Kolesaga Koneai Bidigo Pusali Po Elalubo Buku 9:12 - Godigo dwagi yai po buku

¹² Te magi genuai sęgę daba pedelabo dago konebeo. Te dwai sęgęgo da polo tama mu deli sogo gegaibao, te hagane mubo nai wago te sųgų ma ba tola sabo tiwai ebo dao.

Kolesaga Koneai Bidigo Pusali Po Elalubo Buku 9:12 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 11:6

Agai dwai kolesaga ebo bidibolo posolo yai sia ugwadu aiyaba gelebo dao. Tama te posologo augwali mu dene sabo dao. Te augwaligo dwai sę ebaso, dene somainogo tiwai.

Bugagia Bidibo Kolesagade Po Asęai Buku 24:22

Te tama tebo tobage we bidi te dolobo sęgo polo tama gegaibao. Te Genuai Bidigo me kingo te mena tiwai sęgę augwaliba maiabo, te dago me konebeo.

Bugagia Bidibo Kolesagade Po Asęai Buku 29:6

Te dwai kolesaga ebo bidi da, te aga tola somainu te aga digi te wa me deli mubo tiwai ebao. Tiali goli, te doloba pai kolesaga ebo bidi dabe, augwa te wiegi yai pemene elama, tama te balia po dabe wabo dao.

Bugagia Bidibo Kolesagade Po Asęai Buku 6:15

Tiali digi, polo mu tama te dolobo genuai sęgęgo te augwaliba pedalubaso da, teda augwali te usu ma ilabo sunumi me elalugobeo.

Kolesaga Koneai Bidigo Pusali Po Elalubo Buku 3:19

Magi baso meni, da bidi silibo te hasa dabe tiwai si ebao. Te hasa dabe isaibao, te da bidi me isaibao. Bidi me, hasa me, te mobo kekebo da, te tama tebo te si dali sigo bidibo ula elalubao. Tibaso, te bidigo bidibo ulago te hasago bidibo ula aiyaba me elalugobeo. Menio. Augwali sigo bidibo ula te olo nai tiwai si tiwai dao.

Kolesaga Koneai Bidigo Pusali Po Elalubo Buku 8:11

Me sogo te bidi me deligo dwai sę elama, tama augwaligo agade po tų elama, te agaba mabo dene po dodolama elalubao. Tiali goli, augwaligo sesabi elama, te dene agaba mabeo, aga olo bidali. Tama tibaso, te tama tebo sęgo te we bidi dabe augwali homu hodolama, te augwaligo dwai kolesaga ebo bomo elama yaibao.

Kolesaga Koneai Bidigo Pusali Po Elalubo Buku 8:8

Te isibo sogo, te dago tigide homu ogwa wai tomode bidali mobo bidi tagalainu ebaso, te dago palibaso, usu egobeo. Te dago isibo sogo bodolu hasegelainu ebaso, usu egobeo. Te hwįbo sogo, te ami tobolu bidi ofisa bidigo te aga ami bidi dabego te boi hwįbo pesage tagalama, te augwa buluba ma begasa pomainu sula tagalogobeo. Te tiwai me, te bidi mego dwai kolesaga wali pobaso da, teda aga te kolesagaba mu dagana selama, te tagalainu ebaso, usu me egobeo.

Kolesaga Koneai Bidigo Pusali Po Elalubo Buku 9:13

Te sę me deli pedalubo eno suali. Te wiegi yai homu kolesaga elalubo bidigo te wiegi yai sę ola mobao, eno te tama homu yali. Eno te tiwai sę ebo sualio.

Aisaia 24:18

Tama bidigo te dwai sogo te asobao wabo po odama, wi pobaso da, aga te tǫ dedageba tulaluaibao. Tama aga te tǫ dedagede ma hola aselama, ma wi painu yali da, teda aga te sųgų sabo wade ma tola saibao. Te dagalude sunumi dabe dala pelama, tama te wę e tǫba gealuaibao. Tama tǫ pagede mali yaibao.

