Daniel 8:3 - Godigo dwagi yai po buku

³ Ena tonalubadi, te omai sipsip me deli te wę pąde dolalubo suali. Agai te gąų si elaluali. Te podolali kom gąų te bobobage yai elaluali, tiali goli te si wali kom gąų te polasa pedelali kom gąų nosali badu pedelai, tama te bobobage mu dao.

Daniel 8:3 Iomraidhean Croise

Tuni Bidi Dabego Po Elalubo Buku Deli 21:16

Tama Devit te Israel tobolu bidi dabe daligo te homu dene ebo ugwa gudalio. Tama Devitgo gedu ugwaba selama tonobadi, te Genuai Bidigo ensel bidi te dagalu de tǫ si tomode dolalu, te agai nogode bainat hwą tolalu, te Jerusalem dolai hagede sisilaluali. Tama Devit te tobolu bidi dabe dali degasa dulama te gesabidi tǫba pǫgulalio.

Esra 1:2

Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.

Esra 4:5

Augwaligo te Persia gavman bidi dabeba mone mani, te augwaligo homu augwaliba muagaselama, te Juda dabego sę dolomainu wialubo tiwai yalio. Augwaligo te kolesaga yali te king Sairus bidibo sogo tiali, te bidada pali te king Dariusgo aga hasegelama, te king pedalubo sogoba usu nanio.

Esta 1:3

Te kibu be selade te aga tuni bidi king bidiyu, agai te tigidali tǫde bidibo kiap dabe badi, tigidali provins polalubo gavman bidi dabe sisinao po olama, te genuai nai daa tuaibao wai. Tama te Persia ami dabe badi, te Midia ami dabe badi, te genuai nai daa tuboba aselama, bidai. Tama tonalubo bidi dabe badi, te tigidali provinsdu asali genuai bidi dabe, augwali me bidalio.

Aisaia 13:17

Genuai Bidigo te po wali, “Suao! Eno te Midia dabego homu hogodolama, Babilon dabeba hwįagasomainu yaibao. Augwaligo Babilon bagego silva de gol si homu kone elama, te buluba wąbi hwįagasobeo. Menio.

Aisaia 21:2

Eno te sę te God ena mani na me deli dwaide suali. Eno Godigo te po wabo odali, “Te Babilon dabe te ili po olama, geagano bilibo sę eyu, tama gasa we bidi hani dali dwai sę ebo bage dao. Tama augwaligo te kolesaga genuai mu pedalomainu ebo. Tama tibaso, te Elam ami bidi dabe, dagego te Babilon buluba hwįagasao. Tama Midia ami bidi dabe, dagego te hanu bobegela sagasiąo. Eno te Babilon dabego gasa we bidi dabebolo mani sęgę silaibao,” wali.

Aisaia 44:28

Tama eno te tiwai po wali, ena digi eno te Sairus te Persia bagego king tiwai nigilali, te eno homugo emainu ebo sę tigidali agai emainu homu yali. Agai te po obaso, augwaligo te Jerusalem ma nigaibao, me augwaligo eno be sę yabo sę gagalaibao,” te po wali.

Jeremaia 51:11

Dage Babilongo boi bidi dabe, duga ene dabe dulama, te hwįabo sabele dabe sao. Genuai Bidigo te Babilon dabego agai be dolaliba homu kone palama, te agai dwai dene augwaliba wei ponainogo ebao. Agai te Babilon mu dolainogo, tama agai te bulu kantri Midia homu hodolama, te Babilonba hwįagasomainogo yai dao.

Daniel 10:5

Eno te ugwaba tonobadi, tama eno te bidi me deli te nami ugwa wiegi yai beali bidi suali, tama augwaligo te wiegi yai golgo nigali kukulu muai.

Daniel 2:39

Te nage tudi badu gasa king bidi hani pedelaibao, tiali goli te augwaligo bomo te nago bomo tiwai me egobeo. Tama nosali te sela wabo king bidi hani pedalubo sogo, te tigidali tǫ pedai tonalueibao. Te king hani te bras tiwai dao.

