Daniel 8:7 - Godigo dwagi yai po buku

⁷ Tama agai te sipsip dali hwįbo eno suali. Te memego wado mu dwai eyu, tama nogo sągą dili bomo dede pelama, tama dolo udayu, tama te omai sipsipba hudula paligi pali, tama agai gąų kom si togwa sąwani. Te omai sipsipgo aga degelabo bomo meni yani, tama te memego aga te tǫba aiya daboasa sąnama, tama aga dolagila mu agaga pali. Tama te magi nai me deligo te sipsip tau sabo usu me ebeo.

Daniel 8:7 Iomraidhean Croise

Daniel 11:11

Tialima, te Isip kingo te wado ebo homu sębę genuai mu elalu, te aga pelama, te Siria kingba hwįgi pelama, tama agai te genuai ami aiyaba elaluama, tama augwali kalabus yaibao,” wali.

Daniel 7:12

Tama te bidali hasa sela, augwa bomo te augwaligo silama, tama te nai dabe te augwaligo tonalumainu ma sula tagalobeo. Tiali goli, te augwaligo te augwali polo me elisąwai. Augwaligo te augwali dwasianu sogo gogolama, bidimainu sula tagalalio.

Daniel 7:7

Eno te sogo hulide ma tonono ela bilibadi, tama eno te me si me si wali te hasa suali. Iya, aga gesabidi te mu dwai elama, tama aga bomo genuai mu elaluai, tama ena agade wi dwai mu yalio. Agai genuai ain kele elalu, tama agai te tigidali bage tulama, dolobo sę mu yai. Tama nosali aga agalama, tama mimia sabo kakali tulaluali. Te kibu tiwai moni hasa te gasa eno suali hasa dabe tobage tiwai meni, magi baso meni, aga tobolude te nogo si gąų elaluali.

Daniel 8:10

Te kom te boma pai mu pedelama, tama te hǫ dabe dali hwįani. Te hǫ dabego hwįani te dagalude ami bidi dabego hwįbo tiwai yali. Tama komgo te hǫ dabe meba te tǫba aiya tula palama, tama augwali agayalio.

Daniel 8:6

Eno te wę pąde dolalubo suali sipsip te memego subo si da, teda te meme sębę eyu, te bomonama udabo bomo mu elama, te sipsip bidibo madi palio.

Daniel 8:8

Tialima, nosali te memego hagoma umabo mu eyu, tama aga bomo ola mawai. Tiali goli, te aga bomo genuai mu pedalubo sogo, agai gąų kom te togwa palio. Tama te togwa pali kom elaluali pesagede te gasa kom me si me si pedelali. Te me si me si kom te moni dobo dwai mu yali. Te kom me deligo te not badu tonalubo tiwai yali, tama gasa mego te saut badu tonalubo tiwai yali, tama gasa mego te giliga pedalubo madiba tonalu, tama gasa mego te giliga dega sabo badu tonalu yalio.

Josua 8:20

Te Ai bidi dabego te hanuba tonono pobadi, augwaligo te hano ugwaba holobo suai. Augwaligo koneani, te augwali geme duala sabo pesage meni isiąyu, te dolabo sęgo augwali me edeligobeo. Magi baso meni, te Israel dabego augwali tibo po olama, tama te masigi tǫ buluba wi pali, megi da te augwali ma begelama, tama augwali dali hwįai.