Daniel 8:5 - Godigo dwagi yai po buku

⁵ Eno te yali sę pagede homu kone pidubadi, tama eno suali, te omai meme me deli te giliga dega sabo badu bidali tagalama, polo asobo suai. Aga udabo te umaboba pai mu asiyu, tama agai nogo sągągo te tǫ me dįąbe. Agai kom gąų te moni dobo dwai me deli naga te aga gedu page si badu tomode elaluai.

Daniel 8:5 Iomraidhean Croise

Daniel 11:3

Nosali te gasa bomai king me deli pedelama, te agai te bulu tǫ kantri hauwa, me te we bidi hauwa tonalueibao. Tama mena sę agai homugo yainu homu yali sę, te sę agai eyu naga yaibao,” wai.

Daniel 2:32

Augwaligo aga tobolu te wiegi yai golgo nigai, te ula mu elaluali. Te hagawia me te aga nogo si augwaligo te silvago nigai, tama aga tabi me sągą tele si te brasgo nigai.

Daniel 2:39

Te nage tudi badu gasa king bidi hani pedelaibao, tiali goli te augwaligo bomo te nago bomo tiwai me egobeo. Tama nosali te sela wabo king bidi hani pedalubo sogo, te tigidali tǫ pedai tonalueibao. Te king hani te bras tiwai dao.

Daniel 7:6

Eno me tonono ebadi, tama eno gasa genuai hasa te uni pusi te nogi lepat tiwai suali. Te naigo bogo te me si me si aga tudide elaluali, tama aga tobolu te me si me si elaluali. Tama augwaligo agabolo te tigidali nai tonaluabo bomo mawai, te eno suali.

Daniel 8:21

Tama nago te meme suali, te bulu tǫ kantri Grikde dąį iliyu wali, tama te aga gedu page si badu tomode elaluali te moni bage kom dolaluali, te Grik dabego hasia polalubo king bidi te da, wali.

Daniel 8:6

Eno te wę pąde dolalubo suali sipsip te memego subo si da, teda te meme sębę eyu, te bomonama udabo bomo mu elama, te sipsip bidibo madi palio.

Daniel 8:8

Tialima, nosali te memego hagoma umabo mu eyu, tama aga bomo ola mawai. Tiali goli, te aga bomo genuai mu pedalubo sogo, agai gąų kom te togwa palio. Tama te togwa pali kom elaluali pesagede te gasa kom me si me si pedelali. Te me si me si kom te moni dobo dwai mu yali. Te kom me deligo te not badu tonalubo tiwai yali, tama gasa mego te saut badu tonalubo tiwai yali, tama gasa mego te giliga pedalubo madiba tonalu, tama gasa mego te giliga dega sabo badu tonalu yalio.