Daniel 4:17 - Godigo dwagi yai po buku

¹⁷ “Te nai dabe tonalubo mobo bidi ensel dabe, augwaligo te nai dabe pedalumainao po obaso, te tigidali bidigo konemainu yali, te Ugwadu Bidibo God Mugo te tigidali we bidi tonalubo dao. Te agai homugo digi te bidi dabe king pedalumainu sa mubo da, te genuai nogi elalubo bidi me, te olo bidi tama me, te tagalao, te agai digi sa mubo dao.” Te ensel mobo bidigo te po wai,’ eno te po Danielba wali.

Daniel 4:17 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 21:25

Mu tamao, te Ahap king bidali sogo, te agai homugo me koneani kolesaga tigidali te Genuai Bidigo gedude dwai sę yabo kolesaga bomo elaluali. Polobadu bidi me deligo te tiwai kolesaga me ebeo. Aga we Jesebelgo naga, te aga homu begelibo po obaso, te dwai kolesaga yali dao.

Tuni Bidi Dabego Po Elalubo Buku Si 28:22

Te king Ahasgo te sęgę hauwa mu sabo sogo agai Genuai Bidi munu me homu kone ebeo. Menio. Agai Genuai Bidi tudiba munama, me genina mu tudi ola manio, tama dwai dwai sę hauwa mu yali.

Godigo Nogi Ugwaba Sabo Tęąbi Po Wabo Buku Dabe 103:19

Genuai Bidi dagalude tuni bidi bidiyu, tama aga tigidali nai tonalubo bidi dao.

Godigo Nogi Ugwaba Sabo Tęąbi Po Wabo Buku Dabe 12:8

Te dwai sę ebo bidi dabe te tigidali habu badu bilalubao. Tama tigidali we bidigo te dwai sę ebo kolesaga te wiegi yai nai da homu ebo dao.

Godigo Nogi Ugwaba Sabo Tęąbi Po Wabo Buku Dabe 9:16

Awe, te tama tebogo te God agai kolesaga te bidi dabeba te po tų ebo sogo ola mawai dao. Te dwai sę ebo bidi dabego te gasa bidi dolabo sę yali, tiali goli te naigo begelama, te augwa digi ma dolai.

Ma Dobola Sali 9:16

Tiali goli, eno nage hodolama, te tuni bidi nigiliyu, te eno genuai bomo dagebolo ola mayu, tama te we bidigo eno genuai nogi te tigidali tǫba te po pusugi pomainogo tebao.

Aisaia 6:3

Tama augwa digi augwa hasi ma i weyu, te po wali, “Genuai Bidi aga tedali gasagi yai mu dao. Aga tedali gasagi yai mu dao. Aga tedali gasagi yai mu dao. Genuai Bidi Tigidali Bomo Elalubo Bidi aga tedali gasagi yai mu tama dao. Agai genuai ula de bomo sigo tǫ tigidali mu usu nani,” te po wali.

Aisaia 6:8

Tama eno Genuai Bidigo ensel sibi hanaluyu, te po wabo odali, “Dago de tagala palaibawe? Dego eno po sela paibawe?” Tama eno te po wali, “Nago ena tagala palao.”

Esekiel 25:17

Eno haliga sębę dwai mu augwalide elama, tama augwaligo yali dwai kolesaga tigidali dolo wei ponaibao. Tama augwaligo te tiwai bugagia koneama, ena digi ena Genuai Bidi dao,” te po wai dao.

Esekiel 7:24

Tama tialima, eno Genuai Bidigo po odisąbo hani bidi dabe sesaibao, augwali te bidi dwai mu dabe, tama augwali te Israel tǫ kantriba aselama, te Israel dabe augwa be dabede sela sąnama, te be dabe saibao. Tama augwaligo te Israel dabego lotu wabo pesage dabe dolaibao. Te Israel bomai bidi dabe augwali te wi naga elama, te augwaligo hagoma me ma egobeo.

Daniel 11:21

Tama te bidi te da tǫde bidi tiwaigo te enaba po ma wali, Danielba, te tama po wali, “Nosali te gasa Siria king pedelaibao, tama aga te dwai bidi mu yaibao. Te bidi aga te king pedelabo bidi tiwai ąǫ isąwaibao, tiali goli polo tama te aga pedelama, tama te haniani homu bega sabo po me tibo po weyu yaibao, tama aga digi te Siria king bidimainu ilaibao,” wai.

