Kolesaga Koneai Bidigo Pusali Po Elalubo Buku 3:2 - Godigo dwagi yai po buku

² Godigo bidi da e tǫde ame nabo sogo bodolu dąį muani, te isabo sogo bodolu me muanio. Agai te nai wai bulabo sogo bodolu dąį ilibadi, te nai gudabo sogo me bodolu muai dao.

Kolesaga Koneai Bidigo Pusali Po Elalubo Buku 3:2 Iomraidhean Croise

Tigidali Nai Gagalama Nigali Side 17:21

Tiali goli, e tobage sogo te nosali kibu bede te Sarago nago wai ogwa te Aisak ame naibao, tama eno aga dali naga te dwagi yai tau sabo bomai po dąų walaibao.” Te po wai.

Tigidali Nai Gagalama Nigali Side 47:29

Te pąde Jekop isainu yali. Tama tibaso, aga ogwa Josep i olama, agabolo te po wali, “Te nago enabolo usu da po weyu da, teda nago nogo si te eno sągą si tomoba munama, tama nago bomai po dąų mu weyu, te nago ena bugagia tonaluama, tama ena isibode nago ena te Isipde munu me pubulamuo.

Te Israel me Juda Hani Sigo Tuni Bidigo Po Elalubo Buku Deli 13:2

Tama te Genuai Bidigo homugo te alta po elalubaso, tama te profet bidibolo te e tama po pusa mao po agabolo ola mani, “Alta sai, ena Genuai Bidi God da, eno nage dali po elalubao. Ogwa me deli, agai nogi e dao, Josaia, te ogwa aga te Devitgo hanidu pedelaibao,” wali. “Tama aga king bidi nigilama, bidibo sogo da, tama agai naga ugwadu te ofa nai ulubo pris bidi dabe selama, tama agai augwaligo augwa tigi te nage baude ugwadu daiba munama, tama augwali elama, isilaibao. Tama agai te isali bidi dabe dili selama, tama te ugwadu nage baude uluyu, tama nage tigidali meda mu ilaibao,” te po wali.

Te Israel me Juda Hani Sigo Tuni Bidigo Po Elalubo Buku Si 4:16

Tama Elisago te webolo e tiwai po tama wali, “Te nosali kibu bede, megi te polua mude, te nago ogwa me deli ame naibao, tama nago naga nogo tuaibao,” wali. Tiali goli, te wego te po wei e tiwai po tama ponani, “Mu tama o, genuai bidio, nage Godigo po pusubo bidi dao. Nago enabolo ili po ola magio,” wali.

Jopgo Po Asęani Elalubo Buku 14:5

Da e tǫde bidabo bubuga dali, kibu be dali si polo bodolu muai dao. Bidi mego aga bidabo bubuga bobobage ma ilabo usu egobeo.

Jopgo Po Asęani Elalubo Buku 7:1

“Da e tǫde bidibo sogo, da e tiwai dao, bidigo da kegelama, wąbi hwįbo bidi nigibo. Da te sę ebo bidi dabe tiwai gilama, bomai sę naga tigidali sogo yaibao.

Godigo Nogi Ugwaba Sabo Tęąbi Po Wabo Buku Dabe 113:9

Tama agai te wai ame nisąbo we dabeba bugai sę elama, tama augwa te wai hauwa ame nomainu ebaso, tama te we dabe augwa pemene mu ebo dao. Te Genuai Bidigo nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 52:5

Tiali goli, odao. Godigo te nage mu doloyu, tama nage te tiwai elalua paibao. Agai te nage pageabi elama, tama naga bede te nage sela sąwaibao. Tama nage mu sia somainu ilama, tama nage te tǫde ma bidimainogo me elalugobeo.

Bugagia Bidibo Kolesagade Po Asęai Buku 24:27

Hasia bolo nago te naga tǫ dodolama, tama te gi dabe bulao, tama nosali nago te be sę ebaso, te usu dao.

Aisaia 28:24

Te bidi mego te nai wai bulainu agai te tǫ elebo sę naga ebo yali bogo,

Aisaia 38:1

Te Asiria dabego te Juda dabeba dwai sę idu doludali sogo, king Hesekia te genuai gasi selama, te aga pąde isainogo yai. Tialima, profet Aisaia, te Amosgo ogwago, aga sugi pelama, agaba te tiwai po wali, “Genuai Bidigo te po wali, nago gasi te me siligobeo, nage te isaibao wali. Tama nago te naga bede bidibo bidi dabebolo po olama, te nago sę tigidali dodolao po wao,” te po wai.

Aisaia 38:5

“Nago Hesekiabolo te tiwai po wagi pao, ena Genuai Bidi, te aga bulai wai Devitgo God, eno agai gedu haluasa po wali odolama, te aga gela genuagia wabo sualio. Tama tialima, eno aga te kibu be nogo si olama, sągągo a naga bidimainu yaibao wai dao.

