Kolesaga Koneai Bidigo Pusali Po Elalubo Buku 9:3 - Godigo dwagi yai po buku

³ Deli tigi poai sę da tǫde bidi tigidaliba pedelaibao, tama te sę dolo me elalubeo. Te we bidi augwali tǫde bidibo sogo, dwai sę ebo kolesaga dali, te wabo pabo bidigo kolesaga tiwai dali, te augwaligo haligade pągąnalubao. Tama nosali, augwali isiyu, tama te polobadu isali bagego hani tomoba pabo dao.

Kolesaga Koneai Bidigo Pusali Po Elalubo Buku 9:3 Iomraidhean Croise

Tigidali Nai Gagalama Nigali Side 6:5

Te Yawego te tigidali tǫ badu bidalubo we bidi dabego ebo kolesaga suali, te dwai dwai mu yali. Augwaligo homu te dwai sę ebode naga konealuali.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Jopgo Po Asęani Elalubo Buku 15:16

Tiali goli, da tǫde bidi da, da dwagi yai mu menio. Dago kolesaga da, damua pai mu dao. Dago dwai sę yabo homu godolo naga ebo dao, dogoni wa pai bidigo wę gegebo tiwai dao,” wali.

Jopgo Po Asęani Elalubo Buku 21:26

Tiali goli, tigidali we bidi isiyu naga ebo dao. Tama augwali tigidali gų pagede deli madi kigilama, pila muyu, da tiwai si naga ebo dao. Tama te osogane dabe augwali tigide pągąbo dao,” wali.

Jopgo Po Asęani Elalubo Buku 9:22

Eno polo mu konea pali. Tagala, da tigidalide te tobage sę naga ebo dao. Tama agai koneani, dago sęgę elalubo wei ma meni. Godigo da mu sia sabo dao.

Godigo Nogi Ugwaba Sabo Tęąbi Po Wabo Buku Dabe 51:5

Nago koneai, idago ena ame nani sogo, ena dwai sę ebo bidi pedelai. Mu tama, ena idago haligade bidibadi, ena sęgę sai bidi dao.

Godigo Nogi Ugwaba Sabo Tęąbi Po Wabo Buku Dabe 64:7

Tiali goli, te Godigo augwali te agai enego enebaso da, tama polo mu tama, te genuai keni pedelaibao.

Bugagia Bidibo Kolesagade Po Asęai Buku 14:32

Te dwai sę ebo bidi dabe te augwa dwai kolesagago digi te dolobao. Tiali goli, te doloba pai bidi dabe te magi nai me delide homu si me egobeo. Te augwa isibo sogo pedalubo si da, te augwa konealubo po te me dąų elalueibao.

Kolesaga Koneai Bidigo Pusali Po Elalubo Buku 1:17

Eno te wiegi yai homu kolesaga hanilabo sę bomo yali, te kolesaga umuna pabo tobage sę page me gegabo sę bomo yalio. Tiali goli, ena odolali sę dene yali, te bidi me deligo te wali tola sainu pobebo tiwai yalio.

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Kolesaga Koneai Bidigo Pusali Po Elalubo Buku 2:14

Te homu kolesaga mu konea pai bidi dabego te augwa wali pabo sunumi bugagia sueibao, tiali goli te wabo pabo homu kolesaga tiwai ebo bidi dabe te hulide bilibo tiwai yaibao. Te mu da wali, tiali goli eno gasa nai me koneanio. E tiwai da. Te homu kolesaga konea pai bidi silagasobo gilama tiwai, te wabo pabo homu kolesaga ebo bidi me te tiwai gilama silagasu ebo dao.

Kolesaga Koneai Bidigo Pusali Po Elalubo Buku 7:2

Da te bidi isaide te bidi dabe gela wabo beba me paibaso, te wiegi yai kolesaga ebao, tama te genuai nai da tubo beba pabo kolesaga ebo te aiyaba elalubao. Magi baso meni, da tigidali bidi isaibao. Tialima, da tǫde bidibo sogo yaibaso, dago tede bugagia homu kone paliąo.

Kolesaga Koneai Bidigo Pusali Po Elalubo Buku 7:25

Tialima, eno sągą dili bomo mu selama dolalu, te eno sę bomo eyu, te tobage wiegi yai homu kolesaga tigidali sabo sę bomo yali. Tama eno te tobage dwai kolesaga page me gegelama, koneabo sę bomo eyu, te wabo pabo bidigo homu kolesaga tiwai ebo gegebo sę bomo ebo dao.

Kolesaga Koneai Bidigo Pusali Po Elalubo Buku 8:11

Me sogo te bidi me deligo dwai sę elama, tama augwaligo agade po tų elama, te agaba mabo dene po dodolama elalubao. Tiali goli, augwaligo sesabi elama, te dene agaba mabeo, aga olo bidali. Tama tibaso, te tama tebo sęgo te we bidi dabe augwali homu hodolama, te augwaligo dwai kolesaga ebo bomo elama yaibao.

