Kolesaga Koneai Bidigo Pusali Po Elalubo Buku 1:1 - Godigo dwagi yai po buku

¹ Te kolesaga mu konea pai bidi me deligo po pusali. Te kolesaga koneani bidi te Devitgo ogwa da, tama polobadu aga Jerusalemde king bidi bidai dao.

Kolesaga Koneai Bidigo Pusali Po Elalubo Buku 1:1 Iomraidhean Croise

Tuni Bidi Dabego Po Elalubo Buku Si 9:30

Solomon aga Jerusalemde bididubadi, aga king te kibu be 40 bidama, agai te Israel hani tigidali tonaluali.

Nehemia 6:7

Tama nago te profet mebabolo walama, augwaligo te tiwai po te Jerusalem tomode pusumainogo yai, ‘Megi da, te da Juda dabe dena digi te king elalubao.’ Eno te sabilibo po page bugagia koneainu ebao, tama tiyu, eno homugo dadi si deliba sisinama, te po dodolainu homu ebao, tiyu king aga digi nagede augwaligo te wali po odabuo,” Senbalatgo te tiwai po asęna tolali.

Godigo Nogi Ugwaba Sabo Tęąbi Po Wabo Buku Dabe 40:9

Genuai Bidi, eno te nago bukude po pusubo sę te nago we bidi dabe sisinibo tomode wai dao. Eno te tama po wai, “Genuai Bidigo te da ma sabo dao.” Genuai Bidi, nago koneani, eno te po sesemane pusaibao. Eno pedauwali me pania sogobeo.

Bugagia Bidibo Kolesagade Po Asęai Buku 1:1

E po da, te Solomongo wiegi yai po dabe dao, te Devitgo ogwa, tama te Israel king bidi dao.

Bugagia Bidibo Kolesagade Po Asęai Buku 31:31

Dago te wego ebo wiegi yai kolesaga, me te agai ebo wiegi yai sę ebo, tede te dago homugo koneama, tama agaba genuai nogi mao. Te tigidali we bidi te sisinibo pesageba aselama, tama aga nogi uganu sao.

Kolesaga Koneai Bidigo Pusali Po Elalubo Buku 1:12

Ena te kolesaga koneai bidi, ena te Israel dabego king bidu, te ena Jerusalemde bidai dao.

Kolesaga Koneai Bidigo Pusali Po Elalubo Buku 7:27

Homu kolesaga mu konea pali bidigo te tiwai po wali, mu tamao, eno te tigidali sę page koneainu sę dua dua ela pelama, tama megi da, eno te we dabe sibigo kolesagade koneai dao.

Aisaia 61:1

Tigidali Bomo Elalubo Godigo Mobo Noma Bidi enaba bidagasali, magi baso meni, Genuai Bidi aga digi eno toboluba wel gelali, te ena dąį sa muyu, te aga wiegi yai po te magi doado bage meni yai bidi dabe selasa pomainu yai. Te agai ena tagala palali, te haliga sęgę genuai elalubo bidi dabego sęgę silimainu yai, te kalabuside bidibo bidi dabeba po pusu, te augwa kalabus tagalama, olo pao po omainogo yai.

Jona 3:2

“Nage hogodama, tama nage te moni hanu Niniveba pao,” wai. “Tama eno nagebolo mani po, te nago te we bidi augwalibolo pusao,” wali.

2 Pita 2:5

Te polobadu mu bidai we bidi augwali me, te augwaligo God gegeda peyu tudiba muai, tama agai augwali sula tagalobeo. Menio. Agai te wę genuai augwaliba asomainogo elama, tama augwali te węgo ela silama tama hagawai. Tiali goli te bidi Noa aga te doloba pai kolesaga ebo po pusubo bidi bidai. Tama Godigo aga dali, te we bidi a naga olama me badu nogo si agai tonaluyu ma dobola sai.