Daniel 5:31

Tama Darius te Midia tǫ pedai bidi te king pedelama, tama te bulu tǫ kantri tonaluai. Dariusgo kibu be te bidi sese sela, te me si, 62 kibu be elalubadi, te sogo aga te Babilon king pedelama, bidai dao.

Daniel 6:28

Tama te Darius king bidali sogo, me te Sairus te Persia king bidali sogo me, Daniel te moni nogi yai genuai bidi mu pedelama, bidai dao.

Daniel 7:5

Tialima, eno suali, te si wali te kibu tiwai hasa te aga pilamubo suali, tama te genuai hasa me deli te nogi augwa te bea wali. Agai te gasa hasa me deligo punali dili sela te aga pedauwalide habilaluali. Tama te po me deli agade pedalu, te tiwai po wali, “Iya, tegoba, holaluao, te mi hauwa tulama, nago tabi pągąyao,” wai.

Daniel 8:2

Te nade polo tama ena pelama, te bulu tǫ pedai provins Elamba sabolama, tama ena te genuai taun Susa tomode dolaluali. Te taun te masigigo nigai genuai boma pai obo elaluali. Ena te moni ąį gamia nogi Ulai pąde dolaluai.

Daniel 8:20

“Nago te omai sipsip me deligo te gąų kom si elalubo suali. Te bulu tǫ kantri si, Midia me Persia sigo king bidi side po wai dao.

Sekaraia 1:18

Eno nade subo nai tiwai ma suali, tama eno kau kibugo tobolu gąų me si me si elalubo suali.

Sekaraia 2:1

Eno nade nai subo tiwai elama, tama eno bidi mego usu ni bono nogo tolalubo suali.

Sekaraia 5:1

Tama eno ma tonobadi yaide, eno buku me bola pabo suali.

Sekaraia 5:5

Te ensel aga me pedelama, tama agai enabolo e tama po me walali, “Suao. Gasa nai me te asobao.”

Sekaraia 5:9

Eno ugwaba tonobadi yaide, eno we me si te genuai bago bogo tiwai elama, tama augwali si ena bidibo madi bola asobo suali. Tama augwali sigo te basket wa ugaba selama, sigiba bola pabo suali.

Sekaraia 6:1

Tama nosali eno ma tonobadi yaide, hwįbo nai karis me si me si te bulu du si bras tomode pedelama edaba udabo suali.

Israel Hanigo Namba 24:2

Tama agai deli deli Israel hani dabego ugwa be dabe waselama, elalua pabo suali. Te Godigo Mobo Bidi agaba aselama,

Josua 5:13

Josua te hanu Jeriko pąde bidali sogo, agai bidi me deli te bainat hwą ge tolaluyu, dolalubo suai. Tama Josua aga dwai noma mu selama, tama agaba pelama, tama agabolo hanalu wali, “Nage te dago ami bidi me deli dawe, ma nage te boi bidi me deli dawe?” te po wai.

Kraisgo Geme Dualali Sę Pedelabo Po Jonbolo Ola Mani 13:11

Tama eno te gasa dwai hudigi ebo hasa me te tǫdu eda buluba holobo suai. Te genuai hasago gąų si aga tobolude elaluai te kibu sipsipgo gąų tiwai, tama agai po wabo te genuai dwai hasamanigo po wabo tiwai po wai.

Kraisgo Geme Dualali Sę Pedelabo Po Jonbolo Ola Mani 5:6

Tama te sogo eno suali, te kibu sipsip wai dolalubo suai, te augwaligo aga hwągo ela muai subo tiwai homu yai. Tama aga te genuai tuni bidi duabo nai dali te bidibo ula elalubo hasa me si me si te pąde aga dolaluyu, tama te polalubo tobolu bidi dabe tomode bidai. Tama agai te bulmakaugo tobolude elalubo gąų tiwai te a naga olama me badu si badi, te agai gedu me te a naga olama me badu nogo si elalubo. Tama te gedu dabe augwali te Godigo mobo bidi a naga olama me badu nogo si dao. God agai augwali te tigidali tǫba tagala palai dao.