Daniel 2:4 - Godigo dwagi yai po buku

⁴ Tama augwaligo te kingba po wei ponoyu, te Aram pogo begelama, te tiwai po wai, “King o, eno homugo nage te sesemane sogo sesabi elama, bugagia bidagameo. Te nago dabolo te nago nade suali nai po bolo pusao,” wali, “tama dago te na page nageba pusa mawaibao,” te po wai dao.

Daniel 2:4 Iomraidhean Croise

Tigidali Nai Gagalama Nigali Side 31:47

Te Aram pode Labango te bulu nogi te Jegar Sahaduta poali, tama te Hibru pode Jekopgo te bulu nogi Galet poali.

Tigidali Nai Gagalama Nigali Side 41:8

Tama kigamu aga moni homu elama, tama agai te Isip dabe te kolesaga konea pai bidi dabe, me te geme dualali nai dabe subo bidi dabe me, augwali i wali. Agai te na si yali po te augwalibolo wali, tiali goli te na yali page pusabo bidi me deli te usu meni yai.

Te Israel me Juda Hani Sigo Tuni Bidigo Po Elalubo Buku Deli 1:25

Magi baso meni, megi te sogode naga Adoniya te me badu me pelama, tama te bulmakau hauwa me, sipsip me, te nisali bulmakau wai dabe me, te hauwa elama, tama agai te Godiba ofa igi palio. Tama agai te nago ogwa dabeba hanaluyu, tama te ami ofisa dabeba me, te pris Abiatarba me hanalu elama, te aga dali nai tuagasao po wai. Tama megi da, augwali te nai me wę me tubo sę eyu, tama te Adoniyaba i weyu, wiegi yai homu pemene ebo po te tama waibao, ‘Adoniya te bobage sogo king bidimainu yao,’ po obao,” wali.

Te Israel me Juda Hani Sigo Tuni Bidigo Po Elalubo Buku Deli 1:31

Batsebago te po odobo si da, teda te aga kidu sugunama, tama tobolu basi gulama, tama Devitba te tama po wai, “King, nage eno genuai bidi, tama eno homugo nage sesemane sogo nage bugagia bidimainu homu ebao,” te po wai.

Te Israel me Juda Hani Sigo Tuni Bidigo Po Elalubo Buku Si 18:26

Eliakim tama, me te Sepna ebadi, tama me te Joa, tama te bidi selago te po wabo odali, tama augwaligo te Asiriago ami soldia gavman tobolu bidi dali e tama po wali, “Nago da dali po wainu da, te Siria pogo naga wao,” wali, “magi baso meni, dago te hanigo po koneani dao. Nago te Hibru pogo naga wagio, te taun obo banis daide ugwa badu dolalubo Juda bagego me nago te wabo po odabuo,” wali.

Esra 4:7

Tama nosali te king Serksis isibaso, tama te king Artaserksis te Persia king pedalubo side da, teda Bislam, Mitredat, me Tabel dali, te aga deli sę ebo bage, augwaligo pas me deli te kingba asęna tolali. Augwaligo te pas te Aram pogo asęnama, tama te bidigo nedebo sogo da, teda agai te Persia poba begelama, te po waibao.

Nehemia 2:3

tama eno te tiwai po kingba wali, “King o, nage te bugagia sesabi elama bidagameo. Awe, ena haliga sęgę mu ebao, magi baso meni, te augwaligo eno wąį nǫų dabe pubulali madi te hanu taun te dolali elalubao, tama siago te bobegelali masigi obode te nigo nigali sunumi me ulali elalubo dao.” Eno te po wai.

Aisaia 36:11

Eliakim, me Sepna, me Joa, augwali selago te po odama, tialima augwaligo te Asiria ofisa bidiba te po wali, “Nago te po dabolo te Siria pogo wao, magi baso meni, dago te bulu po koneai dao. Nago te Hibru po me wagio, tiyu te taun obo daide dodolalu bidibo bidi hani dabego nago te wabo po odabuo,” wali.

Aisaia 44:25

Eno te magi nai me deli te nosali pedelaibao po wabo bidi dabego po te homu kone tuą palama, tama te augwaligo po geda mueibao. Tama te mena sę aga nade konea pai bidigo po homu kone tuą palaibao. Te po page konea pai bidigo homu kolesaga te eno umuna palobo bidi tiwai pedalumainu ilibo dao.

