Daniel 3:2 - Godigo dwagi yai po buku

² Kingo te po weyu, te aga gavman ofisa tigidali te piksa noma gudainogo eyu, sisinagasao wai. Tialima, te hetman dabe me, tama te polalubo tuni bidi, me si wabo tuni bidi, me te mone tonalubo bidi dabe, me te jas bidi dabe, tama te tǫ pedaide gasa ofisa dabe me, te augwali sisinagasai. Tama kingo augwaliba weyu, augwaligo te golgo nigali piksaba lotu waiyąo po walio.

Daniel 3:2 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 12:32

Tama te king Jeroboamgo agai te namba 8 polua wabode, te 15 dei, te sogo te Israel dabego moni lotu po wabo bodolu deli dao olama, dąį ilali. Te genuai lotu po wabo sogo, te Juda hanigo lotu po wabo bodolu sogo deli gagawai tiwai tama da. Tama agai te hasa dabe elama, tama te denami yai ofa nai ulubo alta saide ulali, tama aga te golgo nigali kibu bulmakau noma siba te ofa eyu, tama tiwai. Tama agai te ofa nai ulali te Betel hanude tama tiwai. Tama agai te aga te sę tama tonalumainu, me te lotu po wabo pesage tonalumainu, tama agai te dąį ilali pris bidi dabebolo te e Betel bulu hanuba te dage eba sę yagasiąo olama, agai augwali asao olama, po ola tolali.

Bugagia Bidibo Kolesagade Po Asęai Buku 29:12

Te kantri tonalubo tobolu bidi aga te bidi dabego tibo po ola momainu eyu da, teda te dwai kolesaga naga ebo bidi dabe te aga sę ebo ofisa bidi naga bidaibao.

Daniel 3:27

Tama te kingo genuai bidi dabe, augwali te pąba pąba aselama, te siago disąwani Juda bidi sela suagasalio. Tama augwaligo te tiwai suali, te siago augwa tobolu nisi me, te augwa gudali ugwa me, te siago disąwai, tama te sia hano kugumini me te augwali tigide me elalubeo.

Daniel 3:3

Tama te po obaso, te tigidali gavman genuai bidi te piksa elalubo pesageba sisinama, te lotu wainogo yalio, augwali tede dodolali.

Israel Hanigo Namba 25:2

Tama te we dabego te Israel dabe te Moap dabego te tibo godibolo ofa elama, lotu po wabo pesageba odasa pali. Tama te Israel dabego te ofa yali nai tulama, tama tibo godiba lotu po wali.

Kraisgo Geme Dualali Sę Pedelabo Po Jonbolo Ola Mani 17:2

Te haniani tǫde tuni bidi augwaligo penani sę ebo kolesaga hauwa te we dali yali dao. Tama tigidali tǫde bidi dabe augwaligo me te we dali te penani ebo kolesaga eyu, tama augwali te kolesaga meni yai bidi tiwai eyu, te bomai ąį tuai bidi tiwai yai dao,” te ensel bidigo enabolo te po wai.

Te Israel Tobolu Bidi Dabe 16:23

Nosali te Filistia dabe tigidali polalubo bidi te sisinagasai. Augwaligo te wiegi yai homu pemene elama, tama augwa tibo godiba ofa ilali, Dagon. Tama augwaligo te po wali, “Te dena godigo da tau selama, dago te dena boi bidi Samson te aiyaba elaluali!” te po wali.