Daniel 4:34 - Godigo dwagi yai po buku

³⁴ “Te kibu be a naga me si wali silibo sogo da, ena Nebukatnesar, eno te dagaluba ugwa tonaluama, tama eno homu kolesaga te wiegi yai ma pedelai. Tama eno wiegi yai homu pemene te Ugwadu Bidibo Godiba mu yalio. Te sesemane bidada pidu bidibo God, tama eno aga nogi ugwaba mu siyu, kekene nanio. Tama eno te tama po wai, ‘God te king sesemane sogo bidada peyu, bidibo dao.

Daniel 4:34 Iomraidhean Croise

2 Samuel 22:31

Te Godigo kolesaga wiegi yai mu elama, tama tigidali dolo mu elalubao. Tama agai po te mu po naga wabo da. Genuai Bidi te hwįbo sabele tiwai elama, tama agai te agaba pabo bidi tigidali bugagia tonalu, tama augwali te boi bidi dabede geme wi dualalubo dao.”

Tuni Bidi Dabego Po Elalubo Buku Deli 29:10

Tialima te tigidali we bidigo gedude Devitgo te Genuai Bidigo nogi ugwaba siyu, tama agai gedu haluasa po te tiwai wali, “O Genuai Bidio, nage dago wąį nǫų Jekopgo God da, da naga we bidi dabego te sesemane sogo nago nogi ugwaba sidueibao,” walio.

Tuni Bidi Dabego Po Elalubo Buku Deli 29:13

“Dago God da, megi dago nageba buba hwi obao, te nago genuai nogi ugwaba sobao.

Jopgo Po Asęani Elalubo Buku 1:21

Tama Jopgo te po wali, “Ena idago ame nani sogo, eno magi nai me sela asai menio. Tama ena isibo sogo, te tiwaidu naga paibao. Genuai Bidi aga digi ena te nai dabe mawai dao. Tama aga digi te nai dabe ma te sela sąna silali dao. Tama tibaso, eno agai nogi ugwaba mu sobao,” wali.

Godigo Nogi Ugwaba Sabo Tęąbi Po Wabo Buku Dabe 10:16

Te Genuai Bidi te sesemane sogo te king bidada peyu, bidada paibao. Agai te aga po odisąbo Israel hani isąwai bidi dabe te aga tǫde ela gudulama, tama augwali tede mu me bidigobeo.

Godigo Nogi Ugwaba Sabo Tęąbi Po Wabo Buku Dabe 102:24

Eno God, nage sesemane bidada peyu, bidada pobao. Nago megi ena me tagaligio. Ena monu dabe me ebeo, ena gesi bidi tigi me elalubao.

Godigo Nogi Ugwaba Sabo Tęąbi Po Wabo Buku Dabe 107:15

Tialima, augwa te usu da mu te Genuai Bidi wao. Sesemane sogo agai augwali homu dene mu elama, tama agai wiegi yai sę mu eyu, augwali tau salio.

Godigo Nogi Ugwaba Sabo Tęąbi Po Wabo Buku Dabe 107:22

Augwa te agaba usu da wabo ofa emainu yao. Tama augwa te pemene ebo tęąbi po weyu, tama te we bidi dabeba te agai wiegi yai sę yali po pusao.

Godigo Nogi Ugwaba Sabo Tęąbi Po Wabo Buku Dabe 107:31

Tialima, augwa te Genuai Bidiba usu da wao, sesemane sogo agai augwali wei mu ebao, tama agai augwali tau siyu, wiegi yai sę mu ebo dao.

Godigo Nogi Ugwaba Sabo Tęąbi Po Wabo Buku Dabe 107:8

Tialima, augwaligo te Genuai Bidiba usu da mu waiyąo, te sesemane agai augwali homu dene mu elama, tama agai augwali tau sabo sę wiegi yai mu yalio.

Godigo Nogi Ugwaba Sabo Tęąbi Po Wabo Buku Dabe 111:7

Agai kolesaga te mu elalu, te dolo mu elalubao. Dago te agai bomai po tigidaliba homu kęą pelama, wali pobaso, te usu dao.

Godigo Nogi Ugwaba Sabo Tęąbi Po Wabo Buku Dabe 121:1

Eno te bulu du dabeba tonono ebao. Tiali goli, ena tau sabo bidi menadu pedelaibawe?

Godigo Nogi Ugwaba Sabo Tęąbi Po Wabo Buku Dabe 123:1

Genuai Bidi, nage te dagalude king bidibaso, tama eno konealubo homu nageba muani.

