Kolesaga Koneai Bidigo Pusali Po Elalubo Buku 4:13 - Godigo dwagi yai po buku

^13-14 Te magi nai meni yai bidi me deli, ma kalabus bidi me deli, te tobage bidi si te tǫ kantri pedai tonalubo bidi king pedelali. Tialima, te king monu dabe pedalubo sogo, te bidi dabego agaba te wiegi yai homu kolesaga momainu yali goli, agai augwaligo po odobeo. Teda aga dwai king dao. Me ma, te wiegi yai homu kolesaga elalubo gesi bidi, aga magi nai meni yai goli, te bidi agai te tobage monu dabe king bidi aiyaba elalubo dao.

Kolesaga Koneai Bidigo Pusali Po Elalubo Buku 4:13 Iomraidhean Croise

Tigidali Nai Gagalama Nigali Side 37:2

Josep te gesi ogwa bidi, te agai kibu be te 17 kibu be elaluali. Tama aga ama dede meba augwaligo te kibu sipsip me meme tonaluali, tama Josepgo augwali tau sali. Te aga ama dede augwali te sę ebo we Bilha me Silpa sigo ogomani, te augwali si aga ayago we si da, te aga paba si dao. Tama agai te aga ayabolo te aga ama dedego dwai kolesaga ebo po weyu yai.

Te Israel me Juda Hani Sigo Tuni Bidigo Po Elalubo Buku Deli 22:8

Tama Ahapgo agaba te tama po wai, “Te profet me deli bidibao, aga nogi Mikaia, te Imlago ogwa da. Tiali goli, eno te bidi godolo homu me isąwai, magi baso meni, agai te wiegi yai profet po enabolo me pususąbaso. Sesemane sogo agai te dwai sę naga enaba pedelabo po wabo dao,” wali. Tialima, Jehosafatgo te po agaba wali, “Nago te tobage po me olamuo.”

Tuni Bidi Dabego Po Elalubo Buku Si 25:16

Profetgo po odubadi tama Amasiago agai po togoyu, te po wali, “Dego nage enabolo kolesaga mabo bidi nigilai dawe? Nage penane pania sao. Tiyu, eno ami bidi me delibolo nage elama isila po wai dalio,” wali. Profetgo te po odama, aga penane pania sainogo, hasia bolo agai kingbolo te po walali, “Megi da, eno koneanio, Godigo nage dolainogo yalio, magi baso meni, nago dwai kolesaga elama, tama megi nago eno po odobo hagela yalio,” wali.

Bugagia Bidibo Kolesagade Po Asęai Buku 19:1

Te bidi te doado bage sǫą pobaso, tiali digi aga te doloba pai bidi, agai te wiegi yai homu elalusiąbo bidi me, te tibo po ola bilibo bidi me, te aiyaba mu elalubo dao.

Bugagia Bidibo Kolesagade Po Asęai Buku 28:6

Te bidi te doado bage dabe sǫą pobaso da, tiali goli te aga doloba pai bidi, agai te mone hauwa umabo elalubo bidigo te tobage dwai kolesaga ebo te agai aiyaba mu elaluaibao.

Kolesaga Koneai Bidigo Pusali Po Elalubo Buku 4:12

Te boi bidigo deli dali hwįbaso, te boi bidigo aga aiyaba elaluabo homu ebao. Tiali goli, boi bidigo bidi si dali hwįbaso te aga usu meni da homu yaibao. Awe, te tiwai me, te augwaligo dila pai hobi sela selama, te haliga tubaso da, teda te haliga polo me togwa pogobeo.

Kolesaga Koneai Bidigo Pusali Po Elalubo Buku 7:19

Te taunde tobolu bidi nogo si elalubaso, augwaligo te taun bomo yai pedelabo tau somainu yaibao. Tialima, wiegi yai homu kolesagago te bidi me deli boma pai mu pedelama, te taungo tobolu bidi dabego bomo aiyaba elalubo usu yaibao.