Daniel 2:21

Nago te giliga side, me tulubage side te tonalubao, tama nago digi te bidi dabe king pedalumainu elama, tama nago te king dabe augwa sęde sela sąyu ebo dao. Tama nago te wiegi yai konebo homu kolesaga te we bidi dabeba mabo dao.

Daniel 4:2

“Megi ena dwagi yai homu eyu, tama eno dageba te Ugwadu Mu Bidibo Godigo enaba ola mani bomo yai sę dali, te bidi noma sabo genuai sę dabede po obao,” wali.

Daniel 4:25

Nago te we bidi dabe bidibo pesage tagalama, tama nage pelama, te uni hasa dabe dali bidigi paibao. Nage te kibu bulmakau dabego nosai dabe tubo tiwai eyu, tama nage bulude piaibao, tama te hulide tulubage segeni tulubo te nageba idubadi, te kibu be 7, teba usu nigi paibao. Nage te tiwai bididubadi, te nago te tiwai te Ugwadu Mu Bidibo Godigo te tigidali we bidi tonalubo homu konebo teba usu nigi pabo teba usu naibao. Te aga homugo digi, agai te bidi dabe te king pedalumainu ebo dao.

Daniel 7:25

Tama agai te Ugwadu Mu Bidibo Godiba po dwai mu olama, tama aga we bidi dabe aiyaba elalueibao. Tama agai te lotu pode bomai po hasegeliyu, te genuai side wabo te hasegelaibao. Tama agai te Godigo we bidi tonaludubadi, te kibu be sela olama, te kibu be me badu pedaiba usu nigi paibao,” wai.

Polgo Po Pas Rom Dabeba Asęani 13:1

Da Godigo po wali bilibo we bidi da tigidali te gavman bidi dabe augwali dologode bidao. Magi baso meni. Te tǫde elalubo gavman sę yabo bomo, te bomo tigidali te God aga digi agai dodolai dao. Te gavman me deli te olo me pedalubeo. Menio. Tigidali gavman bidibo, te Godigo digi augwali munama tama augwali bidibao.

1 Korin 1:28

Te tǫde we bidi augwaligo gasa we bidi me badude e homu ebo dao, “Woo, augwali te nogi meni yai bage naga dao, dwai bage dao, augwali olo nai naga dao,” te homu ebo dao. Tiali goli agai te tǫde we bidigo gedude genuai wiegi yai nai dolomainogo eyu, Godigo te tobage olo we bidi dią sai dao.

2 Timoti 5:21

Te God me, Krais Jisas me, te Godigo dią sali ensel mobo bidi dabe, te augwaligo gesabidide eno nagebolo dolo mu obao, te eno megi tama nagebolo asęani ola mabo po nago bugagia wali pao. Tama tiyu, tama nago te tobolu bidi dabego yali sę osola subadi, nago te bidi me delide wei ebo abagi homu eyu, tama gasa bidi me delide dwai homu eyu munu te tiwai elamu dao. Te bidi dabe osola subo sę te nago dolo mu naga yao.

Kraisgo Geme Dualali Sę Pedelabo Po Jonbolo Ola Mani 4:8

Tama te bidibo ula elalubo hasa me si me si, te augwali deli deligo bogo te a naga olama me badu nogo deli elaluali. Tama gedu hauwago augwali tigi te bulu badu me tomo badu me usu nama mu elaluai. Te bogo dologode me elaluali. Tama ulade dali te hulide dali augwaligo te balia weyu te po wabo, “Genuai Bidi Godigo tigidali bomo elalubao, te aga wiegi yai tedali, wiegi yai tedali, wiegi yai tedali mu dao. Tama polobadu aga bidai, tama megi me aga bidibo, tama nosali aga asaibao.” Tama augwaligo te po wabo toma me tubo menio.

1 Samuel 2:8

Agai te magi doado bage meniama, te sǫą pabo we bidi dabe tau selama, tama augwali bugagia bidaibao. Tama agai augwali te augwa bulu tǫde te genuai pedelama, bidimainu ilama, tama te we bidigo augwaliba genuai nogi mawaibao. Agai te tama tebo, magi baso meni, te e tǫ tolalubo bomai nai dabe augwali te Genuai Bidigo digi nigilai nai dabe, tama aga digi te nai dabe daide ugwadu te tǫ sese nigilama elalubo dao,” wali.