Filemon 1:14 - Godigo dwagi yai po buku

¹⁴ Tiali goli nago te usu da po wasiąbaso da, te eno aga ede bidao wagobeo. Eno nage dali bomo egobeo. Menio. Eno homugo nago dwagi yai sę eyu, nago homugo Onesimus agai ena tau siyu ede bidiyu bidimainogo homu eyu da, nago te homu usu eyu da, te aga ede bidiyu ena tau saibao.

Filemon 1:14 Iomraidhean Croise

Tuni Bidi Dabego Po Elalubo Buku Deli 29:17

“Eno God, nago tigidali bidigo haliga usu sabo da, tama nago te bugai haliga te doloba pai kolesaga ebo bidigo ebo sueibao. Eno te homu kone palama, tama me eno nago genuai nogiba homu kone elama, tama eno haliga hogodalu, eno te nai dabe nagebolo mawai. Te tobage deli kolesagade naga, nago te we bidi dabego te augwa nai dabe manio. Te eno augwaligo tama tebo sę ebo sulama, eno wiegi yai homu pemene umagi mu ebao.

Godigo Nogi Ugwaba Sabo Tęąbi Po Wabo Buku Dabe 110:3

Te nago te boi bidi dabe dali hwįainu ebo sogo, te naga hani bidi dabego usu da, pinao po weyu, te nage dali pelama, tama nage tau somainu yaibao, tama dage te Godigo bulu duba ugwaba holaibao. Tigidali sogo hulide tulubage wę segeni te nosade pedalu, tama te nosago gesi bomo siyu ebo dao. Tama nage me nage te tigidali sogo bomo saibao.

1 Korin 9:17

Te ena homugo digi eno te sę egi da, teda eno te sęde sabo usu egi da. Tiali goli, eno homugo te sę eno yabo homu me isąbaso da, teda Godigo te sę enabolo emainu mawai dao.

1 Korin 9:7

Mena bidi te ami sę ebo bidigo tama aga digi te aga tubo nai abelegowe? Te menio. Mena bidigo te gi bulama tama aga te gide bulali nai sabo meniwe? Me ma te bidi mego te kibu meme dali sipsip dali hani tonaluyu tama aga digi te augwaligo ame pę me tugobewe? Woo, te tiwai menio. Agai te nai meba tueibao.

2 Korin 1:24

Te dagego Kraisde konealubo po dąų olama, agaba homu tialubo te dago tonalubo tiwai me egobeo. Menio. Te agaba tialubo kolesagade dage bomo elama dolalubao. Tama dago sę dage dali eyu te dagego wiegi yai homu pemene ebo te pedalomainogo tebo dao.

2 Korin 8:12

Magi baso meni. Te bidigo godolo mu elama nai maiabo homu ebaso da, teda Godigo te kolesaga godolo mu yaibao. Godigo te bidigo elalubo nai tigidalide homu koneama, tama agai kolesaga tede dagalaibao. Agai te aga elalusiąbo naide me dagalogobeo.

2 Korin 9:5

Tama tibaso, eno homugo eno ama dede augwali bolo te dage bidibo madi aselama polasa sabalomainogo eno augwalibolo te po obao, tama dagego te olo tau selama tolaibao wali nai te augwaligo hasia bolo sisi ilao. Tama te ena me nosali sabalobo si, te olo tau siyu mabo nai te olo mu mayu sisi ebo tiwai elama, tama te nai dago dagede anoma elama sabo tiwai me egobeo.

2 Korin 9:7

Dage tigidali deli deligo te Juda bage tau mabo monede duga digi duga bugagia homugo hasia kone palama, tama te homu kolesaga tiwai wali naga peyu mone mao. Tiyu bidi me deligo mabo naide homu sęgę elama, tama agai homugo bidi dabego bomo ebaso, tama te kolesagade naga agai te nai mani homu me ilamuo. Menio. Agai digi aga homu hasia dodolama, tama te tiwai naga mao. Magi baso meni. Godigo te bidigo wiegi yai homu pemene elama nai mabo kolesaga ebo bidi, te tobage bidi Godigo godolo ebo dao.