Daniel 5:23 - Godigo dwagi yai po buku

²³ Nago naga digi naga nogi ugwaba sabo homu elama, tama dagalude Genuai Bidigo nogi aiyaba elaluabo homu yai. Nago te sę bidi dabeba olama, tama augwaligo te nago wąįgo te Godigo bede sela asali kap dabe seselama, tama nage dali, te naga genuai bidi dabe dali, me te nago we mu dabe dali, me te nago si wali hani we dabe dali, dage tigidaligo wain ąį te kapde tuali. Tama dagego te bidi dabego te gol, me silva, me bras, me ain, me ni, me masigi, te tama nai dabego nigali tibo god dabego nogi ugwaba salio. Te god dabego te tonono me bilisąyu, tama po me odisąma, tama te magi sę me konesiąwai. God deligo naga te nago bidibo ula, me nago ebo sę tigidali te tonalubao. Tiali goli, nago agai nogi ugwaba me sabeo.

Daniel 5:23 Iomraidhean Croise

Tigidali Nai Gagalama Nigali Side 14:19

Tama Melkisedekgo dwagi yai po e tiwai te Abrambolo wali, “Eno homugo te God Ugwadu Mu Bidibo Bidigo te dagalu dali tǫ dali nigali, agai te wiegi yai sę nage dali yao.

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Te Israel me Juda Hani Sigo Tuni Bidigo Po Elalubo Buku Si 14:10

Te king Jehoasgo te po digi po begelama pusali, tama agai king Amasiabolo e tama po wadolama pusali, “Eno koneanio, nago te Idom hani augwali dali tama te nago boi hwįnama, tama augwali aiyaba elaluai dao. Tama tialima, te nago bugai homu pemene mu gana peyu, tama nago naga digi naga nogi ugwaba siyu, te wabao,” wali. “Nage genuai nogi sali, te nago te boi hwįanide saliąo,” wali, “tama tialima, megi te nage naga bulude bugagia bidiyu, tama nage bugai homu pemene yao. Tiali goli, te nago da dali boi hwįainogo ebadi, te menio. Naga digi dolabuo, nago tama teyu, te Juda hani augwali me dolabuo,” tama wali.

Jopgo Po Asęani Elalubo Buku 12:10

Tigidali we bidigo bidibo ula dali, agai te nigali nai dabego bidibo ula, te aga nogode naga elalubo.

Jopgo Po Asęani Elalubo Buku 31:4

Tiali goli, Godigo eno kolesaga tigidali mu koneai dao. Tama ena bilibo tigidali agai suai dao,” wali.

Godigo Nogi Ugwaba Sabo Tęąbi Po Wabo Buku Dabe 104:29

Nago augwali tudiba mubaso, augwali wi ebo dao. Tama nago augwaligo mobo sela sąwani da, te augwali isilama, tǫ tiwai ma gagawaibao.

Godigo Nogi Ugwaba Sabo Tęąbi Po Wabo Buku Dabe 115:16

Dagalu te Godigo pesage naga elalubao, tama agai te tǫ da we bidiba mawai dao.

Godigo Nogi Ugwaba Sabo Tęąbi Po Wabo Buku Dabe 139:3

Nago ena te sę ebadi, me te godege pibo sogo, te subo dao. Nago eno kolesaga tigidali koneanio.

Godigo Nogi Ugwaba Sabo Tęąbi Po Wabo Buku Dabe 146:4

Te augwali isibo sogo, augwali te begelama, te tǫ ma pedalubao. Tama te sogo augwaligo te yaibao po wali sę tigidali te me egobeo.

Bugagia Bidibo Kolesagade Po Asęai Buku 20:24

Genuai Bidigo te da tǫde bidibo sogo te dago sunumi tigidali te dąį ilali. Magi elama tama dago te sunumi dabe te menaba pabo sunumi elaluba wagowe?

Aisaia 13:11

Genuai Bidigo te po wali, “E tǫ te we bidigo dwai sęgęgo pągąna pali. Tama tibaso, eno augwali dene mawaibao, te augwaligo dwai sę yali wei ponoyu yaibao. Te bidi dabe augwa digi augwa nogi ugwaba sabo bidi dabego nogieno aiyaba elaluaibao. Me, homu dene isiąyu, te augwaligo gasa bidi dabe aiyaba elalubo bidi dabe me.

Aisaia 14:13

Nago te tama homu elaluai dao, ‘Eno te hǫ dabe ela pelama, tama ena dagaluba mu paibao,’ homu yai dao. ‘Tama eno tuni bidi sia te Godigo hǫ daide muaibao. Tama me ma, ena te god dabe sisinagasabo not badu bulu dude dualaluaibao.

