Daniel 3:16 - Godigo dwagi yai po buku

¹⁶ Tialima, Satrak, me Mesak, me Abetnego, te bagego te po wali, “King, te nago da selade yainu ebo sęde te dago magi po me menio.

Daniel 3:16 Iomraidhean Croise

Kolesaga Koneai Bidigo Pusali Po Elalubo Buku 4:12

Te boi bidigo deli dali hwįbaso, te boi bidigo aga aiyaba elaluabo homu ebao. Tiali goli, boi bidigo bidi si dali hwįbaso te aga usu meni da homu yaibao. Awe, te tiwai me, te augwaligo dila pai hobi sela selama, te haliga tubaso da, teda te haliga polo me togwa pogobeo.

Daniel 1:7

Tama Aspenasgo gesi noma nogi augwaliba mawai. Agai te Danielgo nogi te Beltesasar polali, te Hananiago nogi te Satrak poali, tama Misael agai te Mesak poali, tama Asaria nogi te Abetnego poai dao.

Daniel 3:12

Tiali goli, te Juda bidi sela, Satrak, me Mesak, me Abetnego, nago augwali sa munama, te Babilon tonalumainu yali bage, augwaligo te nago po sela sąwai. Augwaligo te nago god dabeba lotu me wasiąwai, tama me nago te dodolali piksaba kidu sugunama, lotu me wabeo,” wali.

Daniel 3:28

Tama kingo te po wai, “Da tigidaligo te Satrak, me Mesak, me Abetnego, te augwaligo God nogi ugwaba sinao,” wali. “Agai te aga mobo bidi ensel tagala palama, tama te agaba lotu weyu, te konealubo homu dąų wabo bidi sela tau sali. Augwaligo te eno bomo yai po sela sąyu, te augwali isabo wi me ebeo. Tama augwaligo gasa godiba lotu me wabeo. Menio. Augwaligo te augwa Godiba digi naga lotu wai dao.