Aisaia 30:13

Tama tibaso, dagego dwai kolesaga polo yalio. Tama te dwai kolesagago dage mu tama dolaibao. Te da te dwasianu dedage te obo ugwadu tobolude elaluamo, te genuai elasa pabo tiwai dao. Tama deli sogo tama, te obo togwa pelama, degasa pali.

Esekiel 32:3

Tama tialima, ena God Genuai Bidi eno e tama po e obao, te eno we bidi hani hauwa mu odasa asaibao. Tama eno tola sabo wa nageba sąnama, tama nage tola saibao, tama augwaligo nage wę kemi saneba ugwaba kegasa asaibao.

Hosea 7:12

Tama augwali te bola pabo sogo, teda eno ba sabo wa te ugwaba sąwaibao, augwali tola somainu yaibao. Te augwaligo dwai sę emainu deliba sisinibo si, te eno augwaliba te augwa yali kolesagade dene ilaibao,” wali, “te augwaliba eno polobadu wali po gilama tiwai yaibao,” wai.

Hosea 9:8

Godigo digi te dage aga we bidi dabeba te profet bidi nigilama, te bomai po pusagasomainu tagala palali. Tiali goli, te ena bilibo badu te tigidali badu, dagego ena te umbengo te ba tola sabo tiwai emainu homu yai. Te Godigo tǫde digi dagego enaba boi bidi ebo dao.

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Dwagi Yai Gesi Po Lukgo Asęani 12:39

Dagego te sę homu kone palao. Te be page bidigo te nai wi sabo bidi te mena sogo asobo te konegi sogo da, te da tonalubadi, te nai wi sabo bidi aga be aluama, te be tomoba asobo sulama gogolama tagaligi menio. Te tonalubadi ebaso, te nai wi sagasigi menio.

2 Korin 6:2

Magi baso meni. Polobadu Godigo aga we bidi hanibolo te po wai dao, “Te eno bodolu mani wiegi yai sogo, eno nago po odai dao. Tama te bidi dabe augwali ma dobola sabo sogode, eno nage tau sali.” Odao! Megi naga te bodolu mani wiegi yai sogo. Megi e sogo naga te Godigo da ma dobola sabo sogo dao. Tama tibaso, dagego agai olo mabo wiegi yai tau sabo kolesaga sula tagaligimio.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Polgo Si Wali Pas Timotiba Asęani - 2TI 2:26

Polobadu te Satango agai hagani togobo wago augwali sali, te augwaligo agai po wali pomainu yali. Tiali goli augwaligo te mu po koneyu da, teda augwaligo homu hania ma ula eyu, tama augwaligo te Satango hagani togobo wa wi pabo usu yaibao.

1 Pita 2:12

Tama dage te God konesiąwai we bidi tomode bidiyu, tama dwagi yai kolesaga naga yao. Magi baso meni. Augwaligo dage dali nogi posobo po weyu, “Dage dwai sę ebo we bidi dao,” po weyu da, teda augwaligo dagego dwagi yai sę naga ebo sulama, tama nosali te Godigo po tų yagasabo sogo asobo si augwaligo aga nogi ugwaba siyu te po waibao, “Ao, agai po wali pabo we bidi augwaligo dwagi yai sę yalio.”

2 Pita 2:12

Tama te tibo po wabo bidi dabe augwaligo homu te bulu hasa dabego homu tiwai elaluyu, tama augwaligo tigigo ebo kolesaga naga wali pabo dao. Te idago augwali ame nani tama te bidigo augwali selama ela mumainogo tebao. Te augwaligo konesiąbo naibolo te augwaligo dwai po aga dali wabo dao. Tama te bulu hasa dabe dolobo, te tiwai ebo gilama tama te bidi dabe augwali me dolaibao.