Kolesaga Koneai Bidigo Pusali Po Elalubo Buku 12:1 - Godigo dwagi yai po buku

¹ Godigo da tigidali nigali. Tibaso, dage gesi ogwa bidi bidibadi digi dagego aga homu kone palao. Tiyu, dagego aga homu kone gegeda paligio, tama nosali dage monu dabe pedalubo side te dwai sęgęgo dage gegebaso, te dage deli deligo te tiwai po waibao, “Eno ena bidabo ulade wiegi yai homu pemene ebeo,” po waidali weyu.

Kolesaga Koneai Bidigo Pusali Po Elalubo Buku 12:1 Iomraidhean Croise

Tigidali Nai Gagalama Nigali Side 39:2

Yawe te Josep dali bidibaso, tama agai yali sę tigidali te wiegi yai naga pedelali. Josep te Potifargo bede sę eyu bidali.

Tigidali Nai Gagalama Nigali Side 39:23

Yawe te Josep dali bidiyu, tama aga tau sobaso, tama agai tigidali sę yali te dwagi yai naga pedelali. Tama te kalabus tonalubo bidigo te Josepgo tonalubo sęde te agai homu si me ebeo.

2 Samuel 19:35

Odao, eno kibu be te bidi sese me si me si, 80 kibu be megi elalubao, tama eno te mena nai me deli te wiegi yai, ma meni, te eno konebeo. Tama eno te nai me wę me tubaso da, eno te naigo pusu te odobowe, ma meni, te eno konebeo. Tama eno olo te wiegi yai meni baso, tama te we bidi dabego balia po wabo dogoni te eno odabo usu meni yaibao. Tama tibaso, magi baso te ena nage dali pelama, te nageba sęgę momainuwe?

2 Samuel 19:36

Tama king, magi baso nago te wiegi yai kolesaga mu enaba yabo homu ebawe? Menio. Eno homugo te wę Jordan nogelama, tama ena nage dali dwasianu pelama gana, tama eno nage tama taga soyu, te ena ma soabo homu ebao.

Te Israel me Juda Hani Sigo Tuni Bidigo Po Elalubo Buku Deli 14:13

Tama te tigidali Israel hani dabego aga gela usu menama, tama aga gų pageba pubulaibao. God, da Israel hani dena Genuai Bidi dao, suali, te ogwa deligo mu te Jeroboamgo hani tomode agai dwagi yai kolesaga mu ebao. Tama tialima, Genuai Bidigo agai tigi gų pageba pubalobo sula tagalali, tiali goli te Jeroboamgo gasa hani bidi, meni.

Te Israel me Juda Hani Sigo Tuni Bidigo Po Elalubo Buku Deli 18:12

Te eno nage taga pabo sogo, teyu te Genuai Bidigo Mobo Bidigo nage selasa, te eno konesiąwai bulu me deliba sela pidalio. Te king Ahapgo nage gegagasali nage susąbaso, te agai wado homu elama, te ena ela mueibao. Nago ena me tagala palogobeo. Menio. Nago ena homu dene yao, magi baso meni, sesemane sogo ena Genuai Bidi dologode bidiyu, te agaba lotu udali, te ena ogomanide gagalali, te megi e sogoba usu nagasalio.

Nehemia 4:14

Eno suali, te we bidi wi elama, haliga sęgę elaluai, tama tibaso eno te tobolu bidi dabeba, me ofisa dabeba, me te tigidali we bidiba te tama po wali, “Dage te boi bidi dabede wi me igio,” wali. “Dagego te sę ebo te bugagia homu kone palao, Genuai Bidi te bomai mu da, tama tiyu te tigidali bidi agade wi ebo dao. Tama tialima, odao. Dagego te bomo elama hwįbaso da, teda te dagego abagi dabe me, we wai puluba me, te duga be dabe, te doado bage me, te me dolisąma bugagia elalueibao,” wali.

Jopgo Po Asęani Elalubo Buku 30:2

Eno augwali suali, augwali sę yabo bomo meni yai suai dao. Tama tibaso, eno augwalibolo eno sę yagasa po wai menio.

Godigo Nogi Ugwaba Sabo Tęąbi Po Wabo Buku Dabe 119:55

Genuai Bidi, hulide eno homugo nage koneyu, tama nago dwagi yai po eno wali pabo dao.

Godigo Nogi Ugwaba Sabo Tęąbi Po Wabo Buku Dabe 34:11

Te dage konea sabo homu ebo bage, dage aselama, tama eno poba olo bugagia muagasao. Eno dage ola menama, tama dage te Genuai Bidi dali wi eyu, aga dologode sesemane bidimainu yaibao.

Godigo Nogi Ugwaba Sabo Tęąbi Po Wabo Buku Dabe 63:6

Te ena betba pigilubo sogo, te eno nageba homu kone palu ebo dao. Te hulide eno homu kone nageba naga ebo dao.

Godigo Nogi Ugwaba Sabo Tęąbi Po Wabo Buku Dabe 90:10

Da bidibo kibu be te 70 usu naga bidaibao. Tama dago bomo elalubaso, da te kibu be 80 usu naga bidaibao. Tiali goli, te tigidali kibu bede da te sę dene naga eyu, tama sęgę naga gegaibao. Te tigidali kibu be polo silama, tama da me pela silaibao.

Bugagia Bidibo Kolesagade Po Asęai Buku 22:6

Te naga waigo te wiegi yai kolesaga wali pomainu ola mao, tama aga te sunumidu bilidubadi, te aga monu dabe mu ebo sogoba usu naibao.

Bugagia Bidibo Kolesagade Po Asęai Buku 8:17

Tama mena we bidi dabego ena gegebo sę bomo eyu da, teda augwaligo ena sueibao. Mena we bidigo ena wei yali da, eno me te eno augwali wei mu yaibao.