Aisaia 2:12

Genuai Bidi Tigidali Bomo Elalubo Bidigo bodolu elalubo, te augwa nogi ugwa sabo bidi dabe aiyaba elaluabo sogo. Tama te sogo agai te bidi dabego genuai nai dabe me augwaligo godolo elama, gawebo nai dabe dolaibao.

Aisaia 33:10

Genuai Bidigo e tama po wali, “Megi da, ena hogodama, sę yaibao. Tama te we bidigo ena sulama, tama augwaligo eno genuai nogi ugwaba somainao.

Aisaia 37:19

Tama te king augwaligo te hani we bidi dabe augwa god dabe sela sąyu, te tigidali siaba ulali. Te god dabe dolali, magi baso meni, augwali te tibo god naga dao. Te bidi augwa digi te ni me masigi selama, augwa nogogo nigai dao.

Aisaia 37:23

Senakerip, nago posobo po weyu, te po dwai weyu, te naga digi naga nogi ugwaba siyu, hagoma po wali sogo, nago homugo te nago de dali yali da homu yaliwe? Nago ena dali tama yalio, te Israelgo God, ena te Wiegi Yai Doloba Pai Kolesaga Ebo God dao.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Jeremaia 10:23

Genuai Bidi, eno koneani, te bidi dago dena bilibo tonalubo usu isąyu, te dena godolo homu ebo sunumi dabe wali painu ebaso, usu egobe dao.

Jeremaia 48:26

Genuai Bidigo te tiwai po wali, “Moapgo ena dali hagoma ebaso, te eno homugo te boi bidi dabego aga elalumainogo homu elama, te aga bomai ąį tulama, gęǫ page ebo bidi tiwai pedalumainogo ilimainao. Te aga bugali bogu daide pila mudu, bebegeludubaso, te bidi dabego aga gisugu momainogo yaibao.

Jeremaia 50:28

Te Israel me Juda meba te Babilon taga soyu, te Saionba wi ma asali. Odao! Augwa e tiwai po obao, “Genuai Bidi dena God, agai be dolali hani dabeba te dwai dene wei ponama, mabo dao,” wabo.

Jeremaia 50:29

Genuai Bidigo Babilon augwa boi bidi dabe e tiwai po walali, “Dage te enesigigo enebo mu koneai bidi dabe, dagego te Babilonba hwįagasao. Dagego te Babilon bugagia odogolama, bagua sao. Dagego te Babilon dabe me deli wi pomainu me elamuo. Te augwaliba dwai dene mayu, dagego ela munama, mu dolao, te augwaligo gasa hani dabe dolali tiwai yao. Magi baso meni, Babilongo te enaba hagoma eyu, te hasamani tigi gagea pabo tiwai mu yali, te Israel dabe augwa Genuai Bidi dao, ena te magi dwai sę munu me isąwai te wiegi yai doloba pai kolesaga ebo God dao.

Esekiel 28:17

Nago homugo tiali, nago gesabidi sawi yai mu dao homu yali, tama nago hagoma mu elama, tama naga nogi ugwaba salio. Nago genuai homu kolesaga elaluali, tama nago homugo te homu kolesagago te genuai nogi sabo dao homu yali. Tiali, te po page delide naga tama eno nage aiyaba te tǫba sąwai dao, te gasa meba king dabego nage sulama, tama augwaligo nage gisugu dwai mu momainogo yali.’

Esekiel 28:2

“Tǫde bidi, eno homugo nago Tair kingbolo ena God Genuai Bidigo eno po aga dali pusainogo ebo po pusigi pao. Eno po e dao. Tair king bidi, nago naga nogi ugwaba siyu, te po wali, nage god me deli dao, wali. Tama nago bulu te god dabego bulu yali gilama tamu ąį tomode elalubao. Mu tama, nago te po wali, tiali goli, nage god menio, nage olo bidi dao.

Esekiel 28:5

Tama nago wiegi yai bisnis sę elama, tama nago tede mone hauwa nago salio. Tama tibaso, nago naga te mone dabe me te nai hauwade homu elama, tama nago hagoma genuai mu ebao,” wali.

Esekiel 31:10

“‘Te bobobage ni sida bǫ, te Asiria tǫ kantri da, agai hagoma dogia pelama, tama aga tobolu gagea pabo sę ebo genuai mu yai dao. Magi baso meni, aga ugwanu bobobage mu holama, meba ni dabe aiyaba elaluai baso. Tialima, megi God Genuai Bidi, eno agade pedelali nai dabe po pusaibao.

