Kolesaga Koneai Bidigo Pusali Po Elalubo Buku 11:8 - Godigo dwagi yai po buku

⁸ Da tǫde bidalubo tigidali kibu bede dago wiegi yai pemene yao. Te dago kibu be hauwa bidali digi, tagalao, dago te sęde homu kone gegeda paligio. Te da kibu be hauwa mu te da isali bidi dabego hulia sai bulude bidaibao. Tigidali sę nosali pedelabo elalubao, te augwali olo nai dabe tiwai naga dao.

Kolesaga Koneai Bidigo Pusali Po Elalubo Buku 11:8 Iomraidhean Croise

Jopgo Po Asęani Elalubo Buku 10:21

“Tama nosali da, eno e tǫ tagalama, nosali da, ena hulia sai buluba mu bidigi paibao. Tama ena ma asogobeo.

Jopgo Po Asęani Elalubo Buku 10:22

Te bulude tigidali nai dabe dolama, me elalube, subigila mu elalubo. Tama ula mu meni. Magi baso meni. Te bulu huli sesabigo halua sai mu elalubo,” Jopgo te po wai.

Jopgo Po Asęani Elalubo Buku 14:10

Ma, da bidi dabe, da te tiwai ebo menio. Te da isibo sogo, te da mu tama sia sabo dao. Tama me badugo da ma subo menio.

Jopgo Po Asęani Elalubo Buku 14:12

Te tiwai me, we bidi dabe da isilama, ma hodalobo menio, te tǫ dali, dagalu dali si silibo sogoba usu naibao. Tama augwali pila mubadi, magi nai mego augwali me hodologobeo,” wali.

Jopgo Po Asęani Elalubo Buku 15:23

Augwali nai gege biliyu, bilibo dao. Tiali goli, nai meni yai subo dao. Tama augwaligo konebo dao, pąde dwai sogo augwaliba pedalama, tama be huliyu, tǫ mesega sabo tiwai mesega saiba homu ebo dao.

Jopgo Po Asęani Elalubo Buku 18:18

Te bage augwali bididuali sogo da, augwaligo giliga ula suai dao. Tiali goli, isibo augwaliba asaligo augwali hulia sai madi mu pali.

Godigo Nogi Ugwaba Sabo Tęąbi Po Wabo Buku Dabe 49:20

Dago genuai nogi siyu da, tego dago isibo tų dąų wagobeo. Menio. Da te bulu hasa dabe isibo tiwai yaibao.

Kolesaga Koneai Bidigo Pusali Po Elalubo Buku 11:2

Nago konebe, mena sogo dwai sę e tǫba pedelabo elalubao, tialima nago mone sabo bisnis sunumi te nogo a naga olama, me badu si, ma a naga olama, me badu sela, te badu munama elalumainao.

Kolesaga Koneai Bidigo Pusali Po Elalubo Buku 2:15

Eno te tiwai homu ebao, te wabo pabo homu kolesaga tiwai elalubo bidi dabeba pedelainu ebo nai tiwai, te enaba me pedelaibao homu yali. Tialima, eno te koneani homu kolesagago te ena magi elama tau sogowe? Te eno homu kone ma palobo te tiwai ebao, te koneani homu kolesaga elalubo bidi me te olo nai tiwai da te homu ebo dao.

Kolesaga Koneai Bidigo Pusali Po Elalubo Buku 2:17

Tialima, te ena bidabo ula te eno hagela ilibao, magi baso meni, te tǫde pedalubo nai tigidaligo ena genuai sęgę mobao. Te nai dabego page me elalubo menio. Te bidi uduyu, te asobo wali nogogo tola sainu ebo tiwai ebo dao.

Kolesaga Koneai Bidigo Pusali Po Elalubo Buku 2:19

Tama ena te bidali pesage hasegelibo bidi da, eno konebeo, aga te homu kolesaga mu ula tega pai bidi mu, ma te wabo pabo homu kolesaga elalubo bidi tiwai yaliwe? Konebeo. Tialima, agai eno te wiegi yai konea pali homu kolesagade sę dene elama pedelali nai tigidali tonalueibao. Te tama kolesaga me aga page meni yai elalubao.

Kolesaga Koneai Bidigo Pusali Po Elalubo Buku 2:26

Te we bidi mebago te Godigo homu wali pobaso, tama agai augwali dali dwagi yai homu ebo dao. Agai augwaliba te wiegi yai homu kolesaga menama, te augwali pemene ilibo dao. Tiali goli, te tobage kolesaga isąwai bage, te dwai sę ebo bage yaibaso da, teda agai augwaliba te sę dene menama, te sali nai hauwa te sisinama, te Godigo dwagi yai homu ilibo we bidi augwaliba momainu ebo dao. Te sę dene eyu, doado bage hauwa sabo kolesaga me te page meni yai elalubao, te bidi udayu, te wali nogogo tola sainu ebo tiwai ebo dao.

Kolesaga Koneai Bidigo Pusali Po Elalubo Buku 4:16

Agai te genuai hani we bidi mu tonaluai, te bidigo augwali nedabo usu meni yaibao. Tiali goli, aga te isiyu da, augwaligo te agai yali genuai sę dabe homu kone ma palogobeo. Te kolesaga me aga page meni yai elalubao, te bidi udulama, te wali tola sigi painu ebo tiwai ebo dao.

