Kolesaga Koneai Bidigo Pusali Po Elalubo Buku 10:10 - Godigo dwagi yai po buku

¹⁰ Te bidigo puna pai sigi hwą agai dulusiąwai yaibaso da, teda agai te ni gelebo sinabo sę dene mu yaibao. Me ma, te wiegi yai kolesaga elalubo bidigo da, te agai te ni gelebo sę wiegi yai yaibao.

Kolesaga Koneai Bidigo Pusali Po Elalubo Buku 10:10 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 3:9

Tama tibaso, eno homugo nago enabolo te konebo wiegi yai homu kolesaga mao, te tama eno nago te we bidi bugagia tonalumainogo tiao, tama te mena kolesaga te wiegi yai ebo, ma te mena dwai kolesaga ebo me, te eno bugagia dagalamainu te tama tiao. Te meni ebaso da, teda te mena bidi me deligo nago te genuai we bidi hani dabe tonalubaso, te usu egobeo. Ena digi eno te usu mu me egobeo,” wali.

Tuni Bidi Dabego Po Elalubo Buku Deli 12:32

Tama Isakar hanide te ofisa bidi te 200 bidi dali te Isakar hani ami tigidali badi te augwali dologode bidali. Te ofisa dabego homu kolesaga wiegi yai elalu, te mena tiwai nai pedalubo page me koneani, tama te Israel dabego mena tiwai sę yabo me koneai silai dao.

Kolesaga Koneai Bidigo Pusali Po Elalubo Buku 10:11

Te bidi mego te hasamani dua digi bidimainu ebo kolesaga elalubo bidi yaibaso, te wiegi yai da. Tialima, te hasamanigo aga gąų kelemainu ilibo bidi yaibaso da, teda aga te koneani kolesagago aga magi elama tau saibawe?

Kolesaga Koneai Bidigo Pusali Po Elalubo Buku 10:15

Te wiegi yai homu kolesaga mu elalusiąbo bidigo agai te aga beba pabo sunumi gegebaso, usu meni yaibao, te tobage bidigo odolali sę dene eyu, te aga bomo sia sabo dao.

Kolesaga Koneai Bidigo Pusali Po Elalubo Buku 10:9

Ma, bidigo te be sę yabo masigi togobo sę ebaso da, teda me sogo te masigi dabego aga tigi selaibao. Te ni pedebo sę ebo bidi, me sogo te nigo aga dolaibao.

Kolesaga Koneai Bidigo Pusali Po Elalubo Buku 2:13

Eno homu kone palama, te tiwai tama koneani, te wiegi yai homu kolesaga te dwai wabo pabo bidigo ebo kolesaga aiyaba mu elaluama, te be posobo ula ebogo te be hulia sabo aiyaba elalubo tiwai ebo dao.

Kolesaga Koneai Bidigo Pusali Po Elalubo Buku 9:18

Wiegi yai homu kolesagago te boi hwįbo nai aiyaba elalubo dao. Tiali goli, bidi me deligo dolo meni yai kolesaga ebaso, agai te wiegi yai kolesaga hauwa dolobo sę ebo dao.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Polgo Po Pas Rom Dabeba Asęani 16:19

Dagego Godigo po bugagia wali pabo kolesaga po, te tigidali bidi dabe augwaligo odalio. Tama tibaso, eno wiegi yai homu pemene dagede ebao. Tiali goli eno homugo dagego te wiegi yai doloba pai kolesagade bugagia gisiga koneao. Me ma, te dwai kolesagade eno homugo dage te tobage kolesaga isąyabo homu mu yao.

1 Korin 14:20

Eno ama dedeo, dagego te haniani sęde dagalabo homude dage te wai puluba tiwai me bidilamuo. Menio. Te dwai kolesaga ebode dage te dwasianu wai puluba bidibo tiwai bidao, te dwai kolesaga egimio. Tiali goli duga haniani sę ebo dagalabo homude, dage te genuai bidi tiwai pedaliąo.

Bomai Po 32:41

te eno bidi dabego kolesaga osola suaibao. Tama eno moni ge hwą dulama, tama aga mu poa pelama, tama ula mu yaibao, tama eno te hwą selama, tama eno ena boi bidi dabe ela muaibao, tama ena godolo isąma ebo bidi me ela muyu yaibao. Tama eno te bidi dabego ena dali hwįainu ebo bidi enaibao, tama augwaligo kaneme te enesigigo eneba geasa dulaibao. Tama tialima, bidi meba te boide isisąma ebaso da, teda eno augwali me ela muaibao,’ Genuai Bidigo te po wali.”

Kolosi 4:5

Dage te Godigo obo tomoba asisąwai we bidi dali bidibadi, dagego homugo kone palama tama bugagia bilao, subigila meni. Augwalibolo Godigo po pusubo sunumi dabaso da, teda augwalibolo pusao.

Jems 1:5

Tialima, dage tomode te bidi me deli aga te sę yabo kolesaga habuge ebaso da, te agai God hanalu wao, dwagi yai kolesaga momainogo hanalu wao. Tama Godigo agabolo mawaibao. Wado po wagobeo, God agai tigidali bidibolo augwaligo hanalu wali nai mabo dao. Agai dwagi yai homu eyu augwalibolo nai olo mabo dao.