Kolesaga Koneai Bidigo Pusali Po Elalubo Buku 10:12 - Godigo dwagi yai po buku

¹² Te wiegi yai homu kolesaga elalubo bidigo aga wabo pogo digi te agaba genuai nogi mawaibao. Tialima, te wiegi yai homu kolesaga elalusiąbo bidi te aga pogo digi aga dolaibao.

Kolesaga Koneai Bidigo Pusali Po Elalubo Buku 10:12 Iomraidhean Croise

2 Samuel 1:16

Magi baso meni. Tama Devitgo te Amalek bidibolo tama te po hasia bolo walio, “Te naga digi yali sęgo, te nage isaibao. Naga digi nago te Genuai Bidigo sa muyu nigilali king ela muani po te hanilama pusali dao,” wali.

Jopgo Po Asęani Elalubo Buku 16:5

Eno pedauwalidu po hauwa olama, dage bomo ilama, dagego dene silimainu igi dao. Tama eno tigi sogo da, te tobage kolesaga dabego dage mena tama tau saibawe?

Godigo Nogi Ugwaba Sabo Tęąbi Po Wabo Buku Dabe 140:9

Nago te eno boi bidi dabego te ena aiyaba elalumainu me igio. Augwaligo te ena silabo wado po wali. Tiali goli, augwaligo enaba te yainu yali sę, nago augwaba digi ma pedalumainu ilao.

Godigo Nogi Ugwaba Sabo Tęąbi Po Wabo Buku Dabe 37:30

Doloba pai bidigo te wiegi yai kolesaga koneani elalu, tama wiegi yai po naga pusaibao. Agai te doloba pai kolesagade po mibo dao.

Godigo Nogi Ugwaba Sabo Tęąbi Po Wabo Buku Dabe 64:8

Augwaligo te gasa bidi dolabo po wai, tama tibaso, te Godigo augwali dolaibao. Te augwali subo bidi dabego te augwaliba te augwaligo dwai gisugu mu mayu, tama tobolu peme yaibao.

Bugagia Bidibo Kolesagade Po Asęai Buku 10:10

Te poli po niga selama wabo bidi dabego te dwai sę hauwa yaibao. Tama te po pedauwalide dogia pabo bidi dabe te dolaibao.

Bugagia Bidibo Kolesagade Po Asęai Buku 10:8

Te wiegi yai homu elalubo bidigo te gasa bidi dabego po odaibao. Tiali goli, te pedauwalidu ąį bole tulalubo bidigo te odolali tama wabo pogo te dolaibao.

Bugagia Bidibo Kolesagade Po Asęai Buku 12:18

Te bidi mego aga po homu kone palama, bugagia me wasiąbaso da, teda agai te subigila wabo pogo te gasa bidigo haligade te bainat hwągo enebo tiwai ebao. Tiali goli, te wiegi yai homu elalubo bidigo pogo te bidi tau sabo, te wiegi yai marasingo tau sabo tiwai gilama ebo dao.

Bugagia Bidibo Kolesagade Po Asęai Buku 15:2

Te wiegi yai homu kolesaga elalubo bidi agai po pusainu yali, agai te bidi dabego te wiegi yai homu wei ebo kolesaga konemainu homu ebo dao. Tiali goli, te wiegi yai homu elalusiąbo bidigo po pusubo sogo, agai pedauwalide te odolali po naga te ąį bole tulalubo tiwai ebo dao.

Bugagia Bidibo Kolesagade Po Asęai Buku 15:23

Te bidi dabe po mibadi, tama nago te wiegi yai sogo ebo te tonaluama, tama nago te wiegi yai po me deli weyu da, teda nage pemene yaibao. Awe, nago pode te gasa bidi dabe me dwagi yai homu yaibao.

Bugagia Bidibo Kolesagade Po Asęai Buku 19:5

Te bidigo po tųde te tibo po weyu da, teda aga dene dwai saibao. Augwaligo aga me gogologobeo.

Bugagia Bidibo Kolesagade Po Asęai Buku 22:11

Te bidi God gedude te magi sę me isąwai te wiegi yai bidabo homu eyu, tama agai po wiegi yai obaso da, teda te king aga abagi pedelaibao.

Bugagia Bidibo Kolesagade Po Asęai Buku 26:9

Te wiegi yai homu kolesaga elalusiąbo bidigo te wiegi yai po me deli pusainogo eyu da, teda aga te bomai ąį tulama, te gęǫ eyu, te wabo pabo bidigo te sesane yai bonoba te nogogo tola sigi pabo tiwai ebao, tama te sesanego aga nogode dolobo dao.