Daniel 1:4

Agai te gesi ogwa bidi dabe te wiegi yai gesabidi, me tigi wiegi yai yai naga sao po wali. Tama te tigi me badu dolali te me sigio, tama te wiegi yai kolesaga hauwa koneama, tama te wiegi yai skul olama, te kolesaga polo konea pabo bidi dabe naga sao, wali. Tama tiyu, augwaligo te kingo bede sę ebaso, usu yaibao. Tama Aspenasgo digi te augwaliba te nedebo me asębo sę te Babilon pode ola mayu, tama te Babilon bagego polobadu asęani wiegi yai kolesaga tigidali me ola momainogo yai dao.

Daniel 2:7

Tama augwaligo kingba te po ma wai, “Nago te nade suali nai po bolo dabolo pusa mao,” po wai, “tama dago te page pusaibao,” wali.

Daniel 3:9

Augwaligo kingba te tiwai po walio, “Genuai bidi, nage sesemane sogo bugagia bidagameo.

Daniel 4:19

Danielgo te na page koneai, tama agai te homu si eyu, tama te kingba pusabo wiegi yai homu pemene isąwani. Tama aga te po polo wei ponebeo. Tiali goli, kingo agaba te po wai, “Beltesasar, tama nago homugo te na elalumaina homu elama, tama te na yali pagede nago haliga sęgę emainu egio,” wali. Tialima, Beltesasargo te po wai, “King o, eno homude te nade yali sę nageba pedalubo te eno hagela homu yai. Eno homugo te nago boi bidi dabe augwaliba naga pedalumainu homu yai dao.

Daniel 4:7

Tama te tobage po page koneai bidi dabe dali, te pobi wabo bage dali, te tama bidi dabe tigidali asalio. Eno augwaliba te na yali po walali, tiali goli augwaligo te na yali po page pusabo usu meni yai dao.

Daniel 4:9

‘Beltesasar, te kolesaga koneai bidi dabego tobolu bidio, eno koneani, te bomai god dabego nageba te homu kolesaga menama, tama te magi nai me deli nagede geme dualalubeo. Tialima, eno na yali po megi odama, tama nago te nade yali po page pusao,’ wali.”

Daniel 5:10

Te king dali, aga genuai bidi dabe daligo posolu wali. Te kingo idago te posolu wabo odama, tama aga te nai tubo be habu tomoba pali. Tama agai te po wali, “King, nage te sesemane sogo bugagia bidagameo. Te sę ebogo te nage homu poma peyu, tama nago gesabidi tedela eyu, nago haliga te dwai me emainu iligio.

Daniel 5:8

Kingo te po aga te po page koneai bidi tigidaliba wali, tiali goli niwai bidi me deligo te be paide asęani po me nedesiąwai. Tama te augwali me deligo kingba te asęani po page me wabeo.

Daniel 6:21

Tama Daniel te tǫ dedage tomode bidiyu, tama te tiwai po wei ponani, “King, eno homugo nage sesemane sogo sesabi elama bidao.

Daniel 6:6

Tama augwaligo te king sugi pelama, agabolo te po wali, “King Darius, nage bugagia sesemane sogo bidagameo,” wali.

Daniel 6:7

“Da tigidali ofisa te bulu tǫ kantride nago sę ebao, da te polalubo gavman ofisa dabe, me tigidali gasa ofisa, dago te po mia selama, te bomo yai po me deli muagameo wai. Dago homugo nago te we bidi dabeba te tiwai po omainu homu yai, te bidi sese deli olama, nogo si, te 30 dei wabo side usu nama, bidi me deligo te god me deliba, ma te bidi me deliba, gedu haluasa po me olamuo. Menio. Augwaligo te nageba naga gedu haluasa po omainao. Te mena bidi me deligo te po bolobaso da, teda nago aga te moni hasa laion dabe bidibo tǫ dedageba sąyu, tula palagameo wai dao.

Matyu 21:9

Tama te bidi Jisas tomoba ilama peyu, tama we bidi meba augwali polasa pabo bage dali, nosali asobo we bidi dali augwaligo bomo elama i weyu, te Jisasgo nogi ugwaba siyu, te po wai, “Dago nage dali dwagi yai homu pemene ebao, te nage Devitgo hani bidi dao. Godigo nage dali dwagi yai sę yao, te nage te Genuai Bidigo nogide asali bidi dao. Dagalude bidibo bage me augwaligo aga nogi ugwaba sao.”

1 Samuel 10:24

Tialima, Samuelgo te we bidibolo te po wai, “Te Genuai Bidigo sa muyu nigilali bidi suao. Te tobage bidi tiwai me deli te da tomode me menio.” Tama tigidali bagego po dagą genuai olama, i weyu, te tiwai wai, “Aga te dago king bidi dao. Aga te kibu be hauwa te king bidimainao!” wali.