Kolesaga Koneai Bidigo Pusali Po Elalubo Buku 4:8

Te yǫya pai bidi deli bidali. Aga wai me, aga ama me meni yai, tiali goli, sesemane sogo agai sę naga ela pidubadi geani, te aga dwasianu toma me nabeo. Agai doado bage hauwa elaluali, tialima te nai dabe aga usu meni homu yali. Agai te tiwai homu ebeo, “Magi baso ena odolali sę dene eyu, te eno pemene meni ebawe?” te homu ebeo. Te tobage bidigo kolesaga te hobedagia mu elalu, te aga page meni yai elalubao.

Kolesaga Koneai Bidigo Pusali Po Elalubo Buku 6:11

Dago bobobage po wabosi, te tagalao, te usugobeo, dago aga aiyaba elalugobeo. Dago po olo tama waibao, tama tebogo da tau mu sogobeo.

Kolesaga Koneai Bidigo Pusali Po Elalubo Buku 6:6

Magi baso meni, te bidi agai aga te nai doado bagede wiegi yai pemene homu menisąwai. Te bidigo kibu be te bidi sese umabo, te 1,000, ma 2,000 kibu be bidali goli, agai te wai bǫų aiyaba me elalubeo. Da tigidali isilama, te bulu deli naga paibao, te mu da, agawe?

Kolesaga Koneai Bidigo Pusali Po Elalubo Buku 7:14

Te nago bidibo ulade sę dabe te bugagia dolalubaso da, teda nage wiegi yai homu pemene yao. Te dwai sogo nageba pedalubaso da, teda nago te tama homu yao, Godigo te wiegi yai sogo dabolo tagala palu, te dwai sogo me dabolo asomainu tagala palaibao. Tibaso, magi sę nosali daba pedelabo, te dago konebe dao.

Kolesaga Koneai Bidigo Pusali Po Elalubo Buku 8:12

Me sogo te dwai sęgę sabo sę ebo bidi dabego te dwai sę hauwa yali, tiali goli augwali bobobage sogo sesabi elama, te tǫde bidu, te augwali polo me isibeo. Eno koneani, te bidi dabego te tama po waibao, “Te God dologoba bidigi pali bidi, te bugagia bidibo dao,” po wabo dao.

Kolesaga Koneai Bidigo Pusali Po Elalubo Buku 8:15

Tialima, eno homugo te wiegi yai da homu ebaso, te dago wiegi yai pemene ebo kolesaga wali pabo homu ebao. Te dago wali pabo gasa wiegi yai sunumi me elalubeo. Tibaso, dago te nai me ąį tuyu, te nai dabede dago wiegi yai pemene inao. Mu tama, dago sę ebo sę dene mu yali, tialima dago te pemene ebo kolesaga wali peyu, te tigidali side Godigo da e tǫde bidimainu sula tagalali sogo, te dago wiegi yai pemene inao.

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Jeremaia 13:16

Dagego Godiba genuai nogi mao, duga Genuai Bidi dao. Tiyu, agai dagego bulu be huli elama, te duga bulu duba bilibo sogo, te dage tula muna muna paibao. Te giliga dageba nanomainao homu godolo ebadi, tialima, Genuai Bidigo te be posali ula hasegelama, te dwai be hulia sai pedelaibao.

Joel 2:2

Genuai Bidigo te wabo side te be mu hulia saibao, tama te husugu yai pǫgo te dagalu mesega saibao. Te genuai kuli mano hani te ami tiwai elama, te bulu du dabe mesega sagaselama, te kigamu te be posobo asobo tiwai pedelaibao wali. Te polobadu te tiwai sę deli me pedalubeo, tama te tiwai sę me te nosali me pedalugobeo, wai dao.

Matyu 22:13

Tama te tuni bidigo aga sę ebo bidi dabe augwalibolo te po wai, ‘Dagego aga nogo sągą dunama, te bedu buluba sąnama, tama te be hulia side digibulu bidimainao. Te be hulia side aga dwai gela weyu, tama aga kele ma halua tumainu yaibao,’ te tuni bidigo te po wali,” Jisasgo te po wai.

Dwagi Yai Gesi Po Jongo Asęani 12:35

Tama Jisasgo augwalibolo te po wai, “Dwasianu sogo me te ula dage dali bidaibao. Te hulia sabo dageba asidali weyu, megi dagego te ula elalubo si, te ulade dage bidao. Te hulide pabo bidi aga mena pabowe te agai konegobeo.

Bomai Po 32:29

Tialima, augwaligo homu kolesaga elaluyu da, teda augwaligo augwali te dolali te sę page konigi dao.

Jutgo Asęani Pas 1:18

Te sę pedelasiąbadi tama augwaligo dagebolo te po wai, “Te nosali te tǫ dali, dagalu dali si silibo sogo te pąba yagasobadi, tama bidi mebago Godigo da ola mabo wiegi yai doloba pai kolesagade gisugu wagasobo bidi dabe pedalaibao. Tama augwaligo Godigo po tudiba muyu, tama bomo eyu, augwa tigigo tǫde ebo dwai dwai kolesaga naga wali paibao,” te po augwaligo wai dao.