Kolesaga Koneai Bidigo Pusali Po Elalubo Buku 2:16 - Godigo dwagi yai po buku

¹⁶ Magi baso meni. Te nosali sogo, te we bidi augwaligo da homu kone ebo mu gegeda palaibao. Te da wabo pabo homu kolesaga elalubo bidi, ma te homu kolesaga mu konea pali bidi me tagalao, te augwaligo homu kone palobo sę munu ma egobeo Te isibo sogo, te homu kolesaga konea pali bidigo te wabo pabo homu kolesaga tiwai bidi aiyaba me elalugobeo. Menio. Da tigidali isaibao.

Kolesaga Koneai Bidigo Pusali Po Elalubo Buku 2:16 Iomraidhean Croise

2 Samuel 3:33

Tama Devitgo Apnerde homu dene ebo balia te tama wali, “Apner te esela me pisąwai bidi. Magi baso aga te tiwai isali dawe?

Godigo Nogi Ugwaba Sabo Tęąbi Po Wabo Buku Dabe 103:16

Wali asu, te plaua memenege elama, tulalubo dao, tama bidi dabego te plaua elalubo ma subeo.

Godigo Nogi Ugwaba Sabo Tęąbi Po Wabo Buku Dabe 49:10

Da tigidaligo koneai, kolesaga koneai bidi, augwali me isibo dao. Tama dwai kolesaga ebo bidi, te kolesaga meni yai bidi me, augwali isibo dao. Te bidi dabe augwaligo walu me mone masigi tigidali nai isu, taga peyu, tama gasa bidi dabego te nai sabo dao.

Godigo Nogi Ugwaba Sabo Tęąbi Po Wabo Buku Dabe 88:12

Te gų pagede bidibo bidi dabego te nago bomai sę ebo subo dawe? Tama te dolabo pesagede bidalubo bidi dabe, augwaligo nago te wiegi yai kolesaga subo da, agawe?

Ma Dobola Sali 1:6

Tama nosali Josep aga ama dede aga hani tigidali augwali te sogo te Isip bulude bidibadi, augwali tigidali isai.

Ma Dobola Sali 1:8

Tama nosali gesi tuni bidi me deli pedelama, agai te Isip bidi hani tonaluai. Tama te gesi tuni bidi agai te Josepgo nogi konesiąwai.

Bugagia Bidibo Kolesagade Po Asęai Buku 14:8

Te wiegi yai homu elalubo bidigo te aga bilibo homu kolesaga te bugagia homu kone palaibao. Tiali goli, te wiegi yai homu meni yani bidi dabe te augwa digi tibo po ola mawaibao, magi baso meni, te augwaligo homu kolesaga te geda mubo dao.

Kolesaga Koneai Bidigo Pusali Po Elalubo Buku 1:11

Te bidi me deligo te polobadu bidali bidi hani, te wąį nǫų dabe augwalide te homu ma kone palobo menio. Tama da tudi badu pedelabo bage, te nosali badu mu pedalubo bidi dabe augwaligo te bagede homu kone me palogobe da.

Kolesaga Koneai Bidigo Pusali Po Elalubo Buku 2:14

Te homu kolesaga mu konea pai bidi dabego te augwa wali pabo sunumi bugagia sueibao, tiali goli te wabo pabo homu kolesaga tiwai ebo bidi dabe te hulide bilibo tiwai yaibao. Te mu da wali, tiali goli eno gasa nai me koneanio. E tiwai da. Te homu kolesaga konea pai bidi silagasobo gilama tiwai, te wabo pabo homu kolesaga ebo bidi me te tiwai gilama silagasu ebo dao.

Kolesaga Koneai Bidigo Pusali Po Elalubo Buku 2:15

Eno te tiwai homu ebao, te wabo pabo homu kolesaga tiwai elalubo bidi dabeba pedelainu ebo nai tiwai, te enaba me pedelaibao homu yali. Tialima, eno te koneani homu kolesagago te ena magi elama tau sogowe? Te eno homu kone ma palobo te tiwai ebao, te koneani homu kolesaga elalubo bidi me te olo nai tiwai da te homu ebo dao.

Kolesaga Koneai Bidigo Pusali Po Elalubo Buku 6:8

Magi baso te kolesaga koneani bidigo te kolesaga konesiąwai bidi aiyaba elalubo dawe? Te magi nai meni yai bidigo wiegi yai kolesaga te we bidi augwaligo gedude ebaso da, teda tego aga magi elama tau saibawe?

Kolesaga Koneai Bidigo Pusali Po Elalubo Buku 7:2

Da te bidi isaide te bidi dabe gela wabo beba me paibaso, te wiegi yai kolesaga ebao, tama te genuai nai da tubo beba pabo kolesaga ebo te aiyaba elalubao. Magi baso meni, da tigidali bidi isaibao. Tialima, da tǫde bidibo sogo yaibaso, dago tede bugagia homu kone paliąo.

Kolesaga Koneai Bidigo Pusali Po Elalubo Buku 8:10

Me sogo te bidi dabe augwaligo te dwai bidi me deli isali te gų pageba pubaligi pabo eno suali. Tama te we bidi augwa te gų page tagalama, te dwai bidigo dwai kolesaga eyu bidali taunba ma begasa asali. Te augwali aselabo sogo, te we bidi augwaligo te dwai sę yali bidi nogi ugaba sali. Te tama tebo kolesaga me aga page meni yai elalubao.

Kolesaga Koneai Bidigo Pusali Po Elalubo Buku 9:15

Tialima, te taunde magi nai meni yai bidi me deli bidali, tama te bidigo koneani homu kolesaga wiegi yai mu elaluali. Te agai wiegi yai homu kolesagago, agai te taun te boi bidi dabego nogode ma sabo sunumi gegelama sualio. Tiali goli, nosali te bidi dabego te magi nai meni yai bidi homu kone munu ma ebeo.

Malakai 3:16

Nosali te Genuai Bidi dologode bidama agai po odali we bidi dabe, augwa haside digi po miani, tama Genuai Bidigo augwaligo mibo po odalio. Tama Genuai Bidigo te po wai, tama te dagalude augwaligo te we bidigo nogi asęai elalubo buku me deli nigali, tede te Genuai Bidi dologode elalu, te agaba homu begi pai we bidi dabego nogi elaluali.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.