Daniel 5:19 - Godigo dwagi yai po buku

¹⁹ Agai bomo genuai mu elaluali, tama teyu te tigidali bulu tǫ kantri we bidi dabe, me te tigidali hani, me te tigidali haniani po wabo hani bidi dabe te agade wi mu elama, tama augwali didibili yai. Te agai bidi me deli ela muabo homu eyu da, agai elai dao. Tama te bidi me deli aga bidibo ula elalumainu homu eyu da, agai te bidimainu sula tagalali. Te agai bidi me deligo nogi ugwaba sabo homu ebaso da, agai te tama tiali. Te agai aiyaba elalu, te bidi me deli dolainu homu ebaso da, teda agai te tama tiai dao.

Daniel 5:19 Iomraidhean Croise

Daniel 3:6

Te bidi me deligo te piksaba kidu sugunama, lotu po wasiąbaso da, teda polo tama dago aga selama, tama aga te genuai stov sia posolo mu elalubo te tomoba aiya sąwaibao,” te gavmango po pusubo bidigo te po wali.

Daniel 3:4

Tama te gavmango po pusubo bidi me deligo te i bomo elama weyu, te tiwai wali, “Dage tigidali bulu tǫ pedai kantri we bidi me, te tigidali hani me, te po haniani wabo we bidi dabe dao.

Polgo Po Pas Rom Dabeba Asęani 13:1

Da Godigo po wali bilibo we bidi da tigidali te gavman bidi dabe augwali dologode bidao. Magi baso meni. Te tǫde elalubo gavman sę yabo bomo, te bomo tigidali te God aga digi agai dodolai dao. Te gavman me deli te olo me pedalubeo. Menio. Tigidali gavman bidibo, te Godigo digi augwali munama tama augwali bidibao.

Dwagi Yai Gesi Po Jongo Asęani 19:11

Te Jisasgo agai po wei ponoyu, te po wai, “Tialima, God dagalu ugwadu bidibo bidi agai bomo nagebolo magi menigi sogo da, te nago bomogo ena aiyaba elalugi menio. Tama tibaso, ena nago nogoba muani bidi, te bidi agai sęgę genuai mu eyu, tama nago sęgę aiyaba elaluaibao,” Jisasgo te po wai.

Habakuk 2:5

Tama ena Habakuk eno e po obao, te dwai sę ebo bidi dabe augwali te bomai ąį tulama, te gęǫ page dolama mu eyu, tama augwaligo dwai sę mu gasa bidi dabebolo ebo dao. Te doado bage hauwa sabo homu godolo ebo bidi dabe, augwali te hagoma ebo bidi dabe weyu, augwali bugagia me bidigobeo. Augwaligo te doado bage hauwa sabo homu ebao, te isibo sogogo te we bidi hauwa sabo tiwai ebao. Tama augwaligo te bulu hauwa tǫ pedai kantri dabe dali boi hwįnama, te augwali aiyaba elaluama, te augwaligo bomo dologode bidimainu ebo dao.

Daniel 4:22

King o, te ni da, te nage tama dao. Nago genuai nogi mu te we bidi tigidaligo gedude elalubao, tama nago bomogo te tigidali bulu tǫ habu usu nama tonalubo dao,” wali.

Daniel 3:29

Te niwai god me deligo te aga we bidi tau siyu, te Satrak, me Mesak, me Abetnego, te augwa Godigo yali tiwai me egobeo. Tama megi eno te po wainu ebao. Te bidi dabego te Godiba posobo po wabo te habu mu dao. Te mena bulu kantri tǫ bidi dabego, me te mena hani bidi, ma te mena tobage po wabo bidi hani, augwaligo te tama tiwai po obaso da, teda eno te augwali tigi tologolama, miminama, te augwali isaibao. Tama eno te augwaligo be me te pobele bage tiwai pedalumainu ilaibao,” wali.

Bugagia Bidibo Kolesagade Po Asęai Buku 16:14

Te kingo bidi me delide haliga sębę eyu da, teda te kingo aga ela muaibao. Tiali goli, te wiegi yai homu elalubo bidigo da, agai te king dua digi te haliga nagame ma ilaibao.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

Te Israel me Juda Hani Sigo Tuni Bidigo Po Elalubo Buku Si 25:28

Tama te bidi Evil Merodak agai te king Jehoiakin dali te dwagi yai kolesaga eyu, tama agai agabolo te genuai nogi mayu, tama aga namba mayu yali, tama te tialigo te gasa king bidi dabe te king Jehoiakin aga dali te Babilon bulude kalabus bidali augwaligo namba me aiyaba elaluali.

Esekiel 31:11

Eno aga tudi ola mawai dao. Tama eno aga gasa bomai king mego nogoba mani. Tama te kingo te ni agai yali dwai kolesaga wei ponoyu, dene mawai dao.

Daniel 4:17

“Te nai dabe tonalubo mobo bidi ensel dabe, augwaligo te nai dabe pedalumainao po obaso, te tigidali bidigo konemainu yali, te Ugwadu Bidibo God Mugo te tigidali we bidi tonalubo dao. Te agai homugo digi te bidi dabe king pedalumainu sa mubo da, te genuai nogi elalubo bidi me, te olo bidi tama me, te tagalao, te agai digi sa mubo dao.” Te ensel mobo bidigo te po wai,’ eno te po Danielba wali.

Daniel 11:3

Nosali te gasa bomai king me deli pedelama, te agai te bulu tǫ kantri hauwa, me te we bidi hauwa tonalueibao. Tama mena sę agai homugo yainu homu yali sę, te sę agai eyu naga yaibao,” wai.

Daniel 11:16

Tama te Siria tǫ kingo te magi sę yainu, te aga homugo digi ebaso, te mena bidigo aga me paligobeo. Agai te Godigo aga we bidi dabeba te wiegi yai mani tǫ saibao, tama agai te nai dabe dolobo sę yaibao,” wali.

Daniel 11:36

“Te kingo te mena sę dabe te aga homugo digi yaibao. Aga te hagoma eyu, te aga digi aga nogi ugwaba siyu, e tama po waibao, ‘Eno te tigidali god elalualio,’ te po waibao. Tama agai te tobage posobo po dabe te Ugwadu Bidibo Godigo nogi aiyaba elalu, tama waibao. Agai te tama tobage kolesaga ela pidubadi, te Godigo haliga sębę yaliba usu naibao, magi baso meni, Godigo agai te yaibao homu yali sę tigidali ebo dao.

Kolesaga Koneai Bidigo Pusali Po Elalubo Buku 8:3

Nage te king dali bidibaso da, teda nago asesa polo te king tagaligio. Te nago king dali po konila obaso da, teda nago bomo elama mu wagio, magi baso meni, king aga digi aga homu wali pabo dao.

Daniel 4:19

Danielgo te na page koneai, tama agai te homu si eyu, tama te kingba pusabo wiegi yai homu pemene isąwani. Tama aga te po polo wei ponebeo. Tiali goli, kingo agaba te po wai, “Beltesasar, tama nago homugo te na elalumaina homu elama, tama te na yali pagede nago haliga sęgę emainu egio,” wali. Tialima, Beltesasargo te po wai, “King o, eno homude te nade yali sę nageba pedalubo te eno hagela homu yai. Eno homugo te nago boi bidi dabe augwaliba naga pedalumainu homu yai dao.

Daniel 11:12

“Agai te hwįanide te aga wiegi yai homu pemene yaibao. Agai te ami bidi hauwa umabo mu elaibao, tiali goli agai te yali bomo tiwai te sesabi elama gana me elalugobeo,” wali.