Daniel 11:12

“Agai te hwįanide te aga wiegi yai homu pemene yaibao. Agai te ami bidi hauwa umabo mu elaibao, tiali goli agai te yali bomo tiwai te sesabi elama gana me elalugobeo,” wali.

Daniel 4:37

Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.

Daniel 8:11

Tama te komgo te dagalu ami king me aiyaba elalueinu usu sali. Agai te kingba ofa ebo kolesaga te silimainu elama, tama agai te we bidigo te kingba lotu wabo be dolalio.

Habakuk 2:4

Te nago asęabo po e tama dao, ‘Te dwai sę yali bidi dabego hagoma eyu, tama augwaligo doloba pai kolesaga me ebeo. Tialima, te Godigo kolesaga wali mu pabo bidi dabe, augwali da te doloba pai bidi dabe yai baso, tama augwali te augwa bidabo ula dali bidaibao,’ te po asęao,” Genuai Bidigo enabolo te po wei ponai dao.

Godigo Sęba Tagala Palai Bidigo Po 17:25

Me ma, agai dago nogode agai nai tubo mu menio. God aga digi tigidali tǫde bidibo we bidibolo noma mabo dao. Tigidali nai dabe dago gegelama sabo, te Godigo naga mabo dao.

1 Korin 8:4

Te gasa we bidi augwaligo te tibo godiba ofa elama te mi dabe tubo kolesagade eno po megi obao. Dage mebago te tobage mi tuaio homu eyu tama dagego e po wabo dao, “Te tibo god te mu bidibo nai menio. Te olo piksa noma naga dao,” te po wabo. Awe, dago te po page koneani. Tama dage mebago e po me wabo dao, “Te god hauwa me elalubeo. Menio. Te God deli naga aga bidibao,” te wabo. Awe, te me dago koneani.

2 Timoti 3:6

Te tamadi gesi noma baptais tamadi sali bidi te tonalubo bidi sę munu me menamuo. Tiyu aga te hagoma ebaso tama Godigo aga dali po tų elama dene mayu, te agai Satan po tų yaligia tiwai elama sela sąwani.

Hibru 4:13

Te Godigo nigali nai me deli te God agai gedude te geme dula sainogo ebo te usu munu me egobeo. Menio. Te tigidali nai te hania mu te Godigo gedude tigidali te elalubao. Tama Godigo naga te dago ebo kolesaga tigidali dagalabo bidi dao.

Kraisgo Geme Dualali Sę Pedelabo Po Jonbolo Ola Mani 9:20

Tama tigidali gasa bidi dabe augwali te dwai nai selago ebo sęde isisąwai bage, augwali homu begelesiąma tama augwa nogogo nigali nai tagalama tudiba musiąyu me bidaluali. Tama tiyu augwaligo te dwai haubo noma bidi dabebolo lotu po wabo tagalobe. Augwaligo te tibo god dabe te kapa golgo dali silva dali te bras me, te masigi me, te nigo me, tama naigo nigai tibo god dabebolo augwaligo lotu po wabo tagalobeo. Te nogogo nigali tibo god augwaligo gedugo sugobeo, ma ologo odogobeo, ma biligobeo. Tiali goli augwalibolo te bidi dabego lotu po weyu bidaluali.

Te Israel Tobolu Bidi Dabe 16:23

Nosali te Filistia dabe tigidali polalubo bidi te sisinagasai. Augwaligo te wiegi yai homu pemene elama, tama augwa tibo godiba ofa ilali, Dagon. Tama augwaligo te po wali, “Te dena godigo da tau selama, dago te dena boi bidi Samson te aiyaba elaluali!” te po wali.

1 Samuel 17:26

Devitgo te po bugagia odisąbaso, tama agai te aga pąde bidalubo bidi dabeba hanalu, te tiwai wali, “Te kingo mena sę te Filistia elibo bidibolo elama, tama da Israel dabeba te genuai hale pedalubo sę tagalaibawe? Te Filistia bidi te Godigo po odisiąwai bidi naga te dao. Agai hagoma mu eyu, tama te Sesemane Sogo Bidibo Godigo amiba te posobo po wali dao,” te po wai.

1 Samuel 17:36

King o, eno te laion dabe me te bea me eliyu yai, tama eno te tobage tama tiwai kolesaga te Genuai Bidigo po odisiąbo Filistia bidide tiaibao, magi baso meni, agai te Sesemane Sogo Bidada Pabo Godigo amibolo te posobo po walio.