Kolesaga Koneai Bidigo Pusali Po Elalubo Buku 3:4 - Godigo dwagi yai po buku

⁴ Agai te gela wabo sogo muyu, te gisugu wabo sogo bodolu muyu yali. Agai te hobede yabo sogo muyu, te tęąbi po wabo sogo muyu yalio.

Kolesaga Koneai Bidigo Pusali Po Elalubo Buku 3:4 Iomraidhean Croise

Tigidali Nai Gagalama Nigali Side 21:6

Tama Sarago te po wai, “Godigo wiegi yai kolesaga enabolo ebaso, tama ena wiegi yai homu pemene eyu, tama ena gisugu obao. Tama tigidali bidigo te tiali po odobaso, te augwaligo wiegi yai homu pemene ena dali hodobo yaibao,” wali.

2 Samuel 6:16

Te halobage augwa te Devitgo taun tomoba sela asali sogo, Mikal, te Solgo wegi, te sigi be windodu aba tonalubadi, tama augwali suali. Tama agai te aga bidi suali, te king Devit, te tęąbi eyu, te sasa mano bilu, te Genuai Bidigo nogi ugwaba sali. Tama Mikalgo Devitgo te tama tebo kolesaga te aga hagela homu yai, tama aga haliga dwai aga dali yalio.

Godigo Nogi Ugwaba Sabo Tęąbi Po Wabo Buku Dabe 30:11

Nago eno homu sęgę elaluali te sela sąnama, tama nago ena te wiegi yai homu pemene tęąbi po omainu yali. Hasia ena te bidi isaide gela wabo bidi tiwai yali. Tiali goli, nago eno gela wabo hasegelama, tama eno homu pemene wiegi yai mu ilali.

Godigo Nogi Ugwaba Sabo Tęąbi Po Wabo Buku Dabe 30:5

Magi baso meni, agai wado po te pęwadage sogo naga waibao. Tama agai homu wiegi yai daba elama, tama da bugagia wiegi yai ilaibao. Te tigidali sogo da tǫde bidibo sogo te tama tibo dao. Te hulide eno gedu ąį dulali, tiali goli te kigamu da, eno te wiegi yai homu pemene ma yaibao.

Ma Dobola Sali 15:20

Tama nosali, Genuai Bidigo po pusubo we Miriam, te Aron aga abe, agai te dwasianu kilikili wabo habili tiwai nai musik sali, te tigidali we dabego me te tobage habili tiwai nai musik selama, te Miriam pabo wali pai. Tama augwaligo te musik dabe eliyu, tęąbi eyu, tigi bebege eyu, danis me yai.

Kolesaga Koneai Bidigo Pusali Po Elalubo Buku 3:5

Agai te dago te masigi dabe sela sąbo sogo bodolu muyu, me te masigi dabe dago deliba sisinabo sogo bodolu muyu yai dao. Agai te bidigo aga we dali pagela piabo sogo bodolu muyu, te we dali pagela pisąbo sogo bodolu muyu yai dao.

Kolesaga Koneai Bidigo Pusali Po Elalubo Buku 7:14

Te nago bidibo ulade sę dabe te bugagia dolalubaso da, teda nage wiegi yai homu pemene yao. Te dwai sogo nageba pedalubaso da, teda nago te tama homu yao, Godigo te wiegi yai sogo dabolo tagala palu, te dwai sogo me dabolo asomainu tagala palaibao. Tibaso, magi sę nosali daba pedelabo, te dago konebe dao.

Aisaia 40:1

Duga Godigo te po odubao, “Eno we bidigo haliga dąų walama, te augwa haliga dua nagame ilibo po pusao.

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Matyu 11:17

‘Dago dage ona sulubadi, tiali goli dagego tęąbi ebo hagela ebao. Dago homu dene ebo tęąbi obadi, tiali goli dagego gela wabo hagela ebo dao.’

Matyu 9:15

Tama Jisasgo te po digi begelai po me deli augwalibolo weyu te po wai, “Te gesi we tamadi sai bidi te aga abagi dabe dali bidibaso da, teda augwali homu te sogo homu sęgę elaluaibawe? Menio. Tiali goli nosali te we sai bidi augwaligo selama, gasaba pabo sogo da, tama aga abagi dabe dali me bidigobeo. Tama te sogo augwali homu sęgę eyu nai osogo gisilaibao,” wali.

Dwagi Yai Gesi Po Lukgo Asęani 1:58

Aga hani dabe me, te deli bulu bage me tigidaligo Godigo Elisabet aga olo dali tau sali po odama, tigidali Elisabet dali bugai homu ela silai dao.

Polgo Po Pas Rom Dabeba Asęani 12:15

Te bidi dabe augwaligo wiegi yai pemene ebaso, te dagego wiegi yai homu pemene augwali dali hodobo iyąo. Augwali homu dene eyu gela obaso, teda dage me augwali dali hodobo gela wao.

2 Korin 7:10

Homu sęgę ilibo te Godigo nigilibo, tebogo da bidi dabe dago dwai sę yalide ge neyu tama homu begelemainogo ebo dao, tama te kolesagade Godigo da ma saibao. Tama dago te homu begelebo kolesagade te ge negobeo, te dwagi yai naga dao. Tiali goli te tǫde bidi dabe augwaligo homu sęgę ebo kolesagago, tede te isibo sę pedalobo dao.

Jems 4:9

Tama duga te dwai sę ebo kolesagade homu sęgę eyu tama gela hauwa waiyąo. Tama dagego megi tama tebo kolesagade dagego dwagi yai homu eyu gisugu wai, tama dagego te dwai sęde gisugu wabo te kolesaga hasegelama, tama duga te dwai sę yalide homu begeleyu gela wao. Tama dage te megi naga wiegi yai homu te dwai sęde ebo bidi dabe, dagego te homu ebo hasegelama, tama duga te yali dwai sęde hale eyu homu dene yao.