Aisaia 54:1

Genuai Bidigo te tiwai po wali, “Jerusalem, nage te hobedagia wai ame nesiąbo we tiwai eyu, nage te wai ame nabode dene isiąbo we tiwai ebao. Tiali, megi da, nago te balia po weyu, pemene elama, i wao, magi baso meni, te nago wai dabe hauwa mu umabo elalueibao, te aga bidi dali bidibo wego wai te aiyaba mu elalueibao.

Jeremaia 1:10

Megi e side eno nageba te gasa bulu tǫ kantri hauwa hani we bidi tonalubo bomo mobao. Eno nageba te kantri dabego gavman gudabo po wabo bomo, me te gavman dolabo po wabo bomo me mayu, te augwaligo gavman ma dodoluyu, ma bulabo po wabo bomo me mawaibao,” te po wai dao.

Matyu 13:41

Te Godigo Bidi Mu agai aga sę ebo ensel mobo bidi dabe tagala palama, tama augwaligo te Godigo tonalubo we bidi tomode elalubo dwai dwai sę ilabo kolesaga me, te haniani gasa dwai sę ebo we bidi me, augwali tigidali sisinama

Matyu 15:13

Agai po wei ponoyu, te po digi po begelama te po wai, “Eno Aya dagalude bidibao, agai gi tiwai elalubao. Tama tigidali nai dabe te agai digi me bulusąwani nai da, te nai tigidali deli deli agai te sele dabe dali page guda sąwaibao.

Dwagi Yai Gesi Po Lukgo Asęani 1:13

Tiali goli, te enselgo agabolo te po wali, “Sekaraia, nage wi tagalao. Te Godigo nago agabolo hanalu wali po odalio. Naga we Elisabetgo nago ogwa me deli ame naibao.

Dwagi Yai Gesi Po Lukgo Asęani 1:20

Nago odao. Nago eno wali po mu dao homu isąbaso da, nago pedauwali dagana saibao. Dagana selama, nago po me wasiąbadi, eno po tų sisu pabo bodolude nage doloa paibao. Te eno po tų sisu pao wali bodolude te sę yaibao,” ensel bidigo te po wali.

Dwagi Yai Gesi Po Lukgo Asęani 1:36

Edao. Naga be bidi we Elisabet mosi dabe mu bidai goli, agai ogwa haliga elalubao. Polobadu augwaligo te wego wai ame nogobeo wai dao. Tiali goli, megi aga haliga elalubadi, polua a naga olama, me badu nogo deli polo pai dao.

Dwagi Yai Gesi Po Jongo Asęani 16:21

Te tiwai dao. Wego wai tega pabo sogo asobo si, te dene ebo sogo pedalobo koneyu, te we aga homu sęgę ebo dao. Tiali goli, agai nosali te wai ame nenama, tama agai te dene homu yali ma agai konebeo. Tama te wai ame nenama, tama bidibaso, aga idago dwagi yai homu ebo dao.

Dwagi Yai Gesi Po Jongo Asęani 7:30

Tama tibaso, te Juda bage tobolu bidi dabe augwaligo Jisas aga kalabus ilainogo yai. Tiali digi, agai sogo meba elalubuo, aga bodolu mani sogo asobeo, tama tialima bidi me deligo aga nogo me tubeo. Menio.

Godigo Sęba Tagala Palai Bidigo Po 7:17

Te bidi Stivengo po ma ola mayu, te po wai, “Tama dago hani Israel bidi hauwa mu Isip bulude bidali. Tama te sogo Godigo polobadu Abrahambolo wali po Isip bulu taga soaibao wali po pąde yagasalio.

Godigo Sęba Tagala Palai Bidigo Po 7:20

Tama olama, te side Moses ame neyu, tama aga te sawi yai wai mu yai. Tama aga idago bede ame modubadi, polua sela silali.

Galesia 4:4

Tialima, te Godigo bodolu mani sabolobo side, agai aga ogwa e tǫba tagala palai. Tagala palama, tama e tǫde wego aga ame nai, tama aga e tǫde bidibadi aga te Juda dabego bomo yai po dologode bididubadi yai.

Bomai Po 34:5

Tama tialima, Moses, te Genuai Bidigo sę ebo bidi, aga te Moap dabego tǫ dagede tede bidama, tama aga tede isali, te Genuai Bidigo agabolo te hasia polo walali gilama tama tiali.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

1 Samuel 2:5

Te polobadu nai hauwa elaluali bidi dabe, megi Godigo augwali nasi ilama, tama augwa sę emainu elama, tama augwa te nai naga siyu, te augwa mone sabo tiwai gilama emainao. Tama polobadu te nai menia siyu, nasi elama bidali we bidi, megi te Godigo nai hauwa augwaliba menama, tama augwali nasi me egobeo. Tama te polobadu wai ame nesiąwani we dabe, megi te Godigo augwali tau selama, tama augwaligo wai te a naga olama, nogo me si, te tama ame nabo usu yaibao. Tama te polobadu wai hauwa ame nani we, megi te wai dabe hagala silama, tama Godigo te we agaduba deli digi hobedagia bidimainu ilibo dao,” wali.