Daniel 2:19 - Godigo dwagi yai po buku

¹⁹ Tialima, te sogo hulide naga, te Daniel aga na tiwai ebadi, tama Godigo Danielba te kingo na yali page ola mawai. Tama Danielgo te po wei ponoyu, tama te Godigo nogi ugwaba siyu,

Daniel 2:19 Iomraidhean Croise

Jopgo Po Asęani Elalubo Buku 4:13

Te po eno hulide sali. Te bidi dabe sese mu godege pilama tomo mu igi paide. Ena pila mubadi yaide, te haniani kolesaga eno tobolude iba oba ida wali.

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

Daniel 1:17

Tama Godigo wiegi yai konebo homu kolesaga te Danielba me, te aga abagi sela daliba menama, tama augwaligo koneani kolesaga te genuai mu elalu, te bukude elalubo po dabe me te mu konea pelama elaluai, tama augwaligo gasa nai dabe konebo kolesaga hauwa mu elaluali. Tama me, te Godigo Danielba te na ebo page dabe pusa mabo konebo kolesaga wiegi yai mani.

Daniel 2:22

Te nai hauwa geme dualalubo te bidi dabego konesiąwai. Tiali goli, God, nago te nai dabe te bidi mebabolo ola mabo dao. Te nanobo ula te nagede elalubao, tama nago te be hulia side elalubo nai te konea pai dao.

Daniel 4:26

Nago odali, te enselgo te ni page te tǫde elalumainao wali. Te wali po page te tiwai. Te God deligo naga te tigidali tǫde nai tonalubo da, te tama tiwai bugagia konebo sogo da, teda nage te king ma pedalaibao.

Daniel 4:9

‘Beltesasar, te kolesaga koneai bidi dabego tobolu bidio, eno koneani, te bomai god dabego nageba te homu kolesaga menama, tama te magi nai me deli nagede geme dualalubeo. Tialima, eno na yali po megi odama, tama nago te nade yali po page pusao,’ wali.”

Daniel 7:2

Wali te tigidali badu asiyu, tama te genuai tamu ąį dini hodolali.

Daniel 7:7

Eno te sogo hulide ma tonono ela bilibadi, tama eno te me si me si wali te hasa suali. Iya, aga gesabidi te mu dwai elama, tama aga bomo genuai mu elaluai, tama ena agade wi dwai mu yalio. Agai genuai ain kele elalu, tama agai te tigidali bage tulama, dolobo sę mu yai. Tama nosali aga agalama, tama mimia sabo kakali tulaluali. Te kibu tiwai moni hasa te gasa eno suali hasa dabe tobage tiwai meni, magi baso meni, aga tobolude te nogo si gąų elaluali.

Amos 3:7

Mu tamao, tigidali sę God Genuai Bidigo yabo homu ebo sę, agai aga sę bidi dabebolo hasia po pusaibao, te profet dabeba waibao, tama nosali agai wali po gilama te sę ebo dao.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

Josua 22:33

Tama te Israel dabego te augwaligo pusagasali pode te augwali wiegi yai homu pemene yai. Augwaligo te God nogi ugwaba siyu, tama augwaligo te Ruben, me Gat, te augwali dali boi hwįgi pabo homu eyu, te augwali bidali tǫ doligi pabo homu yali, te homu kone munu me ebeo.