Godigo Nogi Ugwaba Sabo Tęąbi Po Wabo Buku Dabe 145:13

Tama nage te tuni bidi bidiyu, tama tigidali we bidi sesemane sogo nago tonaluyu, bidada peyu, bidada paibao. Genuai Bidi Godigo agai aga we bidi dali dąų wali po wali naga pabo dao. Te agai me deli tagalobo menio. Agai wiegi yai sę naga eyu, da tau siyu ebo dao.

Godigo Nogi Ugwaba Sabo Tęąbi Po Wabo Buku Dabe 146:10

Genuai Bidi te sesemane sogo king bidada peyu, bidada paibao. Te Saion we bidi dabe, dage Israel dabe, te duga God te sesemane king bidada peyu, bidada paibao. Te Genuai Bidigo nogi ugwanu sinao.

Godigo Nogi Ugwaba Sabo Tęąbi Po Wabo Buku Dabe 50:14

“Te dagego enaba usu da mu waiyąo, tebo te dagego yabo ofa tiwai tama. Te dagego te enaba olo mabo tigidali nai maiyabo po wali, te Ugwadu Bidibo God Mu te enaba dagego maiyąo.

Godigo Nogi Ugwaba Sabo Tęąbi Po Wabo Buku Dabe 66:7

Agai te genuai bomo elalu, tama aga te king sesemane bidada peyu, bidada pobao. Tama agai te we bidi hani tigidaligo ebo sę tigidali te bugagia subao. Tama tiyu, te meba hanigo te Godide hagoma yabuo.

Godigo Nogi Ugwaba Sabo Tęąbi Po Wabo Buku Dabe 7:17

God te doloba pai mu da, tama tiyu, eno agaba usu da weyu, gedu haluasa po waibao. Tama te Ugwadu Mu Bidibo God nogi ugwaba selama, te eno balia po dabe waibao.

Godigo Nogi Ugwaba Sabo Tęąbi Po Wabo Buku Dabe 9:2

Eno nageba homu koneama, tama eno te wiegi yai homu pemene ebo balia waibao. Te Ugwade Bidibo God mu, te eno balia weyu, nago nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 92:1

Genuai Bidi, nage Ugwadu Mu Bidibo God da, te eno nageba usu da wabo te wiegi yai da, tama te nago nogi ugwaba sabo tęąbi dabe waibao.

Aisaia 13:11

Genuai Bidigo te po wali, “E tǫ te we bidigo dwai sęgęgo pągąna pali. Tama tibaso, eno augwali dene mawaibao, te augwaligo dwai sę yali wei ponoyu yaibao. Te bidi dabe augwa digi augwa nogi ugwaba sabo bidi dabego nogieno aiyaba elaluaibao. Me, homu dene isiąyu, te augwaligo gasa bidi dabe aiyaba elalubo bidi dabe me.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Aisaia 24:15

Tama tialima, dage tigidali tǫ habu badu bidalubo we bidi dabe, te giliga asobo badu, me te tamu ąį sesegede elalua pabo bulude bidalubo bage, dage tigidaligo te Genuai Bidigo nogi ugwanu sao, te Israel dabego Godiba genuai nogi maiąo.

Jeremaia 10:10

Tialima, Genuai Bidi, nage God mu dao. Nage sesemane bidibo God, te nage sesemane sogo king bidaibao. Te nago haliga sębę ebo sogo da, te tǫ mali eyu, te we bidi hani bugagia me bidigobeo.

Te We Bidi Dabego Jerusalem Hagede Gela Wali 3:38

Te Ugwadu Mu Bidibo Godigo naga te we bidi bugagia bidimainu ebo dao, ma augwali te genuai sęgę somainu ebo dao.

Daniel 12:7

Tialima, te wiegi yai nami ugwa beali bidigo, agai te aga nogo si dali te dagaluba nogo tų elalu, tama agai te tama po wali, “Te Sesemane Sogo Bidibo Godigo nogide, eno mu po obao, te gasagi yai pedelali te tobage nai dabe te elalua pidu, te kibu be sela olama, me kibu be pedaiba usu naibao. Tama te Godigo we bidigo bomo te mu sia sigi pabo sogo, te augwali mu dolobaso da, teda te sę dabe me te sia saibao,” wali.

Daniel 2:44

“Tama te king dabe bidalubadi, te Godigo te we bidi tonalubo bomo te tomo hodolama, tama te tonalubo bomo te sesemane bidada peyu, bidada paibao. Te gasa king dabego te Godigo tonalubo bomo te elalueinu ebaso, usu me egobeo, te gasa bagego te bomo me sogobeo. Tiali digi, te agai da te augwali aiyaba elaluama, tama te gasa king dabe mu dola silama, tama agai tonalubo bomo te sesemane elaluaibao.