Kolesaga Koneai Bidigo Pusali Po Elalubo Buku 9:11

Tama eno nai me deli ma te tǫde sualio. Te bomonama mu udabo bidi dabego te sainu uda yali nai me sogobeo. Te boma pai ami bidigo te boi bidi dali hwįnama, ugaba boi bidi hani me aiyaba elalugobeo. Te wiegi yai homu kolesaga me, ma te genuai kolesaga sai bidi dabe, augwaligo te mone hauwa me sogobeo. Te haniani sę ebo kolesaga usasai bidi dabe, augwaligo te genuai sę me sogobeo. Te magi magi sę dabe te da tigidaliba pedalubo dao.

Kolesaga Koneai Bidigo Pusali Po Elalubo Buku 9:2

Tialima, te nai me deli da tigidaliba pedelabo elalubao, te da doloba pai bidi, ma dwai bidi, ma da wiegi yai bidi me, ma da meda meni yai bidi me, ma da God gedude meda yai bidi me, ma ofa yai bidi, ma ofa isąwai bidi yaibaso, te tagalao. Deli tigi poai sę te wiegi yai bidiba me dwai sę ebo bidiba pedelaibao. Te deli tigi poai sę te Godiba po dąų wali bidiba eyu, te Godiba po dąų wasiąwani bidiba pedelaibao.

Kolesaga Koneai Bidigo Pusali Po Elalubo Buku 9:4

Te bidibo ula elalubo yowigo te isali hasa laion aiya elalualio. Te te tiwai naga, te bidibo ula elalubo bidigo te isali bidi augwali aiyaba elalubao. Magi baso meni, te nai me deli augwaliba pedelabo te augwaligo koneanio. Augwaligo koneani, te augwali isaibao. Tialima, te isali bidi dabego, augwaligo magi nai deli me konebeo. Te augwaligo wiegi yai nai munu me sogobeo. Te bidi dabego augwali homu kone gegeda palali dao.

Jeremaia 16:12

Tama dagego dwai kolesaga ebogo te duga wąį nǫų dabego dwai kolesaga yali aiyaba mu elalualio. Dage tigidaligo hagoma homu elama, te duga homude dwai kolesaga wali pali. Tama dagego eno po odobo hagela homu ebo dao.

Jeremaia 17:10

Ena Genuai Bidi, eno te tigidali bidigo homude me haligade ebo kolesaga osola sueibao. Tama eno tigidali bidi deli deligo kolesaga dagalama, tama eno te augwa yali kolesaga usu nama wei ponobo dao,” wali.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Dwagi Yai Gesi Po Lukgo Asęani 15:17

“Te aga homu kolesaga ma hasegelama, aga tedali homu ma yali. Aga te homu yali, ‘Eno aya aga sę ebo bage augwaligo tubo nai hauwa mu munalubadi goli, ede ena nasigo tama isaibao.

Dwagi Yai Gesi Po Lukgo Asęani 6:11

Te bidi Jisasgo te nogo dwai bidi ma dodolobo sę ebo tononaluali bidi dabe da, te bomo yai po konea pai bidi dabe me, te Farisi hani me augwaligo te sę ebo sulama, moni sębę eyu, guni bula salio. Augwa hasi augwaligo te bidi Jisas mu ela muabo sunumi gegabo po mibo po gagalobo sę yalio.

Godigo Sęba Tagala Palai Bidigo Po 12:23

Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

Godigo Sęba Tagala Palai Bidigo Po 26:11

Tama hauwa sogo ena te Juda dabego bomo yai po ola mabo be dabe tomoba pelama, tama eno te augwali elemainu, eno bidi dabe me badu tagala palai dao, dene mawai, augwaligo Jisasba augwa homu mubo sę tagalomainu yali. Tama ena moni sębę mu elama, te Juda hani isąwai bidigo be nani dabeba peyu, tede te Jisasgo po wali pabo we bidi augwalibolo sęgę mawainu, gegegi pali,” Pol agai te po wai.

Godigo Sęba Tagala Palai Bidigo Po 26:24

Te bidi Pol aga digi tau sabo po tama obadi, te bidi Festus agai agabolo i bomonama weyu, te po wali, “Pol, nage wabo pobao. Nage hauwa sogo skul wai bidi dao. Tama te genuai kolesaga sai bidi dao. Tibaso, nage wabo pobao,” wali.

Taitus 3:3

Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.

2 Pita 2:16

Tama te moni kibu donki tego po wabo meni, tiali goli te kibu donki me deligo te bidigo po wabo tiwai olama, tama agai te bidi Balamgo dwai kolesaga ebaso te aga dali wado po wai. Tama te kolesaga yaligo, te donkigo te nosali yabo sę po pusubo profet bidi Balamgo dwai kolesaga yainogo yali tų te paliai dao.