Kolesaga Koneai Bidigo Pusali Po Elalubo Buku 11:10

Te dago gesi bidi bidibo te sesabi elama, bobage sogo mu bidigobeo. Menio. Te olo nai tiwai elalubao. Tialima, dageba te nai dabego sęgę mobaso, te dagego homu hauwa igio. Tama dagego te duga tigiba dene mabo kolesaga wali pelamo dao.

Kolesaga Koneai Bidigo Pusali Po Elalubo Buku 11:2

Nago konebe, mena sogo dwai sę e tǫba pedelabo elalubao, tialima nago mone sabo bisnis sunumi te nogo a naga olama, me badu si, ma a naga olama, me badu sela, te badu munama elalumainao.

Kolesaga Koneai Bidigo Pusali Po Elalubo Buku 11:8

Da tǫde bidalubo tigidali kibu bede dago wiegi yai pemene yao. Te dago kibu be hauwa bidali digi, tagalao, dago te sęde homu kone gegeda paligio. Te da kibu be hauwa mu te da isali bidi dabego hulia sai bulude bidaibao. Tigidali sę nosali pedelabo elalubao, te augwali olo nai dabe tiwai naga dao.

Aisaia 26:8

Awe, Genuai Bidi, da nago bomai po wali peyu, bilibo dao. Tama dago nage deli naga tonaluyu, tonalubo dao. Dago nago genuai nogi godolo mu ebo dao.

Te We Bidi Dabego Jerusalem Hagede Gela Wali 3:27

Tama me ma, te bidi dabe augwali gesi bidide gagalama, te kolesaga ebo eyu da, te usu dao.

Daniel 1:17

Tama Godigo wiegi yai konebo homu kolesaga te Danielba me, te aga abagi sela daliba menama, tama augwaligo koneani kolesaga te genuai mu elalu, te bukude elalubo po dabe me te mu konea pelama elaluai, tama augwaligo gasa nai dabe konebo kolesaga hauwa mu elaluali. Tama me, te Godigo Danielba te na ebo page dabe pusa mabo konebo kolesaga wiegi yai mani.

Hosea 7:9

Te Israel dabe augwa te kolesagago te augwa digi bomo tamunani, tiali goli augwaligo te konesiąwai. Awe, augwali te monu dabe bomo meni yai tiwai yali, tiali goli augwaligo te me konebeo.

Dwagi Yai Gesi Po Lukgo Asęani 1:15

Godigo gesabidide agai nogi genuai elaluaibao. Agai diluai wę dabe tulamuo. Te Jon aga ame nabo sogo gagalama, Godigo Dwagi Yai Mobo Bidi aga dali bidaibao.

Dwagi Yai Gesi Po Lukgo Asęani 18:16

Tiali goli, Jisasgo te wai puluba aga pageba i wali, te aga wali pabo bidi dabebolo te po wai, “Te wai puluba enaba asomainao. Tagala wagio. Eno wabo po e wai pulubago odalio. Te baso augwaligo ena tia sali. Tama te tobage homu ebo we bidi augwali Godigo we bidi tonalubo madigi tomoba asagameo. Konealuao.

Efesus 6:4

Tama dage aya dede dagego duga wai dabe homu hodolama augwali sębę emainogo elamuo. Menio. Dagego te Genuai Bidigo po wali peyu, tama augwali bugagia tonaluyu, tama agai po augwali ola mao.

Bomai Po 8:18

God dago Genuai Bidigo dage te nai dabe hauwa somainogo te bomo mabo dao. Dagego te sę me gegeda pelamo dao. Agai te tama tibo da, magi baso meni, agai dagego wąį dali te dąų wali te po wali peyu, tama tibo dao.

Polgo Si Wali Pas Timotiba Asęani - 2TI 3:15

Tama e me nago koneani, polobadu nage te dwasianu wai bǫų elalubadi tama nago te tedali gasagi yai wiegi yai bukude po konebo sę gagalama sai. Te tedali bukude pogo te dwagi yai homu kolesaga nagebolo mabo usu yali. Tama nago te dwagi yai homu kolesagago eyu, tama konealubo po Krais Jisasba dąų obaso da, teda Godigo nage ma saibao.

1 Samuel 1:28

Tama tibaso, megi eno aga te Genuai Bidiba mawainu ebao. Tama agai te Genuai Bidigo sę sesemane sogo yaibao.” Idago te po ola silibo si, teda Samuelgo gesabidi Genuai Bidiba basi gulama, agabolo lotu po wali.

1 Samuel 16:7

Tiali goli, Genuai Bidigo agabolo te po wai, “Nago homugo aga te dili bobage bidi, ma aga te sawia pai suyu, tama eno aga nigilabo homu me egobeo. Menio, eno homugo te bidi king pedalumainu homu ebo hagela homu ebao. Magi baso meni, eno bidi dagalubo sę ebo te e tǫde bidigo bidi dagalubo tiwai gilama me tegobeo. Menio. Te bidi dabego te bidi tigiba tonono ebao. Tiali goli, eno te homu kolesaga me te bidigo kolesagade si sulama, tama eno augwali dagalaibao,” wali.

1 Samuel 2:18

Augwali sigo te tobage dwai sę tama yali, tiali goli, te sogo me te gesi ogwa wai Samuelgo te Genuai Bidigo sę eyu, tama agai te prisgo sę ebo ugwa gudama, te sę yai.

1 Samuel 2:26

Te sogo te Samuel te genuai bidi dwasianu pedalubo gana ebaso, tama God dali te bidi dabego me aga godolo homu yali, tama augwaligo homu me te bomai homu mu igulali.