Daniel 5:7 - Godigo dwagi yai po buku

⁷ Agai te bidi dabe augwaliba te i bomo elama weyu, augwaligo te sę ebo page konea pelama, te osabo bidi dabe, me te po page kolesaga koneai bidi dabe te sę pedalubaso, te augwali i wali, te augwali asomainu yai. Augwali asobo si da, teda kingo augwaliba te tama po wali, “Te bidi me deligo te po nedelama, tama enaba te po page pusubaso da, teda eno agaba te kingo mubo mama yai name ugwa muaibao. Tama eno te sen gol aga mageba domonama, tama aga genuai nogi elaluaibao,” wali. “Tama aga te eno gavmande te sela wali ofisa bidi pedelaibao,” wai.

Daniel 5:7 Iomraidhean Croise

Tigidali Nai Gagalama Nigali Side 41:8

Tama kigamu aga moni homu elama, tama agai te Isip dabe te kolesaga konea pai bidi dabe, me te geme dualali nai dabe subo bidi dabe me, augwali i wali. Agai te na si yali po te augwalibolo wali, tiali goli te na yali page pusabo bidi me deli te usu meni yai.

Esta 3:1

Nosali gana gavman tuni bidi Serksisgo bidi me deli nogo tų ilali, augwaligo te nogi Haman nogi yali, te polalubo gavman tiwai pedelai. Haman te bidi nogi Hamedatago ogwa, tama wąį Agakgo wai dao.

Ma Dobola Sali 7:11

Tuni bidigo te tebo sulama, tama agai te tigidali po page koneai bidi dabe, me te haniani pobi wabo bidi dabe i olama, augwaligo me te pobi po olama, tama Arongo ebo kolesaga tiwai augwaligo me yai.

Bugagia Bidibo Kolesagade Po Asęai Buku 1:9

Te augwaligo pogo nage te wiegi yai bidi pedalumainu ilaibao, te nago tobolude te wiegi yai sawi yai au tiwai elama, tama nago magede te sawi yai beli elalubo tiwai yaibao.

Solomon 1:10

Nago tobolu niside gedelali au dobagego te nago gesabidi ula ilali. Tama nago magede domoani wiegi yai beli dabego te nago magede ula mu elalubao.

Aisaia 47:13

Te kolesaga koneani bidi hauwago te nageba homu kolesaga mayu, te nago homu mu dąų walali. Tiali goli, nago te kolesaga koneai bidi dabego te hǫba tonomainu i ola suali, te bidi dabe te tigidali poluade nageba aselama, te nageba mena sę pedelabo po wali. Te augwaligo nage tau sabo homu egobewe?

Jeremaia 50:35

Genuai Bidigo e tiwai wali, “Te bulu tǫ kantri Babilon dolomainao. Te Babilon we bidi augwali te augwa tobolu bidi dabe me, kolesaga koneai bidi dabe dali, bobobage hwągo dolomainogo yao.

Esekiel 16:11

Tama eno te tobage wiegi yai au dobage dabe nagebolo mawai. Eno nagebolo te nogode holabo nogo mo dabe mayu, te magede domabo beli dabe me mawai dao.

Daniel 1:20

Kingo augwaliba te tobage hauwa naide po hanalu obadi, te agai te tiwai suali, te augwaligo koneani kolesagago te tigidali aga tonalubo tǫ pedaide bidali kolesaga koneani bidi dabe aiyaba mu elaluai suali. Te kolesaga koneani bidi dabego kolesaga dali, te Juda me si me si bidigo koneani kolesaga dali usu mu isiąbo ąǫ isąwai dao.

Daniel 1:4

Agai te gesi ogwa bidi dabe te wiegi yai gesabidi, me tigi wiegi yai yai naga sao po wali. Tama te tigi me badu dolali te me sigio, tama te wiegi yai kolesaga hauwa koneama, tama te wiegi yai skul olama, te kolesaga polo konea pabo bidi dabe naga sao, wali. Tama tiyu, augwaligo te kingo bede sę ebaso, usu yaibao. Tama Aspenasgo digi te augwaliba te nedebo me asębo sę te Babilon pode ola mayu, tama te Babilon bagego polobadu asęani wiegi yai kolesaga tigidali me ola momainogo yai dao.

