Filemon 1:20 - Godigo dwagi yai po buku

²⁰ Eno ama, te Genuai Bidi Jisasgo nogi tobade nago enabolo te wiegi yai homu nagame ilao. Tama da si te Krais agai sę ebo bidi bidai, tama tiyu nago te ebo dwagi yai kolesaga te Onesimusde eyu, te nago eno homu wiegi yai pua pomainogo tama tiao.

Filemon 1:20 Iomraidhean Croise

1 Korin 16:18

Augwaligo ena homu me, tama dage homu me nagame ilali. Tama tiyu dagego te tobage tiwai bidi dabe augwali nogi ugwaba sao.

2 Korin 2:2

Magi baso meni. Te eno dagebolo homu sęgę mayu da, teda dego te eno homu wiegi yai pemene iligowe? Te eno dage homu sęgę ilai digi da, teda ena wiegi yai homu pemene ilabo bidi menigi da.

2 Korin 7:13

Dagego te kolesagago da homu nagame ilama dua bidai. Tama dago homu nagame naga me ebeo. Menio. Dago homu wiegi yai pemene yai. Magi baso meni. Dage tigidaligo te Taitusgo homu noma toma nabo nigilali, tama aga wiegi yai homu pemene yalio. Dago te sulama, tama da wiegi yai homu pemene mu idubadi bidali.

Filipai 1:8

Awe, eno dage dali dwagi yai homu moni pemene eyu, bomo elama godolo mu ebo dao, te Krais Jisas agai aga digi tiwai gilama ebo dao. Godigo koneai, eno tede mu po naga obao.

Filipai 4:1

Eno ama dedeo, te Krais e tǫba ma asama, tama da dali wiegi yai sę yaibao. Tama tibaso, dage aga dali polobadu wadolama tama megi bomo elama dolaluiąo. Eno dage dali wiegi yai homu mu pemene ebo dao, tama eno dagede homugo ma kone palobo si eno homu dene ebo dao. Dagego ena homu dwagi yai ilibo dao. Dage da, te eno bulali nai du walali tiwai dao.

Filemon 1:12

Te eno te bidi Onesimus dali dwagi yai homu eyu godolo mu ebo digi, megi eno aga nage pageba ma tagala palobao.

Filemon 1:7

Eno dwagi yai ama, Godigo we bidi tigidali nago augwali dali dwagi yai homu eyu, godolo mu ebo dao. Tama tiyu, nago te kolesaga eyu, augwaligo homu pua peyu, dwagi yai ilai. Tama te kolesaga ebode ena dwagi yai homu elama, tama eno moni homu me esiąyu, te eno homu dwagi yai elama bidibao.

Hibru 13:17

Te duga tobolu bidi dabe augwaligo dage tau sabo homu elama, tama augwaligo dage sesemane sogo tonalubo dao. Magi baso meni, nosali augwaligo digi yali sę po tigidali te Godibolo pusaibao. Tama dagego augwaligo ola mabo po wali pelama, tama augwali dologode bidao. Te dagego tama tibaso da, teda augwali wiegi yai homu pemene elama, tama augwa sę tulama sę eyu, tama augwali homu sęgę me egobeo. Tialima augwaligo dage tonaluabo te homu sęgę ebaso da, teda te tebogo te dage tau me sogobeo.

1 Jon 3:17

Tialima te doado bage hauwa elalubo bidi agai aga ama te nai meni yai bidi bidibo sula tagalama, tama aga tau masiąyu da, teda magi baso te bidigo te po wali, “Eno Godibolo dwagi yai homu eyu godolo ebo bidi dao.”

Jongo Sela Sogo Wabo Asęani Pas - 3JN 1:4

Awe, eno wai dabe augwaligo mu po wali peyu bidibo te po eno odu gebaso da, teda eno dwagi yai homu pemene mu ebo dao. Tama gasa po odobode dwagi yai homugo te dwagi yai homu ebo aiyaba elalubo menio.