Kolesaga Koneai Bidigo Pusali Po Elalubo Buku 4:10 - Godigo dwagi yai po buku

¹⁰ Ma, te bidi me deli te tulalubaso da, teda gasa mego aga ugwaba ma sagolobaso, usu yaibao. Tialima, te bidi agaduba deli bidali bidi te tulalubaso, te hobede mu ebao. Te aga tau sabo bidi meni ebao.

Kolesaga Koneai Bidigo Pusali Po Elalubo Buku 4:10 Iomraidhean Croise

Tigidali Nai Gagalama Nigali Side 4:8

Tama nosali Keingo aga ama Abelbolo te po wai, “Da si gasaba gana dwasianu biligi pinao,” wali. Augwali si te nosa elalubo tǫba biligi pali, tama Kein hodaluyu, tama aga ama ela muani.

2 Samuel 11:27

Te homu dene yali sogo silibo side da, teda Devitgo augwaliba te Batseba te kingo beba odasa asao po wai. Tama Devitgo aga sali, tama nosali Batsebago te Devitgo wai ogwa me deli ame nani. Tiali goli, Genuai Bidigo Devitgo te sę yalide te aga homu godolo eyu, wei me ebeo.

2 Samuel 14:6

Polobadu eno ogwa si elaluali, tiali goli me sogo deli sogo augwa si te gide bidali, tama augwa si te magi nai me delide wado po olama, tama augwa si hwįani. Te augwa si hwįbo togolabo bidi meni yani, tama te ogwa me deligo bomo mu elama, tama aga ama ela muani.

Ma Dobola Sali 32:21

Tama agai Aronbolo te po hanalu wai, “Te e we bidi augwaligo magi sę nagebolo ebaso, tama nago augwaligo te dwai kolesaga mu emainogo sula tagalaliwe?”

Kolesaga Koneai Bidigo Pusali Po Elalubo Buku 4:11

Te augwali si kedau ebaso da, teda augwa si deliba pageasa piao, tama augwa si kedau me egobeo. Tialima, te deli naga bidali da, te magi elama aga digi aga tigi posolo ilaibawe?

Kolesaga Koneai Bidigo Pusali Po Elalubo Buku 4:9

Te bidi agaduba deli bidibaso, te wiegi yai me ebeo. Te bidi si bidibaso, te wiegi yai da. Te bidi si kisasa sę ebaso da, teda augwali sigo sę te wiegi yai mu pedelaibao.

Galesia 6:1

Eno abagi dede, dagego bidi me deli aga dwai sę ebadi subaso da, teda te Godigo Mobo Bidi agai ebo wiegi yai kolesaga wali pabo bidi dagego te bidibolo dua dua digi agai homu begelabo dodolobo po wao. Dagego aga dali homu sębę eyu wado po wagio. Dage tigidali deli deli dua dao, tama te dwai bidi Satango dage me te dwai kolesaga tomoba kegidali weyu yao.

1 Tesalonaika 4:18

Te sę pedalama, tama da tigidali te tiwai bidaibao. Tama tibaso, dage tomode we bidi meba augwali isibaso, dagego te pogo duga hasi tau siyu, duga homu dąų walao.

1 Tesalonaika 5:11

Tama tibaso, duga hasi te pogo duga abagi dabe augwali homu kolesaga dąų waliyu, tau siyu, te po augwalibolo ola mao, tama megi dagego te ebo sę tiwai tama naga yao.

1 Samuel 23:16

Tama Jonatango aga sugi pelama, tama wiegi yai po agaba weyu, te Devitgo konealubo po Godiba bomo elaluabo po wai.