Daniel 8:25 - Godigo dwagi yai po buku

²⁵ Agai te we bidi dabe tibo po ola mabo sę ebo tomoba mu pabo bidi pedelama, tama aga te tibo po homu hauwa dogia pabo kolesaga tigidali te ugwanu mu igulaibao. Tama aga haligade digi, aga te polalubo bidi mu da homu yaibao. Te we bidi dabego homude augwali te bugagia bidiba homu yaibao, tiali goli te polo tama mu te aga homu hogodalu, te augwali hauwa dolaibao. Aga te hagoma eyu, te tigidali king aiyaba elaluali, te genuai King God dali hwįabo homu yaibao. Tama te sogo te mena bidi mego te aga me dologobeo, tiali goli te aga dolaibao.

Daniel 8:25 Iomraidhean Croise

Jopgo Po Asęani Elalubo Buku 34:20

Agai deli sogo naga tama da we bidi isimainu ebo dao. Te genuai nogi yai me, genuai bomo yai me, tagala, te huli tomo mude God agai te we bidi noma somainu elama, tama augwaligo bidibo ula hulide silibo dao. Te aga genuai bomogo tama tibo dao,” Elihugo te po wai.

Jeremaia 48:26

Genuai Bidigo te tiwai po wali, “Moapgo ena dali hagoma ebaso, te eno homugo te boi bidi dabego aga elalumainogo homu elama, te aga bomai ąį tulama, gęǫ page ebo bidi tiwai pedalumainogo ilimainao. Te aga bugali bogu daide pila mudu, bebegeludubaso, te bidi dabego aga gisugu momainogo yaibao.

Te We Bidi Dabego Jerusalem Hagede Gela Wali 4:6

Te Jerusalem dabe, eno we bidi, augwaligo dwai sę yalide sali sęgęgo te Sodom we bidigo sęgę edelalio. Tama tibaso, Genuai Bidigo Jerusalem dabebolo dene genuai mu te mani dao. Tiali goli, Genuai Bidigo te Sodom dabe dolali sogo da, te taun agai deli sogo mu tama te taun dolai dao. Tama te boi bidi dabego megi te Jerusalem dabe dali ebo tiwai te Sodom dabe dali yai menio.

Daniel 11:12

“Agai te hwįanide te aga wiegi yai homu pemene yaibao. Agai te ami bidi hauwa umabo mu elaibao, tiali goli agai te yali bomo tiwai te sesabi elama gana me elalugobeo,” wali.

Daniel 11:45

“Tama agai te aga genuai ugwa be sę yaibao, te genuai tamu ąį Mediterenian edaba togoliyu, te Godigo polalubo bulu du ugwaba togoliyu elama, tomode agai te genuai wiegi yai name ugwa be dabe sę yaibao. Tiali goli, te aga dolama, tama te mena bidi me deligo aga tau me sogobeo,” te bidi te da tǫde bidi tiwaigo te po wai.

Daniel 7:26

“Aga te sogo bodolu silibaso, tama Godigo te po tų kot hodolama, tama agai te kingo bomo silama, tama aga mu dolaibao,” wali.

Daniel 7:8

Eno te gąų dabede homu kone paluyu ebadi, gedu dolo mu ponama, te nogo si gąųba tonalubadi, tama eno te dwasianu gąų me deli te augwali tomode pedalubo suali. Te gesi pedelali gąųgo te polasa elaluali gąų sela guda sąwai. Tama te gesi gąų te komgo te bidi gedu ge dali, pedauwali dali, si elaluai. Tama aga hagoma eyu, te aga digi aga nogi ugwaba sabo po wabo eno odalio.

Daniel 8:11

Tama te komgo te dagalu ami king me aiyaba elalueinu usu sali. Agai te kingba ofa ebo kolesaga te silimainu elama, tama agai te we bidigo te kingba lotu wabo be dolalio.

Daniel 9:25

Nago odama, te tiwai koneao, te Jerusalem taun ma gagalama nigaibao wabo po pedalubo sogo, te 7 taims 7-pela yia, te tama kibu be siliyu bolo yaibao, tialima te Godigo Sa Muani Genuai Bidi, aga te sabolaibao. Te augwaligo te Jerusalem dali, te taun tomode sunumi dabe, me te taun bagulali genuai masigi obo dabe, te ma nigaibao. Tama te Jerusalem elalubadi te 62 taims 7-pela yia, teba usu naibao, tiali goli te kibu be dabede te sęgę elalubo sogo dao.

Godigo Sęba Tagala Palai Bidigo Po 12:23

Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

2 Tesalonaika 2:3

Jisas ma asobode augwaligo geda muani po dagego odamuo. Te Jisas ma asobo sogo olo dali tama polo pedalogobeo. Te menio. Te sę pedalainogo hasia bolo bidi hauwa augwaligo dwai sę hauwa elama, tama God nogi gegeda peyu, tudiba mu muaibao. Te bomo yai po sela sąbo dwai sę ebo bidi hasia aga bolo dago gesabidiba pedalaibao. Te bidi Godigo te moni sia bulude nosali mu dola silaibao.

2 Tesalonaika 2:8

Tama te tų palialuali bidi bogia solama, tama te sogo naga te bomo yai po sela sąbo bidi hania bulu ulaba pedalaibao. Tama Genuai Bidi Jisas nosali asama, tama agai te bidi agai po wabo mobogo ela muaibao. Tama Genuai Bidi Jisas aga bomo dali ula dali hania pedalama, asaibao. Tama agai te bomo yai ulago te bomo yai po sela sąwani bidi mu dolaibao.

Kraisgo Geme Dualali Sę Pedelabo Po Jonbolo Ola Mani 17:14

Tama menama, augwaligo te Kibu Sipsip Wai dali hwįaibao. Tiali goli, te Sipsip Waigo augwali aiyaba mu elaluaibao. Magi baso meni. Aga da te genuai bidi dabe tigidaligo Genuai Bidi dao, tama aga te tigidali tuni bidigo genuai tuni bidi aga dao. Tama aga dali bidibo we bidi te augwali agai i olama, tama augwali agai gasa we bidi tomodu dią selama, tama augwaligo homu agade mu kęą peyu bidibo we bidi hani dao.”

Kraisgo Geme Dualali Sę Pedelabo Po Jonbolo Ola Mani 19:16

Te aga nogi asęani aga ugwade me te sągą telede me elaluai. Te nogi asęani e tama tiwai, tigidali tuni bidigo Tuni Bidi, te tigidali genuai bidi kingo Genuai Bidi King dao.