Daniel 4:16 - Godigo dwagi yai po buku

¹⁶ Agai te bidi dabego homu kolesaga ebo tiwai ma egobeo, tiali goli aga homu kolesaga te kibu hasa sibi dabego homu kolesaga tiwai elalua pidubadi, te kibu be 7 bidaibao,” wali.

Daniel 4:16 Iomraidhean Croise

2 Samuel 18:32

Kingo odolama, tama te po wai, “Te eno ogwa, Apsalom, aga te bugagia bidibawe, ma meniwe?” Tama te Sudan bidigo po wei ponoyu, te tama po wai, “King o, eno homugo te tobage sę te gesi ogwa bidiba me pedalumainu homu eyu, te nago boi bidi tigidaliba me, te nage dali hwįainu eyu, te nageba dwai sę yainu ebo bage dabeba me, pedalumainu homu ebo dao,” wali.

Aisaia 6:10

Magi baso meni. E we bidi hanigo homu kolesaga te puna pai dao. Tama augwaligo odogo po odobo hagela eyu, tama augwaligo augwa gedu palia sai. Tiyu, augwaligo gedugo te magi nai me deli suidali weyu tiali, tama augwaligo odogo po odidali weyu tiali, tama augwaligo homude te po page ma koneama, tama augwali begasa, enaba ma aselama, tama eno augwali usu ma ilidali weyu, augwaligo tama kolesaga yai dao,” wali.

Daniel 11:13

“Siria kingo te genuai ami hani mu sisinaibao, te polobadu hwįgi pali ami dabego namba te aiyaba elalueibao. Tama nosali kibu be mebade, agai te genuai bomai ami selama, te augwaligo te Isip king dali hwįgi paibao. Tama augwa te hwįgi pabo sogo, te augwa te nai hauwa dali sela paibao.

Daniel 12:7

Tialima, te wiegi yai nami ugwa beali bidigo, agai te aga nogo si dali te dagaluba nogo tų elalu, tama agai te tama po wali, “Te Sesemane Sogo Bidibo Godigo nogide, eno mu po obao, te gasagi yai pedelali te tobage nai dabe te elalua pidu, te kibu be sela olama, me kibu be pedaiba usu naibao. Tama te Godigo we bidigo bomo te mu sia sigi pabo sogo, te augwali mu dolobaso da, teda te sę dabe me te sia saibao,” wali.

Daniel 4:23

“Tama nago suali, te nai dabe tonalubo ensel mobo bidi me deli te dagaludu dulama, te po wali, ‘Te ni gelama, dolao,’ wali, ‘tiali goli, te tǫde page te nosai dabe elalubo page tomode elalumainu sula tagalao. Tama te genuai ring ain me bras deli selama, tama te aga pageba muao,’ wali. ‘Te hulide tulubage segeni ebo te aga daiba ugwadu tuluyu, tama kibu hasa dabe dali te kibu be 7 tama bidimainu ilao,’ te ensel mobo bidigo nagebolo te po wali.”

Daniel 4:25

Nago te we bidi dabe bidibo pesage tagalama, tama nage pelama, te uni hasa dabe dali bidigi paibao. Nage te kibu bulmakau dabego nosai dabe tubo tiwai eyu, tama nage bulude piaibao, tama te hulide tulubage segeni tulubo te nageba idubadi, te kibu be 7, teba usu nigi paibao. Nage te tiwai bididubadi, te nago te tiwai te Ugwadu Mu Bidibo Godigo te tigidali we bidi tonalubo homu konebo teba usu nigi pabo teba usu naibao. Te aga homugo digi, agai te bidi dabe te king pedalumainu ebo dao.

Daniel 7:25

Tama agai te Ugwadu Mu Bidibo Godiba po dwai mu olama, tama aga we bidi dabe aiyaba elalueibao. Tama agai te lotu pode bomai po hasegeliyu, te genuai side wabo te hasegelaibao. Tama agai te Godigo we bidi tonaludubadi, te kibu be sela olama, te kibu be me badu pedaiba usu nigi paibao,” wai.

Daniel 7:28

Te eno nade suali po tigidali te tama dao. Ena Daniel, ena wi dwai mu elama, tama eno gesabidi te hasegelama, tedela yali. Tama eno te nai dabede homu kone palobo homu mu yalio.

Hibru 1:11

Te dagalu de tǫ si te tigidali dolaibao, tiali goli nage da me dologobeo. Menio. Nage da sesemane sogo bidaibao. Te dagalu de tǫ si da te tigidali te badia paibao, te poloba ugwa badia pai tiwai yaibao.

Kraisgo Geme Dualali Sę Pedelabo Po Jonbolo Ola Mani 12:14

Tiali goli augwaligo te webolo te genuai ba kemodage bogo si mawai, tama te we aga te bidi meni yai buluba bola pabo usu yali, tama aga te genuai dwai hasamani wi ebaso, aga digibulu bidigi pabo usu dao. Tama augwaligo aga bugagia tonaluyu nai mayu yai, tama tede bidibadi kibu be sela olama, polua nogo a naga olama me badu nogo deli bidaibao.