Kolesaga Koneai Bidigo Pusali Po Elalubo Buku 2:22 - Godigo dwagi yai po buku

²² Da e tǫde bidiyu, sesemane sogo dago sę dene eyu, te nai dabede homu hauwa dogia paibao, tiali goli tego magi nai mu dabolo wei ponaibawe?

Kolesaga Koneai Bidigo Pusali Po Elalubo Buku 2:22 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 127:2

Da te kigamu digi mu hodaluama, tama sę dene ela pidubadi, te be hulia saboba usu nani, te mone me nai dabe sabo sę eyu tebao. Tiali goli, teyu, te da odolali sę dene yabuo. Magi baso meni, Godigo te aga wei ebo we bidi dabeba te toma nabo sogo mabo dao.

Bugagia Bidibo Kolesagade Po Asęai Buku 16:26

Te sę ebo bidi dabego koneani, te augwaligo sę bomo isiąyu da, teda augwali tubo nai meni yaibao, tama tego augwali te sę dene mu yaibao.

Kolesaga Koneai Bidigo Pusali Po Elalubo Buku 1:3

Dago sę dene mu te kibu be hauwade ebao. Tialima, dago mena wiegi yai nai dabe te sę dene yalide sabo dawe?

Kolesaga Koneai Bidigo Pusali Po Elalubo Buku 2:11

Tialima, nosali ena te sę dene elama sali nai dabeba homu kone palama, eno te tiwai koneanio, te tigidali nai te olo nai tiwai da, te homu eyu, te nai dabego ena dwasianu tau sogobe da homu yalio. Te bidi udulama, te soabo wali nogogo tola sainu ebo olo sę tiwai ebo dao.

Kolesaga Koneai Bidigo Pusali Po Elalubo Buku 3:9

Te sę ebo bidi dabe, augwaligo te mena wiegi yai nai dabe augwa te ebo sęde sabo dawe?

Kolesaga Koneai Bidigo Pusali Po Elalubo Buku 4:6

Tialima, eno tama homu ebao, ma, bidigo dwasianu nai elaluyu, tama aga haliga nagamea pai eyu bidibaso da, teda te bidi bugagia bidibao. Tiali goli, te doado bage hauwa elalubo bidi, aga tede moni homu eyu, aga sę sesemane sogo bomonama ebo bidi da, aga dwai bidibao. Agai te wali nogogo tola sainu ebo tiwai ebo dao. Te dwalio.

Kolesaga Koneai Bidigo Pusali Po Elalubo Buku 4:8

Te yǫya pai bidi deli bidali. Aga wai me, aga ama me meni yai, tiali goli, sesemane sogo agai sę naga ela pidubadi geani, te aga dwasianu toma me nabeo. Agai doado bage hauwa elaluali, tialima te nai dabe aga usu meni homu yali. Agai te tiwai homu ebeo, “Magi baso ena odolali sę dene eyu, te eno pemene meni ebawe?” te homu ebeo. Te tobage bidigo kolesaga te hobedagia mu elalu, te aga page meni yai elalubao.

Kolesaga Koneai Bidigo Pusali Po Elalubo Buku 5:17

Da e tǫde dugulalubo page te wiegi yai me elalubeo, te sesemane sogo dago haliga sęgę eyu, wado po weyu, gasi siyu, idubo dao.

Kolesaga Koneai Bidigo Pusali Po Elalubo Buku 8:15

Tialima, eno homugo te wiegi yai da homu ebaso, te dago wiegi yai pemene ebo kolesaga wali pabo homu ebao. Te dago wali pabo gasa wiegi yai sunumi me elalubeo. Tibaso, dago te nai me ąį tuyu, te nai dabede dago wiegi yai pemene inao. Mu tama, dago sę ebo sę dene mu yali, tialima dago te pemene ebo kolesaga wali peyu, te tigidali side Godigo da e tǫde bidimainu sula tagalali sogo, te dago wiegi yai pemene inao.

Matyu 16:26

Bidigo e tǫde elalubo tigidali nai aga sai goli, tama te nai sobadi aga mu bidabo ula doloyu da, teda te tigidali sali naigo aga tau sabo usu egobeo. Te bidigo te bidibo ula ma abelainu te mena nai mobaso, te usu me egobeo. Te menio.

Matyu 6:11

Dago homugo nago megi e sogode usu nama te da tuabo nai mao.

Matyu 6:25

“Tama tibaso, eno e po dagebolo obao, dagego duga bidibo ula tigi tau mabo naide homu hauwa eyu, te po wagimio, ‘Da magi nai tugowe?’ ma ‘Da magi wę tueibawe?’ Tama dagego duga tigi tau siyu gudabo ugwade homu hauwa elama te po olamuo, ‘Da magi ugwa gudugowe?’ Te bidabo ula elalubogo te tubo nai aiyaba elalubo dao. Me te tigi elalubogo te gudabo ugwa aiyaba elalubo dao.

Matyu 6:34

Tama tibaso, dagego do yabo sęde homu hauwa mu egio. Te do pedalabo sęgę te augwa digi do dodololaibao. Te deli sogo ebo sęgę te sogo naga usu nama yaibao,” Jisasgo te po wai.

Dwagi Yai Gesi Po Lukgo Asęani 12:22

Jisasgo aga wali bilibo bage dabebolo te po wali, “Tama tibaso, eno dagebolo te tama po obao, dagego te po begelama pusali pode te homu hauwa elama, te tigi tau sabo nai tulama bidabo te naiba homu dogia pigio, ‘Te mena nai tugowe?’ Te dagego tigi tau sabo sęde homu hauwa dogia pelama, te po wagio, ‘Te dago mena ugwa dabe gudugowe?’ te homu me dogia pigio.

Dwagi Yai Gesi Po Lukgo Asęani 12:29

Te dagego moni homu elama, te da tuabo mena nai dabe tueibawe, ma dago te mena ąį dabe tugowe, te homu ebo dao. Dagego te tama homu elama, te nai gegegimio.

1 Korin 16:16

dologode bidimainogo homu ebao, tama tigidali bidi dabego augwali tau selama, tama te sęde sę bomo elama ebo dao.

Filipai 4:6

Dagego haniani naide moni homu egimio. Te menio. Te dageba pedalobo sę tigidalide dagego Godibolo tede po weyu, tama agabolo buba hwi olama, tama te dagego sǫą pabo naide aga hanalu wao.

2 Timoti 6:8

Tama tibaso, dago tubo nai me ugwa me elalubaso da, teda dago dwagi yai homu pemene idu te homu yao, “Te naigo ena usu ilali. Ena dwagi yai homu pemene ebo dao,” te homu yao.

1 Pita 5:7

Tama bidiyu, tama God agai dagede homu eyu, tama agai dage bugagia tonalubaso te dagego moni homu ebo sę tigidali aga nogoba muiąo.