Daniel 9:2 - Godigo dwagi yai po buku

² Te hasia kibu bede aga te king bidali, ena Daniel, eno te Godigo buku dabe nededuali. Tama eno te Genuai Bidigo te profet Jeremaiaba mani pode homu kone palali. Agai te po weyu, te Jerusalem dolama elalubadi, te kibu be bidi sese sela olama, te nogo si, te 70 yiaba usu naibao walio.

Daniel 9:2 Iomraidhean Croise

Tuni Bidi Dabego Po Elalubo Buku Si 36:21

Te Israel dabe augwali augwa tǫde bidibo sogo, augwaligo augwa tǫ tigidali namba 7 wabo kibu bede augwaligo olo me tagalai menio. Tama tialima, augwali te Babilonde kalabuside bidibadi augwaligo tǫ olo bugagia toma tuyu, kibu be 70 olo toma tuali, te Genuai Bidigo te profet Jeremaiago pedauwalidu pusali po usu nigi pali.

Esra 1:1

Te hasia kibu be tede te bidi Sairus te Persia kantri tǫ pedaide king bidali sogo, God Genuai Bidigo aga homu hodolama, tama agai po me deli walio. Agai te po asęnama, tama agai te tonalubo tǫ pedai tigidaliba tolali. Tama te po sela pabo bidi dabe augwaligo te we bidi dabeba nedemainu yalio. Te sę pedelali, te Genuai Bidigo te polobadu bidali profet bidi Jeremaiabolo po menama, tama Jeremaiago te Israel dabeba pusali po me deli te poba usu nanio.

Godigo Nogi Ugwaba Sabo Tęąbi Po Wabo Buku Dabe 119:24

Eno sągą geselebo po nago enabolo mabo, te pode eno homu godolo mu ebao. Nago po ena sesemane sogo eno konemainogo ola mabo dao.

Aisaia 64:10

Te nago tedali gasagi yai taun dabe te olo bulu dwai tǫ pesage tiwai elalubao, te Jerusalem me mu dolama, tede bidi me bidibeo.

Jeremaia 1:1

Te e da Jeremaiago po, te Hilkiago ogwa dao. Hilkia te pris hani dabe me deli te Anatot taunde te Benjamin hanigo tǫde bidai.

Jeremaia 25:18

Hasia bolo ena te Jerusalemba pelama, te Juda tigidali taunba me peyu, teking dabeba me tobolu bidi dabe dali pali, te augwaligoąį tumainogo yali, te tǫ kantri Juda mu dolama, te tǫolo mu tama elalumainogo yaibao. Te gasa Israel haniisąwai we bidigo te kantri tǫ Juda sulama, te augwalidwai midigi mu selama, te wi umabo yaibao. Tama te webidi dabego augwa boi dabeba dwai i ola mabo po wabosogo, augwa te tama po waibao, “Dage te Juda dabe dolalitiwai yagameo,” te sę dabe pedelai dao.

Jeremaia 26:18

“Polobadu, te Hesekia Juda king bidali sogo, te profet Maika te taun Moreset bidigo te Juda dabeba te tiwai po pusai, ‘Tigidali Bomo Elalubo Genuai Bidigo te po wai, te Jerusalem nai tigidali dolama, te pobele bage du holobo tiwai pedelaibao,’ wai dao. ‘Te Saion olo tǫ bulu pedelama, te bidi dabego tede gi bulaibao. Tama te bulu dude ni dulu pedelaibao, te Genuai Bidigo be elaluali madi te tama tiaibao.’

Jeremaia 26:6

Te dagego eno po wali pisąbaso da, teda eno te eno e be dolaibao, te eno polobadu te Silo taun be dolali tiwai yaibao. Tama te gasa tǫ kantri we bidi dabego augwa boi bidi dabeba dwai po wabo sogo, augwa te tiwai po waibao, “Dage dolobaso, te Jerusalem dolali tiwai yao.” Augwaligo te po waibao.’ Nago te po te Juda we bidibolo pusao,” Genuai Bidigo Jeremaiabolo wali.

Jeremaia 27:7

Tigidali hani we bidi te aga dologode elaluama, te nosali augwali aga ogwa dologode bidama, te agai waigo wąį nǫų dabe dologode me bidaibao. Augwali te Babilon dologode bidada pedubadi, te eno Babilon dolabo bodolu muani sogoba usu naibao. Tama te sogo te tigidali tǫ kantri bomai king dabego te Babilon aiyaba elaluama, te augwa olo sę ebo bidi dabe tiwai mu pedelaibao,” te po wai dao.

Jeremaia 29:10

“Ena Genuai Bidi, eno dageba mani po page e tiwai elalubao. Eno te 70 yia, te bidi sese sela olama, nogo si kibu bede te dage Babilonde bugagia bidaibao, te tama dąį ilali. Tama te tudi badu nosali, te Babilon dolaibao. Te sogo te eno homugo dage koneama, te dage eno Jerusalemba ma odasa paibao, te eno dąų wali tau sabo poba usu naibao.