Bugagia Bidibo Kolesagade Po Asęai Buku 31:26

Agai te we bidi ola mayu, agai po dua digi naga wabo dao. Tama agai tigidali po wabode te wiegi yai homu me kolesaga pedaluyu yai.

Kolesaga Koneai Bidigo Pusali Po Elalubo Buku 12:11

Te kolesaga mu konea pali bidi dabego po te poa pali dono dabe tiwai elalueibao, te sipsip kibu dabe gasaba bogeasa soyu ebaso, ela palu, ela soabo dono te sipsip tonalubo bidi dabego sabilaibao. Te kolesaga konea pali bidigo te buku me delide wiegi yai po elalubo subaso da, teda te po sesabi elama, sesemane sogo elalueibao, te nili dabe te ni namede dąų elalubo tiwai yaibao. God, da tigidali tonalubo bidigo, te po dabe dabolo mawai dao.

Kolesaga Koneai Bidigo Pusali Po Elalubo Buku 4:5

Te bidi dabe augwaligo te tiwai po obao, Te bidi olo dugulalu, sę isąbo bidi da, aga te wabo pabo bidi tiwai ebao. Te agai bomo sia siyu, te aga isaibao.

Kolesaga Koneai Bidigo Pusali Po Elalubo Buku 5:2

Homu kone bugagia bolo palama, tama nosali nage hogodama, po pusao. Te nago God dali po mibo sogo, nago po hauwa odolali wagio. Magi baso meni, dagalude bidibo Godigo bomo genuai elalubao, tama da olo bidi e tǫde naga bidibao. Tibaso, nago po hauwa aga dali me olamo dao.

Kolesaga Koneai Bidigo Pusali Po Elalubo Buku 5:6

Tiyu, nago po odolali dąų wali digi te nage sęgę sabuo. Te nago po me deli dąų waibaso da, teda nago nosali prisba te tama po ma waligio, nago bugagia homu kone palisąma, nago te po dąų wali. Magi baso te Godigo nage dali haliga sębę ilibaso, te agai nago sę dene elama sali nai dabe dolabuo.

Kolesaga Koneai Bidigo Pusali Po Elalubo Buku 9:17

Te wiegi yai kolesaga elalubo bidigo dua dua wabo po dago odobaso, te wiegi yai dao. Te tobage bidigo pogo te wiegi yai homu kolesaga elalusiąbo bidi hanigo tobolu bidigo genuai hae wabo bidi aiyaba elalubo dao.

Matyu 12:35

Wiegi yai bidigo homude te wiegi yai po hauwa elalubo dao. Tama agai kolesaga wiegi yai pedalobo dao. Bidi dwaigo agai homude dwai homu kolesaga hauwa elalubo dao. Tama tiyu, agai dwai kolesaga pedalobo dao,’ wali.’

Dwagi Yai Gesi Po Lukgo Asęani 19:22

Te genuai bidigo agabolo po wei ponoyu, te po wai, ‘Nage dwai sę ebo bidi, nago megi wali pogo eno nage aiyaba elaluaibao. Ena da homu sesena pabo bidi dao, nago koneani. Gide nai bulisąma, eno te tubo nai naga sabo bidi dao, te me nago koneani. Gide nai bulisąma, ena tubo nai sabo bidi dao, te me nago koneani.

Dwagi Yai Gesi Po Lukgo Asęani 4:22

Te we bidi tigidali augwaligo Jisas nogi ugwaba sali, tama Jisasgo dwagi yai po pusalide augwali tigidali noma sali. Tiali goli, augwaligo te po wali, “Mena tamawe, e bidi da, Josepgo ogwa meni yali wenagao,” te po wai dao.

Efesus 4:29

Tama dagego dwai meda yai po me wagio. Menio. Dwagi yai po naga weyu, te bomo kimi meni yai we bidi augwali bomo somainu te bomo mabo po wabo usu dao. Tama tiyu, dagego te Godigo olo tau mabo wiegi yai kolesaga te dagego po odobo we bidibolo tama mao.

Kolosi 4:6

Tama tiyu dagego wabo po sesemane sogo dwagi yai eyu tama augwaligo odai hagede emainu tama pusu yabo po naga wao. Tama bidi mego dage Godigo po pagede po me hanalu obaso da, dagego agabolo bugagia wei ponobo po kuna homu kone palama wei ponao.