Daniel 4:2

“Megi ena dwagi yai homu eyu, tama eno dageba te Ugwadu Mu Bidibo Godigo enaba ola mani bomo yai sę dali, te bidi noma sabo genuai sę dabede po obao,” wali.

Daniel 4:26

Nago odali, te enselgo te ni page te tǫde elalumainao wali. Te wali po page te tiwai. Te God deligo naga te tigidali tǫde nai tonalubo da, te tama tiwai bugagia konebo sogo da, teda nage te king ma pedalaibao.

Daniel 4:3

“Godigo te tobage genuai sę ebo mu dabolo ola mawaibao. Tama aga digi te boma pai mu elalubao. Aga te king sesemane bidada pidu, bidibo dao. Agai te tigidali nai tonalubo sę te sesemane sogo elalua pidu, mu elalua paibao.”

Daniel 4:32

Tama te augwaligo nage sela sąnama, tama nage te we bidi dabe dali munu ma bidigobeo. Te nage bulu uni hasa dabe dali naga bidaibao. Nago te kibu bulmakau dabego nai tubo tiwai ela bilidubadi, te kibu be a naga olama, me nogo badu si yaibao. Te nage te tiwai bididubadi, ‘Te Ugwadu Mu Bidibo Godigo te tigidali we bidi tonalubo da,’ te tiwai homu konebo sogo usu naibao. ‘Te God aga homugo digi, agai te bidi dabe te king pedalumainu ebo dao,’ nago te homu yaibao.” King bidigo te po wabo odali.

Daniel 4:36

“Eno te po wali sogo da, teda polo tama te eno homu wiegi yai ma pedelama, tama eno te ena genuai nogi ma sali, tama te polobadu eno te tonaluali bulu tǫ kantri tonaluabo bomo ma sai. Te enaba wiegi yai homu kolesaga mabo bidi dabe, me te ena genuai bidi dabe, augwali te ena dali ma bidagasalio. Tama ena te king ma bidiyu, tama ena nogi genuai mu elaluali, te eno polobadu elaluali te genuai nogi aiyaba elaluai dao.

Daniel 5:18

“Odao. Te Ugwadu Mu Bidibo Godigo te nago wąį Nebukatnesar te bomai genuai king pedalumainu ilali. Tama agai genuai nogi elalu, te ugwanu egulama, tama ugwadu daide mu elaluai dao.

Daniel 5:21

Godigo agai homu kolesaga te kibu hasa dabego homu kolesaga tiwai pedalumainu ilali, tama te we bidi dabego aga sela sąwani. Tama aga te bulu uni yowi donki dabe dali bidigi pelama, tama aga te bulmakau dabego nosai tubo tiwai yaligia agai me tuali. Tama hulide tulubage segeni aga tigiba tulaluai. Tama nosali agai te tiwai koneani, te Ugwadu Mu Bidibo Godigo te tigidali we bidi tonalubo king bage tonalubo dao homu yalio. Te God agai homugo digi, agai te bidi dabe king pedalumainu ebo dao, te nago ayago aya king Nebukatnesargo te tiwai konea sai dao,” Danielgo te po wai.

Daniel 6:26

“Dage eno bulu tǫ pedai kantri dabe we bidi dabeo, eno te po odiąo. Dage tigidaligo genuai nogi te Danielgo Godiba menama, tama te God dologoba pelama bidao. Te God te sesemane sogo bidada pobao. Aga te king sesemane sogo bidada pidu, bidada paibao, tama aga te we bidi tonalubo bomo te me siligobeo.

Daniel 7:14

Te Polobadu Polobadu Mu Bidali Bidigo digi aga te king pedalumainu elama, tama agaba te bomo me genuai nogi mawai. Tama aga te sesemane sogo bidada pabo te bomo elalua pabo king bidiyu, tama aga king sę ebo te munu me sia sogobeo. Tama te tigidali bulu tǫ kantri we bidi me, tigidali hani bidi me, tigidali haniani po wabo hani bulu bidi, te aga dologode naga bidaibao.

Daniel 7:27

“Tama te Ugwade Mu Bidibo Godigo te tigidali tǫde kingo genuai nogi me bomo te aga we bidi dabeba mawaibao. Tama augwali te sesemane sogo king bidada peyu, bidada paibao. Tama tigidali bulu tǫ kantri we bidi dabe te Godigo we bidi dologode bidiyu, tama augwaligo po wali paibao,” walio.

Daniel 9:14

God, dago Genuai Bidi, nago te dago yali dwai sę wei ponainu sisi elama tonaluali. Tama megi da, te sę nago yalio, magi baso meni, nage te doloba pai kolesaga naga ebo God dao. Tiali goli, dago te nago po me odobeo.”