Jeremaia 7:34

Te Judago taun dabede te we bidi dabe me bidisiąyu, te Jerusalem sunumide me bidigobeo. Eno te tigidali sę pedalumainogo yaibao, te bugai haliga wiegi yai homu pemene ebo kolesaga, me te we sabo sogo genuai nai daa tubo dabe me, te dabe tigidali silaibao. Tama te tǫ kantri tigidali pedai badu dolama, olo elalueibao,” wali.

Te We Bidi Dabego Jerusalem Hagede Gela Wali 1:1

Jerusalem da, hobede mu dao, aga te yǫya pai we me deli tiwai bidibao. Polobadu da, agai we bidi hauwa mu elaluai dao. Tiali goli, tegoba, megi da, aga olo mu te elalubao. Awe, polobadu agai gasa tǫ kantri dabe we bidi tomode genuai nogi elaluai da. Tiali goli, megi da, aga sęgę genuai elalubao, te wilawe we me tiwai dao. Polobadu aga te polalubo kwin we tiwai bidama, agai provins hauwa tonaluai dao. Tiali goli, megi da, te boi bidi dabego aga aiyaba elaluama, tama aga olo sę ebo we tiwai te bidibao.

Esekiel 29:11

Tama te kibu be 40, bidi sese si kibu bede, te nai dabe me deli te kantri Isip tomode me elalugobeo. Tama tede bidi ma hasa dabe tede me biligobeo.

Daniel 9:3

Tialima, eno gedu haluasa po te God Genuai Bidiba wabo gagalali. Eno haliga hobede mu yali, tama eno nai munu me tusiąma, tama eno te homu dene ebo ugwa bea selama, tama sia keli eno tigide muani. Ena te tiwai bidiyu, tama eno gedu haluasa po bomonama te Genuai Bidiba wali.

Maika 3:12

Tialima, te tobolu bidi dabe me, pris me profet, te duga yali sęde naga te Godigo Jerusalem dolaibao wali. Te Jerusalem tigidali nai doado bage te dolama, tama te pobele bage hogomu pesage holobo tiwai yaibao wali. Tama Saion te olo tǫ pedelama, te bidi dabego tede te gi nai bulaibao wali. Tama te bulu dude te dasu nosai pedelaibao, te Godigo be elalubo madi tiaibao wai dao.

Sekaraia 1:12

Tialima te polalubo enselgo te po wali, “Tigidali Bomo Elalubo Genuai Bidi, nago te kibu be 70 usu nama nago te Jerusalem we bidi dali me te Juda hanigo taunde bidibo we bidi dabe dali sębę yai dao. Nisu mu nago augwali dali homu dene eyu tau ma saibawe?” tama wali.

Sekaraia 7:5

“Nago te kantri we bidi dabe me augwaligo pris bidi dabebolo e tama po walao, ‘Mu tamao, te kibu be 70 edubadi te tigidali 5 poluade me te 7 poluade dagego nai dabe habu selama, hobedai gela weyu yai dao. Tiali goli dagego te enade homu kone paliyu, te eno nogi ugwaba sabo kolesaga me yai menio. Mu menio.

Matyu 24:15

Jisasgo te po me wai, “Te polobadu bidali bidi Daniel agai Godigo po pusuyu, te dolobo gasa dwai naide po pusali, polobadu. Tama dagego te dwai nai te magi dwai sę isąwai wiegi yai bulude bidibo sueibao. (Bidigo te po nedebaso da, agai homugo bugagia koneao.)

Dwagi Yai Gesi Po Makgo Asęani 13:14

“Tama te bulu dolabo dwai dwai nai mu dagego sueibao. Aga da, te habu selai elalubo bulu te badu doligi soaibao.” (Te po nedebo bidi agai homude bugagia kone palao.) “Tama te sę ebo sogode te Judia tǫ pedai badu bidibo we bidi augwali te bulu duba wi pelawaibao.

Godigo Sęba Tagala Palai Bidigo Po 8:34

Te Itiopia bulu gavman bidi agai Filipbolo te po wai, “Te bidi Aisaia aga homugo te po aga digide waliwe, ma mena bidide waliwe? Te po page enabolo wao.”

2 Timoti 4:13

Ena nago bidibo digi nosali asaibao. Te sogo nago ena tonaludu digi, nago te Godigo bukude asęani po aga hani we bidibolo nedebo sę yao. Tama augwalibolo Godigo po pusuyu tama ola mayu bidaluao.

Kraisgo Geme Dualali Sę Pedelabo Po Jonbolo Ola Mani 1:3

Eno e po asęani, te nosali gana pedalobo sę po dao. Tama e asęani po gasa we bidibolo nedebo bidi, te bidi dwagi yai homu pemene eyu, bugagia bidaibao. Tama aga nedebo po odobo we bidi me, augwaligo te asęani po odama, tama wali pobaso da, teda augwali me dwagi yai homu pemene eyu, bugagia bidaibao. Magi baso meni. Te sę pedalobo sogo pąba yagasai dao.