tagalama, gasa bidigo po wali pogobeo. Tama te dagego homu hodolobo bidi te agai nogi eno konebeo. Tialima, te bidigo dagede dwai sę ebaso, tama Godigo agabolo dene mawaibao.

2 Tesalonaika 3:4

Tama me, Genuai Bidigo da ola menama, tama dago dagede te konebao, tigidali kolesaga dago dagebolo yao te po wali, te sę dagego megi me ebo dao, tama nosali me dagego tama naga tiwai sę yaibao.