Jona 1:14

Tialima, augwaligo Genuai Bidibolo i wali, “O Genuai Bidi, dago nagebolo gedu haluasa po obao. Te dago e bidi te tamu ąįba sąbaso da, teda nago da isimainu me elamuo. Nago da po tų me iligio, te nago te bidigo gasa bidi ela mubaso, te po tų ebo tiwai igio. Genuai Bidi, nago te naga homu wali peyu, tama nago te sę ebao,” wali.

Maika 4:7

“Te hani bidi te dwasianu naga dao, te augwali te augwa page bulu digibulu bidali, te bilabo usu meni yani, tiali goli te eno ma gagalama, te augwali bomai hani we bidi pedalumainu ilaibao,” wali. “Tialima, ena te augwa king te Saion bulu dude sesemane bidada peyu, bidada paibao,” wai dao.

Dwagi Yai Gesi Po Lukgo Asęani 1:33

Te tigidali sogo Jekopgo hanigo genuai bidi bidaibao. Aga te we bidi sesemane sogo tonaluaibao,” te enselgo te po wali.

Dwagi Yai Gesi Po Lukgo Asęani 18:13

“Tiali goli, te gavman takis sabo bidi digibulu uba doligi pelama, tama aga gedugo dagaluba ogwaba tonalubeo. Ena dwai dwai sę yalio te homu eyu, homu dene eyu, aga hagawiaba nogogo eledu bidali. Agai te po wali, ‘God, enade homu dene eyu, tau mao. Ena dwai dwai sę ebo bidi dao,’ te po wali.

Dwagi Yai Gesi Po Jongo Asęani 5:26

Eno Aya aga bidabo bomo aga digi elalubo. Tama agai bidabo bomo aga Ogwabolo mawai. Enabolo. Tama te tiwai te bidabo bomo te aga Ogwago me elalubo.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

2 Timoti 1:17

Tama tibaso, eno agai ena dali yali sęde homugo kone paluyu, tama aga genuai nogi me aga wiegi yai ula yai bomo me te si ugwaba muyu, tama eno e po obao: “Aga te Tuni Bidi tigidali sogo bidibao. Aga me isibo meni, gamonaibao. Tama bidigo aga me subo menio. Agaduba deli naga te God mu dao. Genuai nogi me bomo me te agade sesemane sogo mu bidada peyu, bidada pomainao. Mu dao,” eno te po obao.

2 Timoti 6:16

Agaduba deli naga te munu me isisąbo ula page elalubo bidi dao. Aga te genuai nanobo ula tomode mu bidibo, tama da aga pąba pabo te usu me egobeo. Te bidi me deligo aga munu me sube, tama aga me subo usu egobeo. Genuai nogi mu me, bomo me te agade sesemane sogo bidada peyu, bidada paibao. Mu dao.

Kraisgo Geme Dualali Sę Pedelabo Po Jonbolo Ola Mani 10:6

tama agai Godigo nogi weyu, te eno mu po naga obao homu eyu agai po wai. Te God aga sesemane sogo bidada peyu, bidada pabo bidi agai te dagalu dali tede elalubo nai nigali, te tǫ dali tigidali e tǫde elalubo nai nigai, tama tamu ąį me te tigidali tede elalubo nai me nigali bidi dao. Tama te ensel mobo bidigo aga nogo ugwaba munama, tama Godigo nogi weyu tama agai te po wai, “Megi me gesege iligobeo.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.

Kraisgo Geme Dualali Sę Pedelabo Po Jonbolo Ola Mani 4:10

te bidi sese olama me si me si polalubo tobolu bidi augwali te tuni bidi duabo naide dulalubo bidigo gesabidiba kidu sugunama basi gulubo dao. Tama augwaligo agabolo lotu po weyu, aga nogi ugwaba sabo dao, aga te sesemane sogo bidada pabo bidi dao. Tama tiyu, augwaligo augwa te kapa golgo nigai wiegi yai madi dabe te tuni bidi duabo nai sai pageba te madi guda mayu, tama augwaligo te po wabo,

Kraisgo Geme Dualali Sę Pedelabo Po Jonbolo Ola Mani 4:9

Tama te bidibo ula elalubo hasa dabe, augwaligo te God aga te sesemane sogo bidada pabo te tuni bidi duala tiąlubo nai saide dulalubaso, te augwali homu wiegi yai mu ebo dao. Tama tibaso, augwaligo aga ula yai bomo dali, aga nogi dali te si ugwaba siyu, tama aga dali usu da po weyu balia wedu gebo dao. Tama tibaso da,