Kolesaga Koneai Bidigo Pusali Po Elalubo Buku 4:12 - Godigo dwagi yai po buku

¹² Te boi bidigo deli dali hwįbaso, te boi bidigo aga aiyaba elaluabo homu ebao. Tiali goli, boi bidigo bidi si dali hwįbaso te aga usu meni da homu yaibao. Awe, te tiwai me, te augwaligo dila pai hobi sela selama, te haliga tubaso da, teda te haliga polo me togwa pogobeo.

Kolesaga Koneai Bidigo Pusali Po Elalubo Buku 4:12 Iomraidhean Croise

2 Samuel 23:16

Te bomai ami bidi selago te tama po wabo odama, tama augwali hogodama, palio. Te Filistia dabego te Betlehem hanu tonalubo te wi homu me isiąma tagalali, te bidi selago augwali dega palama, tama augwali pelama, Devitgo te po wali ulu wę tugi pai. Tama augwa te wę selasa aselama, te Devitba magasali. Tiali goli, aga te wę tuabo homu me ebeo. Menio. Agai selama, tama Genuai Bidiba te ofa tiwai eyu, gelali.

2 Samuel 23:23

Agai te sali genuai nogigo te gasa bidi sese olama, nogo si ami bidi dabego te sali genuai nogi te aiyaba elaluali, tiali goli aga te genuai nogi elalubo ami bidi selade te aga deli me kisalubeo. Devitgo te Benaiago te king tonalubo ami bidi dabe tonalumainu nigilali.

2 Samuel 23:9

Eleasar, te Dodogo ogwa, aga te sela wali genuai nogi elaluali ami bidi dabede te si wali polalubo bidi me deli dao. Aga te Ahohi hani bidi dao. Me sogo deli Eleasar te Devit dali bidai, tama te Israel dabego te Filistia dabe te hwįabo madiba sisinibo suali. Tama te Israel dabego te Filistia dabeba te hwįainu diana sali, tiali goli te Filistia dabe asobaso, te Israel ibaba habu bulu kilasa pai.

Kolesaga Koneai Bidigo Pusali Po Elalubo Buku 4:11

Te augwali si kedau ebaso da, teda augwa si deliba pageasa piao, tama augwa si kedau me egobeo. Tialima, te deli naga bidali da, te magi elama aga digi aga tigi posolo ilaibawe?

Kolesaga Koneai Bidigo Pusali Po Elalubo Buku 4:13

Te magi nai meni yai bidi me deli, ma kalabus bidi me deli, te tobage bidi si te tǫ kantri pedai tonalubo bidi king pedelali. Tialima, te king monu dabe pedalubo sogo, te bidi dabego agaba te wiegi yai homu kolesaga momainu yali goli, agai augwaligo po odobeo. Teda aga dwai king dao. Me ma, te wiegi yai homu kolesaga elalubo gesi bidi, aga magi nai meni yai goli, te bidi agai te tobage monu dabe king bidi aiyaba elalubo dao.

Efesus 4:3

Tama Godigo Mobo Bidi agai dage homu kęnai we bidi dabe nigilibaso, te kolesagago agai dage te bonogo kebo tiwai elama tama dage deli hani tiwai mu bidibo dao. Tama tibaso da, dage bomo elama sę dene eyu te deli hani kolesaga dąų ola selama bidao.