Daniel 2:2

Tama tibaso, agai po te gedugo tonama konebo bidi dabeba me, te pobi wabo bidi dabeba me, te dagalu hǫ dabe suyu nosali pedelabo sę konebo kolesaga koneai elalubo bidi dabe, te augwaliba po ola tolali. Augwali aselama, te agai na yali po page pusagasomainu yalio. Te augwali aselama, kingo geduba dolagasobo sogo,

Daniel 2:27

Tialima, Danielgo kingba te tama po wai, “King o, te kolesaga page koneai bidi me deligo te geme dualali nai page po pusainu ebaso, usu me egobeo, te gedugo tonama konebo bidi dabe me, te pobi wabo bidi dabe me, augwali usu me egobeo.

Daniel 2:48

Tama kingo Daniel dąį ilama, te Babilon Provinsde polalubo tuni bidi nigali, tama aga te kingba wiegi yai homu mabo bidi tigidali tonalubo bos bidi nigilali. Tama me te kingo te wiegi yai homu pemene ilibo nai hauwa te Danielba menama, tama Daniel genuai nogi elaluai dao.

Daniel 2:6

“Tiali goli, te dagego enabolo te eno nade suali nai dabe dali, te na yali page dali si pusa mobaso da, teda eno dageba te doado bage hauwa mayu, tama eno dagego nogi genuai pedalubo sę ilaibao. Tialima, megi da, dagego enabolo te eno na yali po page pusa maiyąo,” te po wali.

Daniel 4:14

Agai i bomonama weyu, te tiwai po wali, “Te ni degemainu, te gelao,” wali. “Tama te aga nologo dabe togwao, tama te yabe dabe selama, subigila tedela palao,” wai. “Te ni dologode bidibo kibu hasa sibi dabe sela sąyu, te ni nologode dugulalubo ba sibi dabe te sela sąyao.

Daniel 5:11

Odao. Te nago bulu tǫde te bidi me deli bidibao, tama te bomai god dabego agaba te wiegi yai homu kolesaga mawai. Te naga wąį king bidali sogo, agai te bidigo te wiegi yai homu kolesaga koneai elalubo suali, tama agai koneani kolesaga te genuai mu, te god dabego koneani kolesagaba usu nani. Tama nago wąį, king Nebukatnesargo, aga te bidi osabo tama aga te gasa kolesaga koneani bidi dabego tobolu bidi nigilama bidali. Te naga wąįgo te tama tiali,

Daniel 5:15

Eno te po page koneai bidi dabe i olama, te be habu paide elalubo po nedagaselama, te enabolo page pusao wali, tiali goli augwali usu me isąwai.

Daniel 5:16

Tiali goli, eno odali, te nago da te tobage po page koneama, tama te geme dualali po tiwai me te nago konebo dao, wali. Tialima, nago te po page nedabo usu elama, tama enabolo nago te po page pusubaso da, teda eno nageba te kingo mubo mama yai ugwa name munama, tama eno nago mageba te sen gol munama, te nago nogi genuai elalueibao. Tama nage te eno gavmande te sela wabo ofisa bidi pedalumainu nigilaibao,” te po king Belsasargo wali.

Daniel 5:29

King Belsasargo te po odolama, tialima agai te bidi dabeba walama, te mama yai ugwa name te Danielba munama, tama te sen gol aga mageba muao, wali. Tama kingo Daniel te gavman ofisa bidi te sela wabo bidi nigilali.

Israel Hanigo Namba 22:17

Nage aselama, tama nage eno nai dabe hauwa mu menama, tama nago homugo enabolo ya wabo nai dabe sese tama eno yaibao. Tama tiali, eno homugo nage aselama, tama te we bidi dolabo bomai po nago wagasao,” Balakgo te po ola tolali.

Israel Hanigo Namba 22:7

Tialima, te Moap de Midian tobolu bidi dabego te po te Balam pageba sela pali. Augwaligo te Israel dabe dolao omainogo abelabo mone dabe meba me sela pali. Tama augwali Balam pageba sabolama, tama Balakgo po agabolo pusali.

Israel Hanigo Namba 24:11

Teda tagalao, ena hagela ebo. Nage naga buluba megi ma pao. Hasia eno mone dabe hauwa nagebolo mawaibao po wai dao. Tiali goli, Genuai Bidigo nago sunumi palialigo da, nago sogobeo,” wali.

1 Samuel 17:25

Tama te Israel dabe augwa hasi digi po miyu, te tiwai po wai, “Te bidi suao, te agai i wabo po odao. Agai te wąbi hwįainu da dianobao. Tiali goli, kingo te po wali, te Filistia elibo bidibolo te agai mone umabo hauwa mawaibao wali, tama te bidibolo te agai wegi somainu yaibao wai. Tama kingo te bidi aga hanide te takis mone me sisąma, tama augwali haniba te kingo sę tobage yagasomainu i me wagobeo,” wali.